يا مرحبـا يـا ضيـوف , الله يحييكـم=بسـم المعازيـب حيـاكـم وحيـانـي
وفّيتـوا وتبشـرون بـمـن يوفّيـكـم=سوايرٍ سايـرة مـن مـاض الازمانـي
ما يسعف الوقـت اسمّيكـم باساميكـم=يحدانـي الوقـت والقيفـان تحـدانـي
واللـي بعـد , ياهـل الحفلـة نهنيكـم=الله يبـارك لكـم يـا طـوال الايمانـي
يا عزوةٍ مجدكـم مـن فعـل اياديكـم=والاسـم معـروف للقاصـي وللدانـي
الطيـب والخيـر فـأولكـم وتاليـكـم=والفضـل لله ماهـو لفـلان وفـلانـي
من فعلكـم يفجـع العـدوان طاريكـم=ماهـو ليـا ولّعـت شعلـة ودخانـي
اللـي كتبـتـوه للتـاريـخ يكفيـكـم=والفعل يُكتـب ويبقـى والعمـر فانـي
وانـا ولـد عمكـم مانـي بخافيـكـم=واللي يباني يعـرف اسمـي وعنوانـي
اسرح مساريحكـم واسـري مساريكـم=واحضر مواقيفكـم ولسانـي حصانـي
والعيـن تفـرح بكـم والقلـب يغليكـم=يشهد لكم دمي اللـي جـوف شريانـي
من زايد القَـدر مـدري ويـن اوديكـم=حطيتكـم فـي محـل ابـوي واخوانـي
وافخر وأمـاري بحاضركـم وماضيكـم=ومن لامني لو عرفكم جاه مـا جانـي
حتـى القصيـدة ليـا سويتهـا فيكـم=ابياتهـا كـل بيـت ينافـس الثـانـي
وان جبت لي بيـت يمدحكـم ويثنيكـم=أقول فـي خاطـري صـح الله لسانـي
والمدح لن كـان ماهـو بـمتمثنيكـم=والا يـروح تعـب راعـيـه مجـانـي
اما انّي أتعب واجيـب ابيـات ترضيكـم=والاّ تـدوّرنـي ولا عــاد تلـقـانـي
وانا مـن ايـام جـاب الخـطّ داعيكـم=اقـول والله لأجـي كـان الله احيانـي
وفي ذمتي يا (شجاع)* ان كان ما اجيكم=من البطاقـة لأشيـل اسـم العطيانـي

المشاركة الأصلية كتبت بواسطة مرزوق الجعيد (المشاركة 835539) يشرفني اول شخص يمر يا عزوةٍ مجدكـم مـن فعـل اياديكـم والاسـم معـروف للقاصـي وللدانـي الطيـب والخيـر فـأولكـم وتاليـكـم والفضـل لله ماهـو لفـلان وفـلانـي دائمااااااااااااااااااااااا مبدع صح لسااااااااااااااااانك