صدفه بلا ميعاد مع كامل الزين = راعي الحلا اللي ماخلق له حليّا
قلت السلام ورد بمسلهم العين = ياوجد عيني من عيونه عليّا
انا اشهد انه صاب قلبي بسهمين = لا ميت(ن) منهن ولانيب حيّا
طلبت منه العطف واللطف واللين = واعطيه ما املك في حياتي وعيّا
اثر الترجي مهزله والجفا شين = ماكنت اظن يصير بي هالسويّا
ذليت له نفسي مذلة مسيكين = وطمعت فيه ومطمعي ماتهيّا
ياليت من يدري بعنوانها وين؟؟ = والا اسمها؟؟والا عربها من أيّا
ان شفتها والله لسوق الملايين = يفداه مالي بس اشوفه هنيّا
وجدي لو ان الوجد ماله براهين = ولو المناوي ماتجي بالحكيّا
وجود من حده نصيبه على دين = واستدخل الخمسين بحساب ميّا
نار(ن) بصدري تصطلي من هكالحين = لا قال ابيك ولا رفضني جفيّا
عليه قلبي نابت(ن) له جناحين = ويمه يتيه وفيه يزداد غيّا
بين الضلوع اليا رجف قالن آمين = تسعين رجفه كان ماهي شويا
اخفهن قوّ انفجار الثلاثين = اللي صلاة الظهر رج العليا
وحرام انا ما أنساه والاّ طرى لين = يطوى علي بداخل القبر طيا

المشاركة الأصلية كتبت بواسطة نايف الجازي (المشاركة 773552) صح لسانك واعتلا شانك والله يجمعك بمن تحب بالحلال قصيده فيها احساس وشعور صادق تقبل مروري

المشاركة الأصلية كتبت بواسطة مرزوق الجعيد (المشاركة 775644) صح السااااااااااااانك جزله من جزل رائعه من روائع الشعر اجمل ما قرأت في الغزل سجل اعجابي بالقصيده وارجع واقول صح السانك وسلم بنانك مدد بلا عدد

المشاركة الأصلية كتبت بواسطة معجب العتيبي (المشاركة 776311) عبدالله بن طلال قلم متميز ينير سماء الهيلا بجمال الكلمات صح لسانك تسجيل اعجاب بما تقدم

المشاركة الأصلية كتبت بواسطة -{}- كاسب الرهان -{}- (المشاركة 776367) صح اسانك واعتلا شانك وماقصرت وتقبل مروري

المشاركة الأصلية كتبت بواسطة خلف القثامي (المشاركة 776504) ذليـت لـه نفسـي مذلـة مسيكيـن** وطمعـت فيـه ومطمعـي ماتهـيّـا ياليت من يـدري بعنوانهـا ويـن **؟؟والا اسمها؟؟والا عربهـا مـن أيّـا القلب وماهوى صح لسانك على الابيات الجميله والوصف الدقيق لمشاعر الغزل العفيف ولاتحرمنا من ابداعاتك الشعريه ولك الشكر والتقدير

المشاركة الأصلية كتبت بواسطة ابو فايح (المشاركة 776666) اخفهـن قـوّ انفـجـار الثلاثـيـن اللـي صـلاة الظهـر رج العلـيـا وحرام انا ما أنساه والاّ طـرى ليـن يطـوى علـي بداخـل القبـر طيـا اخ ابو طلال ابداع صح لسانك يالغالي

المشاركة الأصلية كتبت بواسطة نايف ابن عنيزان (المشاركة 778925) (اخفهن قوانفجار الثلاثين=الي صلاة الضهرهز العليا) اخي العزيز عبدالله صح لسانك على قصيدتك العذبه. وبحكم اني عضوجديد اول متصفح قصيده اقراه متصفحك

المشاركة الأصلية كتبت بواسطة أبو فيصل الدلبحي (المشاركة 779066) اخفهـن قـوّ انفـجـار الثلاثـيـن اللـي صـلاة الظهـر رج العلـيـا ابو طلال ... صح لسانك مليار ولا توفيك حقك وشهادتي فيك مجروحه تقبل مروري يالجبل الشعر والمشاعر