الهيـــــــــــــلا *** منتدى قبيلة عتيبة - نبذه عن ابو عتيبة :عبدالله بن دخين رحمة الله

الهيـــــــــــــلا *** منتدى قبيلة عتيبة (http://www.otaibah.net/m/index.php)

- فرسان وأمراء (http://www.otaibah.net/m/forumdisplay.php?f=50)

- - نبذه عن ابو عتيبة :عبدالله بن دخين رحمة الله (http://www.otaibah.net/m/showthread.php?t=89844)

العتيبي أبا غيث

26-Apr-2009 04:45 PM

نبذه عن ابو عتيبة :عبدالله بن دخين رحمة الله


	الحلقه الاولى سيتم تخصيصها لشخصية تستحق ان تكون هي الاولى شخصيه لها باع طويل في الانساب وفي الحكم العرفي بين القبائل وفي الشعر الجزل المعتمد على الحكمه وسرعة البديه وهو االشيخ عبدالله بن دخين رحمه الله وله اسم اخر اشتهر به وهو ( ابو عتيبه ) نبذة عن حياته : • اسمه عبد الله بن دخيل الله بن عبد الرحيم بن عبد الله بن مخضار بن عبد الله بن دريويش بن حسن بن دخين بن قريش (او قروش) بن ذؤيب بن سالم بن صرير بن ثابت بن عبد الله بن الحارث بن جابر بن رزام بن ناصرة بن فصية بن نصر بن سعد بن بكر بن هوازن بن سليم بن منصور بن عكرمة بن خصفة بن قيس عيلان(الناس) بن مضر بن نزار بن معد بن عدنان بن أد بن آدد بن الهميسع بن سلامان بن بنت بن حمل بن قيدار بن إسماعيل بن إبراهيم عليه السلام • ولد بوادي الذويبات عام 1328هـ بقرية الصبخة بني سعد جنوب الطائف 80 كيلو متر • يلقب أبو عتيبة أو نسابة الجزيرة أسندت له مشيخة القبيلة بعد والده دخيل الله من بين إخوته وهم نجم بن دخيل الله وصبيان بن دخيل الله شيخ القبيلة حاليــــــــــــــــــــــا.ً • عرف الشيخ عبد الله يرحمه الله بالمعرفة الشعرية المتقدة التي كانت مضرب الأمثال سواءً في النظم أو المحاورة الشعرية مع شعراء عصره كالشاعر المعروف محمد بن تويم والشاعر الكبير مطلق الثبيتي والشاعر المبدع مستور العصيمي وغيرهم كابن حماد النفيعي , اشتهر شعره بالحكمة والبديع البياني والصور الفنية التي تنم عن شاعر عاشق لبيئته البدوية و متأثراً بها غير متصنع للفلسفات الشعرية المحدثة متمكن من مفردات الشعر الرقية ذات التأثير النفسي غير المطروقة والتي تعتبر غريبة في عصرنا اليوم , لم يحفظ من شعره الكثير إلا بعض منه لا يشكل الثلث مما قال في حياته وهو من روائع الشعر كان شعره حديث المجالس ورفيق الركبان يقطعون به الطريق , من شعره ما هو أمثال تضرب ويستدل بها في اللغة والأماكن والأنساب , • يعتبر الشيخ عبد الله بن دخين يرحمه الله مرجعا لقبائل الجزيرة العربية في الأنساب والاحساب ولديه شجرة النسب الكبرى لقبيلة عتيبة الهيلا لذلك سمي أبو عتيبة . وهي موجودة الآن عند ورثته كما كان مرجعاً لقبائل العرب من العراق وبلاد الشام في قضايا النسب وفض المنازعات. • كان عارفاً بأيام العرب فطناً في التاريخ العربي ومطلع رغم أن تعليمه لا يتجاوز القراءة والكتابة فقط . • يعتبر الشيخ بن دخين يرحمه الله مبنى من مباني عتيبة المعروفة مشهور في البت في قضايا المنازعات القبلية والإصلاح بين ذات البين ولا يعترض على قوله أي شيخ من شيوخ قبائل الجزيرة اعترافاً منهم بمكانته , وكان بمثابة المميز لأي صلح من شيخ غيره عندما يطلب المحكوم له أو المحكوم علية (المسايرة) كما يسمونها وكان المرجع هو عبد الله بن دخين يرحمه الله فإما أن يقر ذلك الصلح أو ينقضه. • توفي الشيخ عبد الله بن دخين في يوم الاثنين 21/8/1412هـ في مدينة الطائف (بقرية الصبخة) اثر مرض عانا منه طويلاً ودفن بقريته الصبخة رحم الله أبو عتيبة

