|
برنامج "ملاك الإبل" مع الشيخ / بندر بن حميد.. بعد قليل
"" السلام عليكم ورحمة الله وبركاته .. يعاد برنامج " ملاك الإبل " على قناة الساحة .. مع الشيخ / بندر بن حميـد.. الساعة 8 .. مشاهدة ممتعة.. "" |
متابعين للشيخ / بندر بن نايف بن حميد ومشكور يابدر ع الخبر |
"" العفو يا خلف.. و تسلم على المرور .. "" |
يعطيك العافيه
|
والله فاتنا القاء ..
اذا فية اعادة لاتبخلون علينا في اخبارنا بها. |
اكيـــــــــــــــــــــد متابعين برنامج//// خالي الامير / بندر بن نايف بن حميد .......حفظه الله ورعاه
مشكور بدر الكريزي |
ابن خظري ..... الله يعافيك .. لا هنت .. الرومي .. البرنامج معاد ... إذا فيه إعادة بذكرها هنا .. متعب المهيدلي .. العفو يالبناااخي ..:) |
مرحبا بك أخي وعليكم السلام ورحمة الله وبركاته
مشكور على الخبر السار لك تحياتي |
والله وسبعة انعام في الامير بدر نايف بن حميد ومشكوووووور على التنبية يا اخونا بدر
|
اخوي بدر الكريزي مشكور على الخبر المشرف لاكن عندي سؤال يسال عنه الكثير ؟ الشيخ بندر بن حميد عمره الان يقرب من 60 ولم يعرفه الكثير ولم نسمع عنه ولاقد شفناه الافي مزاين عتيبه منذو سنة سؤالي اين بندر بن حميد طوال تلك الفترة ؟ وشكرن لك وتقبل مروري وتحياتي |
اقتباس:
الأمير سلمان استقبل الشيخ بندر بن نايف بن حميد والشيخ عبدالله بن عمر بن ربيعان التاريخ : 24/10/1428 هـ المصدر : مركز الحاسب الآلي استقبل صاحب السمو الملكي الأمير سلمان بن عبدالعزيز أمير منطقة الرياض بمكتبه في قصر الحكم امس كلا من الشيخ بندر بن نايف بن حميد والشيخ عبدالله بن عمر بن ربيعان وذلك بمناسبة انتهاء ملتقى مزايين قبيلة عتيبة . وخلال اللقاء قدما لسموه الشكر والتقدير على ما حظي به الملتقى من دعم ورعاية من سموه مما كان له أكبر الأثر في إنجاح الملتقى . وفي نهاية اللقاء قدما لسموه درعا تذكاريا بهذه المناسبة . طوال هذي الفتره مظلوم علاميا واللي قريب منه يثني عليه وليس غريب فيه هو حفيدالابطال |
لا هنا نقف مضلوم اعلاميا مشكله
كيف شيخ من شيوخ عتيبه الي افهمه من كلامك يالراوي ان محد درى عنه لن الاعلام اكثرهم من القبيلة نفسها فما هو السبب اعتقد انه سبب غير مقنع بأن هذه القامه تضلم من اعلام |
داهية العرب .. بندر .. ما فيه أحد من شيوخ عتيبة ما يعرفه .. كيف لا .؟ وهو حفيد امير عتيبة.. و لو تسأل عنه عتبان الحجاز قبل المزاين يعرفونه .. و يثنون عليه .. |
السؤال واضح وين بندر بن حميد طول الفتره ماحضر محافل ما حضر صلح وين اعماله في هالفترة يعني هذا الرجل ليس باي رجل لابد منا احنا كابناء قبيله ان نسال عن شيخنا فليت من كتب الموضوع ان يجيبنا على تساولاتنا لنا على احر من الجمر لمعرفة اعمال الشيخ بندر اطال الله في عمره لني بصراحه ما شفنا وعرفنا بندر الافي المزاين فيه شايب في ايام المزاين يقول هذه منهو متى طلع قالو هذه بن حميد قال حنا عمارنا على 60 ما شفناه
فياليت تعطينا الجواب الشافي الكافي لنه يهمنا كثير وعن شخص غالي علينا |
شف من ناحية صلح او محفل .. الأكيد أنها حضر قبل المزايين .. و انت الله يهداك تبغاني اجاوبك وش سوا في ذيك الفترة .. و الله ما عمري قابلته قبل المزايين .. لكن أسمع عنه .. و صيته ذايع.. الله يطول بعمره .. تقدر تسأله وين كان ؟.. أكيد بتلقى عنده الجواب اللي بيقنعك .. مع قناعتي التامة .. أنه كان موجود .. لكن حنا ياللي في نجد بعيد عنه .. |
داهية العرب انا اعطيك الجواب جميع مشائخ عتيبة ماعرفناهم غير في المزاين لانهم ممنوعين من الطلوع في الاعلام او حتى الجرائد مو مشائخ عتيبة فقط بل كل مشائخ القبائل ولكن يعرفهم الي راح اللهم ولكن نحمد الله على نعمة القنوات الفضائية والمنتديات ومواقع القبيلة الي تجمعنا في مكان واحد وعرفنا بعض اكثر
|
هلا هلا بسطام العفار
اولن قولك ان طلوعهم ممنوع هذه غير صحيح كم طلعو مرة بدون ذكر اسما وكم وكم جرايد في القنوات وقولك ما عرفناهم غير في المزاين خص نفسك اما بنسبه لي جلست معهم وتقابلنا في اكثر من حفلت زواج وفي الاعياد ولي الشرف |
