السلام عليكم ورحمة الله وبركاته
حياالله ابومرحبا
انت جزاك الله عنا كل خير ومشكور على مدحك للقرامين وفرسانهم
وهذا ماهوب غريب على جميع القبائل كافه
لان الجميع بهم فرسان وشيوخ وشجعان وكرماء وابطال
وجميعهم يفتخرون بطيبهم ومقاديمهم وتتنافس القبائل على الطيب دائما وتتمنى كل قبيلة ان كل شجاع وفارس وكريم
ان يكون منها
والدليل على ذلك ان كل انسان بارز بالطيب تفتخر به قبيلته وايضا تجد ان له ايضا خوال من قبيلة اخرى تذكر للملأ بان
هذا الفارس والشجاع بانهم خواله ويثنون على انفسهم بانه اخذ الطيب منهم والصفات الطيبه
وان دل على شي فانه يدل على ان الخصال الطيبة كلها محل اهتمام الجميع وحرص الجميع
بإستثناء الاشخاص السفهاء من كل قبيلة والذين يمدحون انفسهم فقط ويعيبون على الآخرين كان ليس عندهم من الطيب
خصله وانهم هم فقط الذين يملكون كل شي
والله يجمعنا على الاسلام والعز والطاعة وان يؤلف بين القبائل والشعوب وان يصلح حال الامة ( آمين )
واعيد واكرر شكري لكاتب هذا الموضوع ابومرحبا
وجعلنا جميعا من الطيبين
واحب اهديكم ابيات مأثورة

سر ياقلم واكتب كلامي بعد ما طال السكوت @@@ كلمة وفا وابغاك ياراعي الوفا تفطن لها
الناس في الدنيا تعيش وفي آخر العمر بتموت @@@ كالشجرة اللي مرها العبد وجلس في ظلها
الكل يفنى ما على الدنيا مقر ولا ثبوت @@@ وبعض المناوي يتعب الرجال ما ياصل لها
اهون بيوت الخلق عند الله بيت العنكبوت @@@ واعظم بيوت الله ليا قدر هدمها كلها
تب قبل ما تطوى السنين وموعد التوبه يفوت @@@ صم زك وحج وجاهد وكل الفرايض صلها
واذكر نهار يصير قبرك بيت من ظمن البيو ت @@@ واهل القبور الله يعلم دوم وش يحصل لها
ينزل عليك من السما مرسول ليا وصلك تموت @@@ والروح من بين الظلوع الظيقة تتلها
في ساعة والصدر مابين التظايق والكبوت @@@ وكل العلوم اللي ترا فالقلب فمك يهلها
يالله تجعل قوتنا يوم القيامة خير قوت @@@ يامن تعز بعزتك قومن وقوم تذلها
هذي نصيحه قلتها مير السموحه فالبيوت @@@ اخذ النصيحه وانتفع واما القصيدة خلها
نصيحتن بارفع بها صوتي وازيد الصوت صوت @@@ اقولها واللي عقد روس الحبال يحلها

مطلق القرماني