العتيبي أبا غيث

26-Apr-2009 04:47 PM


	ومن قصائدة رحمة الله ما يلي :- يا ولي العرش يــا ولــي الـعـرش مرتـفـع الـجـلال يالله إنــي مــن عـذابــك مستـجـيـر تـايـه(ن) والقـلـب دالــه مــا يـسـال جـيـت واحـــد لا ذكـــره الله بـخـيـر يـــوم يـاخـذنـي بحـيـلـه واحـتـيــال مثـل مـن يغمـى لـلآخـر فــوق بـيـر قــدّم الـذبّـاح لــي تـحــت الـضــلال واقتفـانـي جـالـد السـيـف الشـطـيـر حـيــن مـالـدّيـت بـالــذرع الـشـمـال شفت سهم المـوت وانحطيـت أسيـر فــي يديـنـي قـيـد وارجـولـي عـقـال والتـوي كالـداب الأعمـي وأستـديـر شفت مشعوف(ن) حشى مالـه مثـال ليـت مـن حطـه لجميـع الخلـق أميـر محسـبـه مخـلـوق متـغـطّـي بـشــال غير مـن حـور الجنـان او مستجيـر بعـد قلـبـي تــاب وانـهـى واستـقـال من هجوس(ن) ما طرتلي في ضمير ذكّرونـي مـا مـضـى لــي واستـحـال راح رسم الشيب فـي عرضـي كبيـر يــا بـديـع الحـسـن يـابــدر الـكـمـال ليـتـك الحـاكـم وانــا عـنـدك وزيــر هايـف الخصريـن واسبـوقـه طــوال كنهـا غـرنـوق ضـبـي(ن) مستـذيـر رافـقـونـي وانهـبـولـي راس مــــال رحـت مـالـي لا مجـيـب ولا نصـيـر

العتيبي أبا غيث

26-Apr-2009 04:48 PM


	أشكي عليك الدهر يالله انـــا لـمــرك وتـدبـيـرك مـطـيـع واشكـي عليـك الدهـر دهـر ٍ عصانـي دهـــر ٍ يلاويـنـيـا كـثـيـر المـشـاريـع شــلّــش عــلــيّ بـعـلـتـه وابـتـلانــي والـيـا بغـيـت الــزم علـيـه المرابـيـع ان جيـت مـع ريـع ٍ عطـا ريـع ثـانـي واليـا هبطـنـا الـسـوق لــم الطمامـيـع ويحـكـم عـلـيّ ابـيـع قـاصـي ودانــي الـعـام كـنـا فــي الحـصـون الموانـيـع والـبـرد مــا يـدخـل علـيـنـا المـبـانـي وهـذا دهــر فـتّـح عليـنـا المصـاريـع يالله تـعـاونــي عــلــى ذا الـزمــانــي لــو طابـلـي حلـيـت كــل المـواضـيـع لـكـن هـجــرة مـــا علـيـهـا ضـمـانـي واخـاف مـن تــال اللـيـال المضـاريـع ويـجـي ولـيـد السـعـد قـبـل الأوانـــي الـنـاس فيـهـم مــن يـحـب المطـالـيـع ويـرمـي بـروحـه لـلـردى والهـوانـي هـايــم عـلــى الـدنـيـا بـلـيـا منـافـيـع مــا هــو بــلا صـاحـي ولا بهـلـوانـي قـــوم ٍ بـحــق الله ضــلّــو مـطـاويــع فـالـديــن والـدنـيــا بـلــيــا تــوانـــي وأهل الشهامه فـي الدهـور القواطيـع ضيـف العشـا تقـريـه حـيـل ٍ سمـانـي والـيـوم جــا فالـقـوم ربــع ضـوالـيـع مــن يطـبـق الغـلـيـون والخـيـزرانـي مجنونـهـم يــزرون فـيــه الـفـراريـع يــوم ٍ يطـيـب ويــوم عـشـرة ثمـانـي واعطي كلام اغلى من المسك ويضيع واصبر على الدنيـا واعـض اللسانـي والطـبـع مــا تغـلـب علـيـه الطبابـيـع

