|
هل نقول ان تركي 2000 سرق فيصل الرياحي؟؟؟
الحقيقه كتبت هذا الموضوع وهو رد على بعض السفهاء وانا اقول السفهاء رغم انهم لايستحقون الرد عليهم ولكن لكي لاياتي احد ويصدقهم فيصبح سفيه مثلهم . يقول السفهاء ان سلطان الجلاوي يسرق ابيات وموالات تركي 2000 !!!! ياللعجب من هو تركي رغم احترامي له هل هو شليويح ام مطلق الثبيتي ؟؟؟ يستشهد السفهاء ببعض الموالات والابيات وانا هنا سأقرع الحجه بالحجه واقول وجهة نظري ومن بعدها لكم الراي. يقول السفهاء ان تركي 2000 في احد موالاته يقول : أنت ياشاعر العتبان في ورطه من علومك تبا تشتالك الشرطه منفرط و أكثر العتبان منفرطه مانغير هويتنا السعـــــــــــوديه ويقولون ان الجلاوي سرق هذا الموال وجاء به بهذه الطريقه: صورتي خلت المطران في ورطه لين راحت مطير تبلغ الشرطــه من عتيبه قلــوب مطير منفرطـه من يدور على 000000000000 هذا ما يقوله السفهاء وانا اقول لهم ان فيصل الرياحي الله يرحمه قد قال موال قريب جدا من هذه الموالين امام تركي 2000 في الرياض ايام بدايات تركي2000 يقول الرياحي: ياتركي الله يخارجكم من الورطه والسبحه الللي لها عامين منفرطه لكن لاتغلط علي ارسلك للشرطه والراس مرفوع والرايات مرفوعه هذه ما قاله الرياحي ثم اتى تركي 2000 وقال مواله ثم بعدهم اتى الجلاوي. الزبده الموال اول من قاله فيصل الرياحي الله يرحمه ان كانوا يقولون ان في الموضوع سرقه فاول من سرق تركي 2000 وليس هناك عذر لان الموال قيل امام تركي!!!! اما الجلاوي ربما لم يسمعه من قبل هذا ان سميناها سرقه!!!! اما انا اقول ان الموضوع كله ليس به سرقه وانما توارد افكار فقط لاغير والامثله كثيره ومن شعراء عمالقه ليسوا بحاجه لااقتباس او سرقه. |
يارجال لا تدقق على كلام المتعصبين
انا اشوف ان المحاوره مافيها حقوق حفظ ابيات دايم تكرر ولحد يقول شي ابد قص لزق وانت ماشي حبيب يقول للعيرالله يرحمه (قرود الغابه) رجع تركي وقالها وانت ماشي ابيات نظم تسرق وتحط في محاوره وانت ماشي يقولون فلاح المورقي يسرق الحان تركي وفي المقابل تركي ماخذ اللحان من اريام يعني نحط موضوع تركي يسرق اريام |
كلكم مع احترامي لكم فاضين ولاعندكم شغل
والمحاوره الله لايعيدها دام فيها تركي وسلطان ادبلت كبود الناس والكل قام يسب عرض الناس لابوها محاوره سفاف وانحطاط اخلاق سلمني على الشعراء القدماء وفقط .. واللي مات منهم الله يرحمه |
يالربع السفية اليا تكلم مالة الا الحقران ولا يرد علية
ثانيا لاسلطان درا عنا ولا تركي درا عنا وحنا ناخذ اذنوب فالعالم من كثر مانهرج فيها والموضوع لا يسمن ولا يغني من جوع وتركي قام حظة وسلطان قام حظة بغض النظر عن مستواهم ثالثا في عضو من اعضاء شاعر محاورة يصير خال تركي لو يشوف الامور هاذي وش تبونة يقول علموني يالربع فالرجاء طرح ماهو مفيد دعوها فانها نتنة |
اقول يا صاهود احترم نفسك محد قال عنك سفيه الى الحين محترمينك
ثانيا واذا عضو خال تركي من سب تركي اصلا حنا نتكلم عن الشعر وبعيدين رد باسلوب محترم ولا تستحقر احد |
يالربع اركدوا شوي حنا نتكلم فالشعر فقط وفي بعض سفهاء الجمهور اخ محمد صاهود ماقال شي انت علامك براق نجد حياك الله وجهة نظر على العين والراس |
السفيه ماله الا الحقران وماغلط
اجل وشنهو الغلط عندك |
اخ محمد هو يقصد السفهاء اللي نزلت انا الموضوع للرد عليهم ما قصدك احسن النيه |
ابو فايح ..
