ياسعود حافتني جيوشٍ من الهم = وضاقت بي الدنيا ولو هي وسيعه ..!!
لا خال نافعني ولا اخو ولا عم = واخلاقي اندمرت ومبطي رفيعه ..!!
يوم السبب منهو خذا خفّة الدم =غنج ودلع هو كان .. مدري طبيعه ..!!
امن اول أن صوّت لي آجاوبه (سم) = كنه وديعٍ لي وكنّي وديعه ..!!
واليوم عني راح مبعد وملزم = بسباب عذالٍ يبون القطيعه ..!!
وقلبي غدا ياخوك منهَم ومنغم = مذكر خطاء منّي على شان اطيعه ..!!
وياسعود راسي عوّد اليوم منخم = وعشقت سجّات الخطوط السريعه ..!!
وجرحي عقب فرقاه يا سعود ما ألتم = لاكن دوك العلم تكفى وذيعه ..!!
كانه على فرقاي هاوي ومغرم= (من باعنا في سلم جدي نبيعه) ..!!

وسلامتكم :)

ابو نجر النفيعي

المشاركة الأصلية كتبت بواسطة طارق النفيعي (المشاركة 846141) يا سلام يا سلام أثاريك هواوي يـ أبو نجر أجل ما نلومك عن كل هالغياب .. صح الله لسانك وكالعادة مبدع ولازلت مبدع وسوف تضل مبدعا ً بإذن الله .. ننتظر تواصلك معنا وشاكرين لك ..

:)

صح بدنك يابو هلال .. وشرّفني مرورك يالغلا ..}~

والله لا يهينك ..

المشاركة الأصلية كتبت بواسطة الــــوافـــي (المشاركة 846144) صح لسانك يابو نجر أنا أشهد أنه أبيات قويه وعطنا من قصايدك الطيبه يابونجر وبالتوفيق

ياسعود حافتنـي جيـوشٍ مـن الهـم وضاقت بي الدنيا ولو هي وسيعه ..!!

كانـه علـى فرقـاي هـاوي ومغـرم
(من باعنا في سلم جـدي نبيعـه) ..!!



الله واكبر يا بو نجر

أبدعت يا ذيب

صح لسانك مدد بلا عدد

تحيتي لك