وكـل ٍ يــرى نفـسـه سهـيـل اليمـانـي

العتيبي أبا غيث

26-Apr-2009 04:51 PM


	من نصائح ابن دخين الأولـــه يالله فــــي حــســن الأعــمــال يـاخـالــقٍ روحــــي وعــالــم بـاجـلـهــا قـــال الـــذي يـبـنـي جـديــدات الأمـثــال ولا كــــل بـيـبــان الـشـعــر مكـتـمـلـهـا أبـنـي هـواجـيـسٍ عـريـضـات وطـــوال واسـهـر عـلـى الـبـن اليمـانـي لاجلـهـا يطرب لهـا الخاطـر علـى شـرب فنجـال ولا أدري وش اللي فالعرب يطرب إلها قدامـنـا كـــم مـــن تـمـثـل ومـــن قـــال عــــــوارفٍ وأقــوالــهــم مـانـصـلــهــا وحـنـا نمشـيـهـا مـــع الـدهــر لا مـــال وكــــلٍ يــــوّرى جـابـتــه مــــا مـثـلـهــا ويـامـا بـدانـا فــي عسـيـرات الأطـــلال ويـامــا مـشـانـا بـالـقـدم فـــي سهـلـهـا ويـامـا لبسـنـا مــن جـديـدٍ مــن الـعــال ويـامـا ستـرنـا الــروح بـادنـى سملـهـا ويـامــا تنـطّـحـنـا الـمـواجـيـب عــجّــال نـعـجــل لـخـطــار الـعــشــا وانـعـقـلـهـا مـــــن حــايـــلٍ مـابــيــن بــايـــع ودلال نــرضـــي مـربـيـهــا بــســلــمٍ بــدلــهــا ويـامــا تـعـذّرنـا عـلــى تمـشـيـة حـــال والــروح نكـظـم غيظـهـا مــن خجـلـهـا ومن كان فالماجوب يبخـل علـى المـال عـســى يـمـيـنـه يـابـســه مــــن شللها ويـاعـبـيّـد أبـوصـيــك يـاطـيــب الــفــال وصّــيــةٍ مــــن طــــاب حــظــه قـبـلـهـا الــديــن لـلـداريــن ســــاسٍ ومــنـــزال ويـاسـيـن كـــم قـدامـنــا مــــن نـزلـهــا وانهـو عــن المنـكـر بــلا رّي واخـيـال وكلـمـة هــل المـعـروف بـالـجـد قـلـهـا وصـون الأمانـه عـن خبيثيـن الأعمـال تـعـرف خبيثـيـن العـمـل مـــن عمـلـهـا واحـذر مـن الصعـلـوك لاحــل واحـتـال وكــيـــل دنــيـــا والأمــانـــات أكــلــهــا متلـبـسـيـن الــديــن بــرقِـــي وخــتـــال وانـشــاف غـــرات الـمـوالــي خـتـلـهـا ويكفيك عن ما اوصيك عرفك بالأنـذال ومــن يصـحـب الأنــذال يكـسـب نذلـهـا ومـن جـالـس الأنــذال يتـهـم بالأخـمـال لــن كـــان تعـرفـهـا وتـعــرف خمـلـهـا ولا تفـتـخـر بـمـعـرب الــجــد والــخــال مـاكـامــل ألا مــــن يـكـمــل خـصـلـهــا وكـم مـن عريـب الجـد والخـال مــازال يـمـشــي ممـاشـيـهـا ويـفـعــل فـعـلـهــا يـقـولـون فالـدنـيـا غــيــارات وامــيــال وهـذي سوالـيـف الـعـرب مــن جهلـهـا مــا الـغـيـره ألا مـــن تِـغـيـار الاجـيــال مـابـيــن شــــد إرحـالـهــا مـــــن حللها غـوغــات جــيــل مستـخـفـيـن زعــــال فـالـديــن والـشـيـمـه كـثـيــرٍ كـسـلـهــا وإن جا خصومه بين خصمين في حـال كـلــن تـولــم واشـتــرك فــــي جـدلـهــا ودقــــوا مـزامـيــرٍ وزيــــرٍ وجـلــجــال وقامـوا لـهـا صفـيـن مــن دون أهلـهـا وحطـوا علـى الخصميـن مقفـا ومقبـال ويـرمــون مـابـيـن الـخـصـوم ابدقـلـهـا والـخـيــر فـالـلــي للـشـرابـيـك حــــلال بـيـبــان حــــق إلــيــا فـتـحـهـا دخـلـهــا والصـدق ينجـي فالمخـاطـر والأهــوال ويـبــدي عـلامــات الـرجــال وعـقـلـهـا والـكـذب إلــه كـيــال ويجـيـبـه أحـمــال مـعـاشـر الـكـذبــان لا تـضـحــك إلــهــا والـيــا ضـحـكـت ايحمـلـونـك وتـشـتـال ويقـولـون إلــك بالـمِـد والـصـاع كلـهـا ولاكــل مـــن يـزهـابـه الـثــوب رجـــال ولا كــل مــن شــال الحـمـايـل جمـلـهـا هـــذي نصـيـحـه ياعـبـيّـد مـــن الــبــال يجـنـي ثمـرهـا كــل مــن يسـمـع إلـهــا وصـــلاة ربـــي عــــد مــاهــل هــمــال عــلـــى نـــبـــيٍ والأمـــانـــه حـمـلــهــا

