لو بعينك ليا مريت ردّ السلام=سنّة الهادي وشرع العليم السميع
وين رايح تبختّر مثل بدر التمام=القمر لويجي جنبك حرام ليضيع
وانت تمشي تهادى مثل مشي الغمام=لاثقيلٍ بطيء ولاخفيفٍ سريع
غصن وردٍ تهصّر كن ّ مابك عظام=خايف الشمس لاتحمى عليك وتميع
ان توجهت قبلة عطرك يفوح شام=خافوا الله فينا عاد وامشوا جميع
كل خطوة غرور وكل نظرة سهام=شف ضحايا عيونك كم صويب وصريع
ليه مافهّموك ان التجنّي حرام=وان قتل البني آدم رهيب وشنيع
تبت إيد التغلّي والدّلع والخصام=اثر ماللهوى والحب عندك شفيع
راح مركب غرامي في بحورك حطام=مدّ حبّك فظيع وجزر حبّك فظيع
من غرق في بحر عينك عساه الرحام=لامكان لدخيل ولامقام لمنيع
راهن احلام عمري تحت حدّ الحسام=كن قسوتك ذيب وامنياتي قطيع
مير طبعي عنيد ولااقبل الانهزام=لاتحسب انّي اتوه بعجاجك واضيع
ودّي اعاملك بالطيب والإحترام=وارفعك للكواكب فالمكان الرفيع
وودي استنسخ الشمس وخيوط الظلام=وازرع الشوق لك في كل وادي وريع
لجل ازخرف لك اشعاري بعذب الكلام=واقطف احلى الزهر من جال روضٍ بديع
انته اسمك على صدر القصيدة وسام= مزهرية وباقة من ورود الربيع

ياهلال صح لسانك

ولاهنت .. تحياتي

المشاركة الأصلية كتبت بواسطة سلطان المفرجى (المشاركة 825055) رايعه يا هلال وصح لسانك يا لذيب تقبل مروري ودمت

المشاركة الأصلية كتبت بواسطة ولد سجوان (المشاركة 825082) صح لسانك ياهلال

المشاركة الأصلية كتبت بواسطة هيف الجوازي (المشاركة 825735) وانت تمشي تهادى مثل مشي الغمام=لاثقيلٍ بطيء ولاخفيفٍ سريع غصن وردٍ تهصّر كن ّ مابك عظام=خايف الشمس لاتحمى عليك وتميع ان توجهت قبلة عطرك يفوح شام=خافوا الله فينا عاد وامشوا جميع رووووووووووعه روووووووووووووووووعه رووووووووووووووووووووووووووعه

المشاركة الأصلية كتبت بواسطة حمود غنام المرزوقي (المشاركة 825782) ياهلال صح لسانك ولاهنت .. تحياتي

المشاركة الأصلية كتبت بواسطة عبدالله الجـــذع (المشاركة 827513) ان توجهت قبلة عطـرك يفـوح شـام خافوا الله فينا عـاد وامشـوا جميـع هلال قسم بالله مايكتب هالنص الا شاعر نخبوي صح لسانك الى ماله مدى ياعم وماشاء الله عليك وانا زد قلت لك عدني من اشد المتابعين لك والمتعنصرين ودي لك ننتظر جديدك ياعلم لي عوده على المخمليه محبك .,

المشاركة الأصلية كتبت بواسطة ابن غزاي الخظري (المشاركة 827524) ان توجهت قبلة عطـرك يفـوح شـام خافوا الله فينا عـاد وامشـوا جميـع والله ماني مجاملك اخوي هلال لكن من عقب البيت هذا وش خليت للشعار الله عليك وصح السانك ولاني زايد عن كلام اخوي عبدالله الجذع