الهيـــــــــــــلا *** منتدى قبيلة عتيبة - سرى بارقٍ ضوحه تكاشف سوات الليت .. !!!!

- قصائد الأعضاء (http://www.otaibah.net/m/forumdisplay.php?f=10)

- - سرى بارقٍ ضوحه تكاشف سوات الليت .. !!!! (http://www.otaibah.net/m/showthread.php?t=81356)

سرى بارقٍ ضوحه تكاشف سوات الليت .. !!!!

..

نتواصل في قسم قصائد الاعضاء مع أخواننا وأرجوا ما نطرحه ينال أعجاب الجميع .

إليكــــم :

سرى بارقٍ ضوحه تكاشف سوات الليت=يهيض نفوسٍ شوقها كل مرباعي
اخيله وانشد عنه مع طيبين الصيت=مدام الحياء متبوع .. أنا جيت تباعي
تعذب فؤادي كل ما اصبحت وألا امسيت=بنارٍ تواكل وأكلها حدب الاضلاعي
تقادح وصوت ألهيبها جرة التنهيت=بنفسي وزاد ألهيبها كل الاوجاعي
ترى النار بعده وأشعل النار بالكبريت=بعد حزت الفرقا لنا ذكرها شاعي
وأنا عارف الفرقا هجادٍ بلا توقيت=تشتت قلوبٍ همسها .. السمع والطاعي
ترى حزت الفرقا تهدم جدار البيت=تحط البيوت العامره قاع ورقاعي
وترى حزت الفرقا تميت الهواوي ميت=تدنس نواياٍ لونها لون نصاعي
يقولون ياناصر وأنا قول كيت وكيت=نسيته .. وبعده لاويٍ هامة ذراعي
ليامن نشد : قولوا سلا بعد ماصديت=وعاش بنعيم وبدل المد والصاعي
ولا عاد ينظر لك سوا رحت وألا جيت=تناساك يومنك تناسيته يناعي
وأنا كل ماشفته تجاهلت يابا الفيت=ما أحبه !! وأنا اللي لاعني بالهوى لاعي
وأنا لو دعاني مترف الروح ماعييت=ولو جيتي ما أضمن بعدها بمرجاعي
هجرني ! وأنا اللي كل ماقال للي لبيت=على شان عندي صادق العرف ماضاعي
اجمع شتاتٍ ضاع أسكتبها تسكيت=لروحي وطعم البعد للروح نزاعي
اكابر وأقول انسى هواها لكن .. ازريت=هواها غمرني غمرة الزبد لاماعي
إذا مر طاريها وأنا ساليٍ فزيت=كما فزت اللي نبثته تحفر القاعي
(( حنان الوفاء )) ماينفعه قول ليت وليت=تراني بخيصٍ فاهمٍ كل الاوضاعي
صعيبٍ عزول الماء بعد خالط الماء زيت=وتساهيل يادنيا العنا .. طق الاصباعي
ينوح الحمام ومن سبب نوحته غنيت=وصحيت بألحون الطرب كل هجاعي
أببقاء وبأمل عقب صديت ثم أدويت=رجوعك ووصلك غاية لي ومرباعي

وأنا عارف الفرقـا هجـادٍ بـلا توقيـت
تشتت قلوبٍ همسها .. السمع والطاعـي

الله الله

ناصر المبدع

اينما يتواجد نجد الابداع والتميز

صح لسانك وقصيده تستحق الحفظ من جمالها

..
.
وأنا كل ماشفته تجاهلـت يابـا الفيـت
ما أحبه !! وأنا اللي لاعني بالهوى لاعي
وأنا لو دعاني مترف الـروح ماعييـت
ولو جيتي ما أضمن بعدهـا بمرجاعـي

نادره وفريده من فرايدك المعهوده
صح قلبك ياناصر ...
فشعرك لايمل ...

..

.

الله الله يا ناصر عليك ..

صح لسانك وبيض الله جهك على هالقصيده الجزله بلا شك .. وانت ما يعتاز مبدع في كلا الحالتين ..

و واصل ابداعاتك ولا تحرمنا من جديدك يالغالي ..

:)

أخوك

صح السانك يا ناصر الجلاه وقصيده معبره و خطيره
يا خطير ولله لا يهينك

تحياتي

..

معجب العتيبي

..

صح بدنكـ يابوسلطان .. تصفحكـ يشرفني دائمآ

لاهنت

..

..

مرزوق العتيبي

..

صح بدنكـ يابومحمد .. حضوركـ يشرفني واطرائكـ وسام

لاهنت

..

صعيبٍ عزول الماء بعد خالط الماء زيت
وتساهيل يادنيا العنا .. طق الاصباعي

صح السانك

..

عبدالله العتيبي

..

صح بدنكـ يالغاالي .. حضوركــ كريـــــم

لاهنت

..

..

سلطان

..

صح بدنكـ يالغاالي .. حضوركـ كريـــــم

لاهنت

..

صح لسانك وبيض الله وجهك

الله الله

يا نـــــــــــــــاصر

رائعه وجزله من جزل

صح السانك

مدد بلا عدد

وننتظر القادم

..

ابن حشر

..

صح بدنكـ يالغاالي ووجهكـ أبيض حضوركـ كريـــــم

لاهنت

..

..

مرزوق الجعيد

..

الرائع حضوركـ الكريـــم يامرزوق صح بدنكــ

ولاهنت

..

ناصر الجلاه

صح لسانك

غلى البيات الرائعه

وأنا كل ماشفته تجاهلـت يابـا الفيـت
ما أحبه !! وأنا اللي لاعني بالهوى لاعي
وأنا لو دعاني مترف الـروح ماعييـت
ولو جيتي ما أضمن بعدهـا بمرجاعـي

كثافة شعرية ..
صح لسانك ياناصر ..

مبدع بلا شك ..

أمتعتنا ..

..

عيضه الثبيتي

..

صح بدنكـ ياعيضه .. الرائع مروركـ الكريـــــم

لاهنت

..

قصيدة عملاقه كــ صاحبها

صح السانك وأعتلى شانك

تقبل مروري

اقتباس:

المشاركة الأصلية كتبت بواسطة ناصر الجلاه (المشاركة 766648)

أشوا أشوا إنك ما تدهورت يا ناصر . :)

صح لسانك وزان حالك ...

قصيدة رائعة من شاعر ٍ رائع ...

تقبل مروري ...

ناصر بيض الله وجهك

و صح لساااااااااانك و اعتلى شااااااانك

قصيده تستحق التحية و التقدير

البحر ذوووووووق و المعااااااني شووووووق