العتيبي أبا غيث

26-Apr-2009 04:52 PM


	قصيدة الشيخ عبد الله بن دخين يرحمه الله يصف فيها قهوته يالله يالي تقطع الحبـل لا أشتـط طالبك فالتقـوى ودرب الرشـاده قـم ياعبيـد شـب نـار توقـط ما عاد لـي يابـوك فالنـوم راده النوم عفته يـوم ليلـي توسـط يوم ان لي بمسامر البـن عـاده قرب دلال مهدفـاتٍ كمـا البـط ونجرٍ يـدن وصافـي البـن زاده وهيل فقط مع صافي البن يخلـط نشريه دوب انه ورد مـن بـلاده من تاجرٍ دوبه بشط البحـر حـط والباع غالي كـل يـوم بزيـادة وكيّف لنا كيفٍ كما مـا أتشـرط ينشط له الخاطر وغايـة مـراده ماهـو بلانـيٍ ولاهـو مشـيـط أحمر حمار الدم عنـد إنفصـاده دم الغزال اللي مصوب على الشط دمـه يظلـي نـاقـعٍ فالنـفـاده ياكن ريحه تالـي الليـل لاعـط المسك والعنبـر مخالـط زبـاده ومده على رجلٍ نحبـه ونسفـط وعده عن اللي ما يحزَّي النقـاده واحذر تمـده كـل وجـهٍ مجلـط بالموس يحلق لحيته من فسـاده وان جيت اعد احسابهم عد واغلط كم واحد قـد ضيـع الله مـراده رجالهم مـن كـل تهمـه موبـط ياكم من ساسه ضعيفٍ استنـاده ساعه كما المجنون قـام يتخبـط منته بداري علته ويـش صـاده وساعه كما الي في رجوله مربـط سواة عـار يـرازعٍ فـي قيـاده صم بكم لو كان ابا أسب واسخط جيـلٍ كثيـرٍ بالحكـي والجـلاده والله مابي كثر الحكي فالعرب قط لكـن اشـوف الغيّـره والبـلاده الحكم أمـان ودالـع كـل بلحـط خير وأمان ونعمـهٍ فـي زيـاده والنمر اهو والذيب تمشي مع القط وصقورها تغلب عليهـا الجـراده وأختامها بالي على ذكره أنشـط اللي بمور الديـن يامـر عبـاده

العتيبي أبا غيث

26-Apr-2009 04:53 PM


	عندما سافر في الطائره لاول مره يالله انــي طالـبـك تلـطـف بـحـالـي ياميـسـر مـــا عـلـيـك ولا عـسـيـر يـاغـزال الطـايـره مـالــك ومـالــي لا تحزمـنـي عـسـى خـيـرك كثـيـر روح فـي دربـك وعـنـي لا تسـالـي حــزم الــي خـايــفٍ قـلـبـه يـطـيـر منت لي مكسب ولا انته راس مالي انـت فيـك المـوت والشـر الشـريـر يغتشـيـك الـلـوم يـاشـبـه الـغـزالـي لـيـش ياشـبـه الـغـزال المسـتـذيـر مـا تلـد الشـوف فالصـف المـوالـي فــي محـسـن لحيـتـه تـرفـع نظـيـر والله انك لا رخيـص ولانـت غالـي من قضاة اهل الهـوى مـا تستشيـر بـعـد هــذا اللـيـل هبـتـك الـعـوالـي تـايـهٍ فـــي شـبـتـه تـــوّه صـغـيـر آه لـو بشكـي عليـك الــي مضـالـي فالـهـوى الـلـي لاذكــره الله بخـيـر

