يالعوني انته تحسب القطله مثل نظم القصيد = في كل يوم تجيب لك بيتين وتغنيبها
لكن انا اعرف السبب يا هييه والعلم الاكيد = اليا انزنقت تغيب اودور لها وتجيبها

انا معي حنكة شليويح ومعي سرعة رشيد = وانته ماغير السبحة اللي في يدك تومي بها
والله لو العتبان جتني فوج فاليوم الشديد = اني لاحد السيف ابو حدين ثم اسريبها

المشاركة الأصلية كتبت بواسطة العـوني (المشاركة 845928) سلطان انا اوقات اكون مشغول واغيب المساله ماهي مسالة شعر ولكن هالحين خلك موجود واتحداك بالسرعه ههههههههه انا معي حنكة شليويح ومعي سرعة رشيد = وانته ماغير السبحة اللي في يدك تومي بها والله لو العتبان جتني فوج فاليوم الشديد = اني لاحد السيف ابو حدين ثم اسريبها

اشغلتنا بالشايب شليويح جعلك ما تفيد = والسبحه اللي في يدي ناس(ن) تخون صحيبها
تقولها وانته من العتبان قررت الشديد = عقب السيوف اللي صباح وليل فيك اصطيبها

لو الدروس تفيد ياسلطان في قلب البليد = يمديك اخذت من العلوم أجلها ومصيبها
العام يوم ان الهبايب ميلت خضر الجريد = ورى خوالي في طوارفها يضيع ذهيبها

المشاركة الأصلية كتبت بواسطة العـوني (المشاركة 845931) لو الدروس تفيد ياسلطان في قلب البليد = يمديك اخذت من العلوم أجلها ومصيبها العام يوم ان الهبايب مليت خضر الجريد = ورى خوالي في طوارفها يضيع ذهيبها

العلم فتل ونقض لكن يا لعلك مستفيد = من العلوم اللي على بالك وانا ماليبها
اسال اخوالك يالمطيري وانت رجال(ن) بليد = ضويتها من فوق وام تفقد صيبها

المشكلة ياصحابنا فرهاط ياكثر العبيد = اللي تدربي روسها والاذن ماتوحي بها
مادام لاتاخذ ولاتعطي خذ الراي الرشيد = وخل البضايع لاتبيع ابها ولاتشري بها

المشاركة الأصلية كتبت بواسطة العـوني (المشاركة 845933) المشكلة ياصحابنا فرهاط ياكثر العبيد = اللي تدربي روسها والاذن ماتوحي بها مادام لاتاخذ ولاتعطي خذ الراي الرشيد = وخل البضايع لاتبيع ابها ولاتشري بها

والمشكله في ثرب يا رجال شفت اهل الصعيد = تسمع باذانيها لكن تروح ماتدريبها
حنا بناخذها ونعطيها معك لكن عيد = لكن عسى المطران قدمي ما تشقق جيبها

بعض العلوم الله يجيرك كنها السيف الحديد = اللي تنوشه لاخلد في نومه يهذري بها
حملت وجات الفاتنه بوليّد ماهو بالوحيد = اللي يسرحها مع الرعيان مايضويبها

لو الدروس تفيد ياسلطان في قلب البليد

................................................. يمديك اخذت من العلوم أجلها ومصيبها

العام يوم ان الهبايب مليت خضر الجريد

................................................ ورى خوالي في طوارفها يضيع ذهيبها




الله الله يالعوني صح ألسانك

ولا هان سلطان .. سجل إعجابي

تقبل تحياتي ومروري

المشاركة الأصلية كتبت بواسطة العـوني (المشاركة 845941) بعض العلوم الله يجيرك كنها السيف الحديد = اللي تنوشه لاخلد في نومه يهذري بها حملت وجات الفاتنه بوليّد ماهو بالوحيد = اللي يسرحها مع الرعيان مايضويبها

كنك تقول السيف موجعني طلبتك لا تزيد = وهواية العتبان قهر مطير مع تعذيبها
مالي دخل فمطير لو جاهم 300وليد = وعيالكم ما يشبهون لبعض من ترتيبها

اتعبتني شكلي بعيد الدرس كله من جديد = اليا متى وانت الثياب البالية تمشي بها
مثبته ياصاحبي عندك على الساس الجويد = ولانته مفككها بعد حظك ضبط تركيبها

المشاركة الأصلية كتبت بواسطة العـوني (المشاركة 845955) اتعبتني شكلي بعيد الدرس كله من جديد = اليا متى وانت الثياب البالية تمشي بها مثبته ياصاحبي عندك على الساس الجويد = ولانته مفككها بعد حظك ضبط تركيبها

اتعبك دايم يالمطيري وانت ما عندك رصيد = يالعقرب اللي كم لها مقصوص راس ذنيبها
يا كثر ما في مطير من عتبان منظرهم فريد = صاروا من المطران مير الله يعلم غيبها

الله يبارك فيك لاجتك الرسايل فالبريد = ان ماقدرت تجيبها علم سعود يجيبها
العكس هو الصح لكنك في علومك لاتزيد = بعض السوالف ماتجمل لحيتك وشنيبها

المشاركة الأصلية كتبت بواسطة العـوني (المشاركة 845971) الله يبارك فيك لاجتك الرسايل فالبريد = ان ماقدرت تجيبها علم سعود يجيبها العكس هو الصح لكنك في علومك لاتزيد = بعض السوالف ماتجمل لحيتك وشنيبها

انته سواة الجندي اللي طامع(ن) له في عميد = الملعبه مثلك ثعلها يوم مثلي ذيبها
ترا جملنا فد هجد دارك وهو ما فيه قيد = وسراء معه من ذودكم بكره يهول طيبها