اخوي بدر
قصدي من سوالي ان الشيخ بندر في السعوديه ولابرى لنه مو معقوله شيخ مثل بندر طول هالعمر محد شافه او سمع عنه الا بعد المزاين قامت القنوات تنشر والجرايد تكتب طيب وينكم عنه الفترة الي راحت |
الشيخ بندر متواجد في جدة .. و إذا ما تعرفه .. غيرك كثير يعرفونه .. و شيوخ عتيبة كلهم يعرفونه .. مستحيل تسأل واحد من الشيوخ و يقول : ما عرفته الا عقب المزاين.. . |
داهية العرب اجل مادام انك على اتصال بمشائخ عتيبة اتصل على الشيخ بندر بن نايف بن حميد وانشدة شخصيا وراح يخبرك وهو شيخ ولد شيوخ وعز الله من جاة مايخيب
انتهى الكلام |
الشيخ / بندر بن نايف بن حميد معروف عند كبار السن واخبرني والدي عن الشيخ / بندر بن نايف بن حميد وهو يسكن في مدينة جده وخواله من شمر وخوال عياله من شيوخ عنزه ابن هذال قبل اقامة المزاين وكانت مساعيه مشهوده في اقامة المزاين بتكاتف شيوخ الهيلا واقام احتفال في الرياض بقاعة اليخت نعم الرجل وهو من احفاد بن هندي والرجل يسمونه الشمالي وصح لسان الشاعر / جابر بن هايف في قصيدته بالشيخ / بندر بن نايف بن حميد والشيخ لايحب الظهور الاعلامي ومحبوب عند الجميع والله يطول في عمره |
خلف القثامي .. بيض الله وجهك أنت و والدك .. اقتباس:
أي أن زوجته بنت الشيخ سلطان .. |
لاهنت يابدر ع التوضيح وسلمت يداك |
اقتباس:
والله ان كل مشايخ عتيبه تعرفه تمام المعرفه واكبر دليل انه تزوج بنت شيخ الشمل سلطان بن جهجاه ولكن مايغط النور رجل فيه غيره ياخي يكفي انه لم القبيله لم يفعله احد قبله الاوالده الله يرحمه ودفع مبلغ بعض المشايخ المشهورين لم يدفعونه وانا والله ماعرفه الا في الاعلام وفعله يرفع الراس ولكن الحميه واجبه على وعلى اي عتيبي |
اقتباس:
اول وش الفايده من هذا السؤال هل تملك صلاحيه لترشيحه في منصب هل ورى سؤالك اهداف بينه ياعزيزي الفاضل هل نصاه احد ولم يوجبه اركض ورى الغرات ليس محبوب في الدين الاسلامي ويضا في الرجوله بندر بن نايف طلع طلوعآ ايبيض الوجه ولو ماعنده الا فعله في مزاين عتيبه كفا وفا مع احترامي لمشايخ عتيبه |
اتذكر زيارة احد رجال السدارى الى مخيم الحمده في مزاين الهيلا وقال يابو محمد (المقصود الشيخ / بندر بن نايف بن حميد ) والدي رحمه الله يخبرني عن والدكم ويذكركم بالخير ومن واجبنا نزوركم في محفلكم وان شاء الله يعاد ع قناة الساحه 2 وابو محمد رجل عرفه الامراء ومشائخ القبائل والشيخ معروف ويعتبر من دواهي الرجال |
والله ونعم بندر بن حميد ذيب من عتيبة
ومشكور ياذيب على التنوية |
والله وسبعة انعام في الامير بندر بن حميد
بس قهر فاتنا ولاهنت اخوي بدر |
اشكر الاخوان الاعزاء على ردودهم لي اسئلتي عن الشيخ بندر بن حمد وابدى بخوي سطام نعم احضر حفلات مع والدي وهو احد شيوخ عتيبه والتقي بعددة مشايخ منهم ابن ربعان والحمده والضيط والهيضل وابن محيا ......... وغيرهم الكثير وهذه اعد تاج على راسي وشرف لي اخوي خلف لك جزيل الشكر على التوضيح الجميل عن شيخ يستحق التقدير وفعلن مساعيه وتبرعاته في المزاين مشهوده ومحدوده والله يعطيه العافيه اخوي الراوي ان كان في ردي غلط فهو منك لني ارد على كلامك الي قلته اخوي سعد المقاطي اجوبك على كل فقرة الفايدة من سوالي هي ابي اعرف سيرة هذا الشيخ القدير بندر بن نايف بن حميد واعتقدما علي ملامه لني اسءل عن شيخ ولد شيخ والقصد من ورى ذلك يعلم الله شريف ونظيف |
الاخ العزيز داهية العرب تقول ان الشيخ بندر بن نايف دعمة محدود اقولك طال عمرك الشيخ بندر بن نايف بن حميد دفع شخصيا من غير الحمدة الباقين مليون ريال وكان اكبر دعم تلقاة المزاين بعد فنجال الشيباني
|
بيض الله وجهــــــــــــك ومشكووووووووووور
|
| الساعة الآن »12:04 PM. |
Arabization
iraq chooses life
Powered by
vBulletin®
Version 3.8.2
.Copyright ©2000 - 2025, Jelsoft Enterprises Ltd