العتيبي أبا غيث

26-Apr-2009 04:54 PM


	الغزل في شعر ابن دخين ياورش دوش حسبـي الله علـى صابنـي فـي المـضـال رمـيــةٍ والـحـواضـر مــــا يشـوفـونـهـا مـــا يـبـالـي صـــواب ولانـبـالـه قــتــال مــــار زلــــه ولا امــداهـــم يـردونــهــا عقـب مـا كـنـت منـهـم معتـقـل بالعـقـال عــاقــل الـنــفــس يـالــلــي تعـقـلـونـهـا ذكــروا قـلـبـي ايـــام ٍ مضـلـتـه طـــوال فـي سنيـن ٍ مضـن اسنيـن مــن دونـهـا ياحسـيـن الـجـواب ويــا بـديـع الجـمـال لـــي عـشـيـرٍ ذكـرتــه لـونـهــا لـونـهــا اثـر يـوم القـمـر مكـسـف ٍ ذيــك اللـيـال مــن سـهـوم عـلـى الاجــواد ترمـونـهـا انـت مـال التجـر مانـت لــي راس مــال يـاكـمــا مــهـــرة ٍ بـالـتـمــر يـغـذونـهــا علـقـوهـا الـعـنـان ومشـيـهـا بـاعـتـدال يـعـشـق الـقـلــب مشـيـتـهـا وقـانـونـهـا يـوم تقفـي تلاحـق مشيـهـا فــي عـجـال يـــوم تـقـبـل تـمـدرالـي عـلــى هـونـهــا كــل الاوصــاف كاملـهـا حـلـي الـهــلال جـامـع اوصــاف مــا غـيـره يجيبـونـهـا يـاشـبـيـه الــهــلال ويـاحـلــي الــغــزال عـنـز ريــم عـلـى الضـيـحـه يخيلـونـهـا والحـواجـب سـيــوف مـصـقـلات ثـقــال جــردوهـــا بــعـــد كــانـــوا يـخـبـونـهــا وان تكـلـم بـهـرج مـثـل سـلــم الـريــال والــدراهــم مـــــع الامـــــه يـحـبـونـهـا ياورش دوش في البستان تحت الضلال غـرسـة ٍ مــن قــراح الـجــم يسقـونـهـا انقضى مـا مضـى دونـه طويـت الحبـال مـــار هـاضــت هواجـيـسـي بمكنـونـهـا اعشق الزين والـراس انثنـى واستقـال مـن شهـود ٍ علـى العـارض تشوفونهـا

العتيبي أبا غيث

26-Apr-2009 04:55 PM


	قصيدة غزليه اخرى لابن دخين رحمه الله واقلـبـي الـلـي فقـدتـه مــن عـشـي امـسـي ادور الـقـلــب واثــــر الــولــف غـاديـبــه يمشي معي واسرقه مـن طيحـت الشمسـي يشـكـي عـلـيّـه وانـــا ربـــي بـلانــي بـــه هـلـت دمـوعــه ويـحـفـي خـــده اللـمـسـي تمـطـر عـلــى وجنـتـيـه وغـرقــت جـيـبـه وروحت مدري وش اللي جاي في هجسي يّـحـسـب الـقـلـب مـــدري وش تحاسـيـبـه وقلـت ذا الليـل ابـعـذل خـاطـري وامـسـي وغّـمـي عـلـيـه وطـــول الـلـيـل اهـذريـبـه ويــوم الثـريـا بـــدت والـسّـبـع الخـمـسـي وقـمـت اتحـلـم واصـيّــح صـايــح الـريـبـه دورت قلبـي ورى مـاهـو عـلـى الكـرسـي مسلـوب مـنـي ولا ابـغـى الـنـاس تدريـبـه ياناعـس الطـرف مــا ترضـالـي الحبـسـي حبـسـت قلـبـي وانــا مــا اطّـــاق اثـاريـبـه يـامـن يــدوج الـظـلام ويـقـطـع الـرمـسـي ابـيـه يخـطـر عـلــى المـجـمـول ويجـيـبـه فــي ليـلـة مـــا تـــراك الـجــن والانـســي عـلــى مـطـيـح الـقـمـر بالـلـيـل تـسـريـبـه والـلـي يجيـبـه حسبـتـه مــن بـنـي عبـسـي حسـبـتـه كـلـيـب يـقـضـي فـــي مطالـيـبـه

