سلام من هاجس لا قال خلووووها=ما يعرض الا جواهر جوف بترينه
تحتار في ماسها الغالي ولوووولوها=غالي ومعروف سعره في موازينه

يامرحبا ياهلا والنفس سلوها = ياشاعر دايم ديني على دينه
الغالية غالية لو كان غلوها = ياليت راع الذهب يفتح دكاكينه

بقيت وهل المكاسب يوم نالوها=فقلوبهم سعرها بلحيل مغلينه
ترى عقود الذهب لوكان صاغوها=مايمتلكها الفقير وتهتني عينه

ياليتهم في توالي الوقت فلوها = يقولها واحدٍ ماهم بمعطينه
مافكروا في مرارتها وحلوها = يازين علم الحقيقة مع براهينه

ياراكب الباخره غترتك بلوها=من بحر الامواج من ملحه ومن طينه
وليا هدا الموج ذيك الدار وصلوها=والنوخذا جر مواله وتلحينه

وياطالب الماء ترى قربتك ملوها = كم واحدٍ من قراح العد مسقينه
ماظنتي ياطويل العمر دلوها = مدام علم المعنى فيه تخمينه

انموت والنفس ما بالذل ذلوها=ناس على غير علم الدرب ماشينه
والجزله الها مطانيخ تولوها=لهم علم فوق راس الريع مبدينه

هقيت لك هقوتٍ والناس زلوها = الله وأكبر على ذاك وشياطينه
وأهل الشجاعه سيوف الحرب سلوها = الحد من يمهم ياذيب حامينه

بندر المرشدي

صح بدنك ولاهنت على مرورك يالغالي


معجب العتيبي

صح بدنك وشكراً على مرورك

لك تقديري