العتيبي أبا غيث

26-Apr-2009 04:56 PM


	قصيده غزليه ثالثه لابن دخين رحمه الله الله الله يــا غــزال ربـــا فـــي تـهـامـة في الربيع الخبت والصيف في الشفياني فـــي جـنــاح بـلادنــا ركـــزن خـيـامــه يــوم أحــب جـوارنــا قـايــد الـغـزلانـي قامـتـه شـهـريـن مـالــه بـعـدهـا قـامــه غـلـقـن وكـنـهـا يــــوم مــالــه ثــانــي شـد عـن جـار الـغـلا ثــم فــارق لامــه والـدهــر مــيــال ومــفــرق الـخـلانــي مـاشـي الطـابـور خلـفـه وشــي قـدامـه حـايـر مـاهـو بـراضــي ولا غضـبـانـي يــوم صـيـاح الـهـوى ركــزن اعـلامـه والـفـزوع تـقـود مـــع وادي البيـنـانـي الــفــزوع بــوارديــه واحــــد زلامــــه تتـبـع المـظـهـور مايـعـرفـون الـجـانـي قـلـت لامنـكـم ولا انـتــم بـلــه غـرامــه مـن هلـه محـد(ن) معلـق عليكـم عـانـي قالـوا النـاس اخـذوا اللـي بخـده شـامـه مانـبـيـه يـشــد عـنــا مـــن الاوطـانــي كامـل الاوصـاف عـانـه يـعـض ابهـامـه والـدمـوع تسـيـل مــع خـــده الـريـانـي قـومـه الغـيـاب مـافـي القـلـوب رحـامـه روحـوا بـه مـن علـى شـمـخ الامتـانـي قلت هاتوا لـي صبـي(ن) وثيـق حزامـه يحـفـظ الحـبـه عـلـى خـرمـة النيشـانـي واذبحوا لـي مـن يقـود الجمـل بخطامـه وردوا الـهــودج يـعــود كـمــا مـاكـانـي واتــذكـــر وان دون الـبــلــد حـكــامــه قلـت عـوذه سامحونـي تــروا غلطـانـي

الامير حريبيش

26-Apr-2009 05:43 PM

رحم الله ابن دخين امير وقاضي ومبنى ونساب وشاعر معروف

العتيبي أبا غيث

26-Apr-2009 06:16 PM

اقتباس:

المشاركة الأصلية كتبت بواسطة الامير حريبيش (المشاركة 843971)

رحم الله ابن دخين امير وقاضي ومبنى ونساب وشاعر معروف

شكراً على المرور نورت وشرفت يالأمير حريبيش

.. خالد الثبيتي ..

26-Apr-2009 06:53 PM

والنعم والله بن دخين نسابة عتيبة المشهور ومن قضاة بني سعد المشاهير

لكن وانا اخوك ابو عتيبة لقلب لابن هليل

البريماني

26-Apr-2009 07:20 PM

والنعم والله بن دخين نسابة عتيبة المشهور ومن قضاة بني سعد المشاهير

لكن وانا اخوك ابو عتيبة لقلب لابن هليل

بعيد الشوح

26-Apr-2009 07:29 PM

أنا أعتقد أن أبو عتيبه لقب للشيخ / محمد بن هندي بن حميد بدون قصور في الاشخاص التي تم ذكرهم ..

العتيبي أبا غيث

01-May-2009 12:46 PM

الأخوان الأعزاء

خالد الثبيتي

الوفا طبعي

بعيد الشوح

بالنسبة لما ذكرتم أن لقب أبو عتيبة هو لأبن هليل أو لمحمد أبن هندي كل عمالقة الهيلا كبار للعتيبة ويعتبرون أبا

عضماء ولاكن أنا لم أجيب شي من عندي فكتب الرواة والباحثين في هذا المجال نسبو أن الشيخ والقاضي والنساب

المشهور- عبدالله بن دخين هو أبو عتيبة 00000والله أعلم

الــــوافـــي

01-May-2009 01:09 PM

جزاك الله خير ياأباالغيث على موضوعك الجيد والممتاز الي أستفدنا منه
ولك مني جزيل الشكر والاحترام
وبالتوفيق

فهيد الايدا المورقي

01-May-2009 10:30 PM

الله يرحم الشيخ والنسابه/عبدالله بن دخين

العتيبي ابا غيث بيض الله وجهك على الموضوع المفيد

تحيتي

العتيبي أبا غيث

02-May-2009 10:47 PM

اقتباس:

المشاركة الأصلية كتبت بواسطة الــــوافـــي (المشاركة 846235)

جزاك الله خير ياأباالغيث على موضوعك الجيد والممتاز الي أستفدنا منه
ولك مني جزيل الشكر والاحترام
وبالتوفيق

مرحبا أخي الوافي 0ولقبك ينطبق عليك يالوافي ونورني مرورك على متصفحي البسيط ودمت بخير

العتيبي أبا غيث

02-May-2009 10:48 PM

اقتباس:

المشاركة الأصلية كتبت بواسطة بناخي الايداء (المشاركة 846530)

الله يرحم الشيخ والنسابه/عبدالله بن دخين

العتيبي ابا غيث بيض الله وجهك على الموضوع المفيد

تحيتي

بناخي اليداء نورني مرورك العطر ورحم الله المسلمين أجمعين دمت بخير يالغالي

هيلاوي شقاوي

20-May-2009 04:35 PM

رحمه الله ومشكور على الموضوع ولاكن من اطلق عليه لقب ابو عتيبه ؟ وكيف وضعت له هذا اللقب ؟
ابو عتيبه لقب اطلق على الشيخ مسلط بن ربيعان راعي سبلا

عطاالله النفيعي

26-May-2009 01:29 AM

لاهنت

وبعطيك الف عافيه

العثمان

26-May-2009 07:12 AM

احفظ للشيخ ابن دخين بيت سمعته منه وهو:-
الذويبي وروقي للجمايل تعودي***إتفقنا كما جداننا الاولينا
وهو الشيخ ابن دخين يتسم بالهدوء والحلم والأناة رحمه الله رحمة واسعة ووفق اخيه صبيان لمواصلة المشوار الذي بدأه الشيخ عبدالله ومن قبله ابوهم دخيل الله رحم الله الجميع.

اسمحلي مجنون

26-May-2009 12:46 PM

اقتباس:

المشاركة الأصلية كتبت بواسطة بعيد الشوح (المشاركة 843993)

أنا أعتقد أن أبو عتيبه لقب للشيخ / محمد بن هندي بن حميد بدون قصور في الاشخاص التي تم ذكرهم ..


	(ابا غيث انت مضيع دربك؟؟؟؟ ( ابو عتيبه هو الامير الكريم الشجاع /محمد بن هندي بن حميد)) يقول فراج التويجر العضياني مـلفـاك ابـن هـندي مـنا هـاشـل الخلا=عـيـد الـكـنـيـف الـلي تـضالع ركابها تـلـقـون ثـايـه كـنـها واكـف الـنــدى =من مس الايدي عقب لوخ العشا بها خـيـال بـوشـن يـوم لـحـقـوه شــمـــر=هـل الـمـهـار الـلـي تـلاعـج ثـيـابــها والخيل يوم اوحـت صيـاحه وعزوته=تـقـلـعـت مـن كـل فــج اطــنــابــهـــا أي عندما سمعت الخيل بعزاوي بن هندي اتته من كل فج في الصحراء ويقول الشاعر فراج التويجر: يم ابن هندي عسى عمره يدوم =سلمو لي واجهدو لي بالسلام يـوم يركب فـوق شقراه القحـوم=الـعـبـيـه ركـضـهـا فـيه ادحام فـوقها يمـنى تورد بـالـسـهــوم =تشبع اللي في مراح الخيل حام يالله اني طـالـبك فـي كل يـوم =تفهق اجله من ورى تسعين عام أما مزيد بن تايب المقاطي قال هذه الاحدية بمناسبة مناخ الرشاوية : ياحرب ياللي من ورى القعران = تبون نجد ونجد حنا فيه وداي الرشا حاميه ابو سلطان = ماحدٍ خشر في نجد مع راعيه نركب على اللي تطرش العنٌان = والروح تدبيره على واليه ابو سلطان : الشيخ محمد بن هندي احيدية الفارس وديد الجلاوي الشيباني في معركة الرحـــا عام1310هـ افـرج لـنـا يـافــارج لـمـحـمـد = من الموارت وخلطهن سيوف يضرب بحد السيف دون الشرفا = لين السبايا عودن ووقوف ويقول احد شعراء قحطان لو كان للبدوان في الحكم شده = قد حكم أبن هندي وألا أبن هادي مقولته المشهورة : الشجاعه ان تمشي الى عدوك كانك تمشي الى صديقك القابه اريحان:لقب (سيف ) الامير محمد ابن هندي لقب بهذا بعد معركة الرحا بينه وابن رشيد سنة 1310 هـ ابو عتيبة : لان عتيبة توحدت تحته اخو نوضا عقاب نجد عزوته: خيال الشرفا محمد خيال الشرفا وانا بن هندي. مرابط خيله 1-الحرقا: ورد ذكر هذا المربط في كتاب الاصول 2ـ العبيساء : ورد ذكر هذا المربط في كتاب الاصول وفاته: توفي سنة 1333هـ مترديا من بعيره ( الله يرحم ابو عتيبه )

عبد المحسن الحلحلي

26-May-2009 02:26 PM

الأخ مشعل العصيمي

صدقت لقب أبو عتيبة قد يكون للأمير المقدام والفارس الشجاع

محمد بن هندي بن حمد بن حميد

وكذلك لمصواط بقعا الأمير الفارس الجبل مصلط بن محمد بن ربيعان

لكنه لم يشتهر هذا اللقب أعني أبو عتيبة إلا لابن دخين ولابن هليل

يقول الشيخ سليمان بن حمد السيالي من شيوخ السياييل

وهي قصيدة قديمة في استنهاض قبايل عتيبة المذكورين فيها

للفزعة على الحرث

فهااد

06-Jun-2009 10:54 PM

اقتباس:

المشاركة الأصلية كتبت بواسطة .الحلحلي. (المشاركة 860184)

لكنه لم يشتهر هذا اللقب أعني أبو عتيبة إلا لابن دخين ولابن هليل

يقول الشيخ سليمان بن حمد السيالي من شيوخ السياييل

وهي قصيدة قديمة في استنهاض قبايل عتيبة المذكورين فيها

للفزعة على الحرث

هذا هو الكلام الصحيح والدليل القاطع . مشكور يالحلحلي

ونعم بالشيوخ محمد بن هندي ومسلط بن ربيعان

العتيبي أبا غيث

06-Jul-2009 10:15 AM

الشكر موصول لك من شارك في

متصفحي هذا والمعذرة لآني كنت

غايب عن المنتدى أكثر من شهرين

بسبب ظروف السموحة من الجميع

دمتم جميعاً بالود

راع العبيه

30-Aug-2009 01:04 AM

الله الله هذا ابن ادخين واعزتي عن عتيبة بعد طاحة مبانيها

فهااد

19-Feb-2010 07:46 AM

اقتباس:

المشاركة الأصلية كتبت بواسطة العتيبي أبا غيث (المشاركة 843949)


	[size=5][color=#000000] نبذة عن حياته : • اسمه عبد الله بن دخيل الله بن عبد الرحيم بن عبد الله بن مخضار بن عبد الله بن دريويش بن حسن بن دخين بن قريش (او قروش) بن ذؤيب بن سالم بن صرير بن ثابت بن عبد الله بن الحارث بن جابر بن رزام بن ناصرة بن فصية بن نصر بن سعد بن بكر بن هوازن بن سليم بن منصور بن عكرمة بن خصفة بن قيس عيلان(الناس) بن مضر بن نزار بن معد بن عدنان

تصحيح في تسلسل النسب بالنيابه عن الاخ ابو غيث :

هوازن بن منصور

وليس

هوازن بن سليم بن منصور

الجوراسي

19-Feb-2010 04:23 PM

رحم الله ابن دخين امير وقاضي ومبنى ونساب وشاعر معروف

علاي الحافي

19-Feb-2010 04:41 PM

لاهنت وبارك الله فيك

لآبتي عتيبة

21-Jul-2013 02:55 AM

في غلط بالنسب كاتبين هوازن بن سليم بن منصور ؟!

الساعة الآن »11:22 AM.