مسيت بالخير .. اشوف انها موالات عادية .. والاكيد انه توارد افكار .. والي يقول سرقة .. قل جعلك سالم .. |
الله يهديك يابوفايح
اول شي وشهو تركي حتى تفتح مواضيع علشانه ثاني حاجة مع احترامنا لتركي وسلطان كلهم شباب وشعرهم عليه ملاحظات ولايعتبرون من اعمدة المحاورة وانت هالحين تركت مستور ورشيد وحبيب وابومشعاب وابن عياد وملفي وغيرهم من عمالقة المحاورة اللي نقدهم وتحليل محاوراتهم ينفعنا ويفيدنا وفتحت موضوع عن شخص متطفل على الشعر |
مسا الخير يالربع اولا يابن روق هد الوضع صاهود مايقصدك ولايقصد اي واحد بالمنتدى حسب مابان من كلامه قصده الشعار تركي وسلطان والله اعلم ثانيا يالربع ترى تركي ولجلاوي شعرا فتنه والرسول صلى الله عليه وسلم حذر من الفتنه شعرهم كله انت فيك وانتم فيكم واخر اليل ماخذله دراهم وساري يضحك الشعار يقولون مالا يفعلون وكلهم مع احتراماتي لهم خرطي ذبحنا وصلخنا بالهرج الي ذبحو ماتو ويبون من احفادهم الدعا لهم بالرحمه مايبون الذنوب وارجو منكم ياخواني تجنبون كل مافيه فتنه وان تسفهو السفها مع احترامي لقبايلهم العزيزه واتمنى انت تقبلو مروري بكل صدر رحب
|
كلنا نقول توارد افكار لكن ما نلحق لهم مدى كل شوي طالعين لنا بشى
جديد قالو الجلاوي سرق قصيدة وهي نجل العيون من تركي الفين والخلطه السريه بعد. وغير الحون الحن يسرق ياسبحان الله |
موضوع لا يستحق المتابعه مع احترامي لكاتبه |
بالنسبه للابيات اللي تكرر لو نبي نحصيها ما نقدر من جميع الشعراء شيبان وشباب
|
ابو فايح
مع تحياتي لك موّال الرّياحي ان كنت تقول انه سرقه تركي فانه أخذ ااااخر كلمه في الشّطر فقط (ان كنت تزعم سرقته مع اني اقول ان المحاورة ليس فيها حقوق حفظ أبدا) أما موّال الجلاوي الذي يقال انه سرقه من تركي فهو مقتبسه قافيه ومععععنى نفس المعنى والنسق والفكرة وطريقة الإلقاء ههه ما خلّى شئ الله يوفقه عموما أنــا بـدوري أهنـي عتيبه بشاااعرها الفذّ القادم بقوّه سلطان الجلاوي للجميــع تحياتي |
صح لسانك ياصاهود :)
|
كل المحاورة نسخ ولصق ... لكن تركي سرقها عيني عينك من فيصل الرياحي قافيه ووزن ايهب مايترك شيء الا ويسرقه حتى الموالات يأخذها من اهل الفن |
الأخ ابو فايح الموال المذكور سمعناه من تركي والحقوق محفوظة له وقام الجلاوي وقلدة أو سرقة هذا الموضوع معروف للجميع عليك أثبات ما ذكرت بخصوص موال الرياحي من خلال عرضه هنا ومتى كان هذا الحفل وأين بعد ما تثبت ما ذكرت نقول أن هذا الموال حقوقه محفوظة للرياحي |
رايد الله يسلمك يابو قحط
كيف معنا والقا ومدري ويش ترا انا حاضر محاورة الجلاوي الى فيها الموال هذا مع فيحان القعياني وكان الرد يتوجب الموال هذا وبعدين الفكره غير والمعنى غير دقق بالموالين وتشوف تحياتي |
نقول توارد افكار
|
يالربع اتركو عنكم شعراء الموال
تركي 2000 سلطان الجلاوي عليكم بشعراء المعني مثل رشيد الزلامي -مستور العصيمي- ابو مشعاب- حبيب العازمي- ملفي المورقي-فيصل الرياحي الله يرحمه هؤلاء هم العمالقه التي تبقي اسماءهم و شعرهم في سجل التاريخ توارثه الاجيال لان الشعر معني وليس موال ولحن ومن اراد ان يسمع صوت ولحن يروح يشتري شريط احد الفنانين الموجودين في الساحه ويتسمع للصوت واللحن تحيتي |
الشعراء اللي ذكرتهم يابناخي الايداء مايسرقون أما الموضوع توادر أفكار فقط لاغير والقافيه ليس مع أي شخص صك عليها خلاصها قالها تركوه مايقولها سلطان الله أكبر .. |
اقتباس:
سلمت يالذيب على المرور الرائع اقتباس:
حيا الله شاعرنا صحيح تركي لاشي مع من ذكرتهم ولكن مثل ماقلت في بدلية موضوعي الموضوع فقط رد على السفهاء عشان ما يجي واحد ويصدقهم اقتباس:
حياك الله وجهة نظر نحترمها اقتباس:
صدقت انا ابا ابلش وغيري يا يبلش ان صرنا نبا نرد على جميع سفاهاتهم ولكن على قولة القائل سدد وقارب اقتباس:
حياك الله وجهة نظرك ونحترمها اقتباس:
حيا الله معذبهم مرور زاد الموضوع جمالا |
اقتباس:
حيا الله القحطاني شفتوا جاء العاقل وصدق السفهاء اقتباس:
صح لسانه ولسانك اقتباس:
حياك يا خالد انا اخالفك في الراي اعتقد توارد افكار |
اقتباس:
حياك يا نادر ابا اخذها على النيه الطيبه يمكن ما تقصد اني كذاب وجايب موال الرياحي من راسي |
اقتباس:
وش تقصد؟ الماء ما يغطيه النثيل وانا خوك وانشد كبار عتيبه وعقالها |
والله اذوونا بتركي والله لو انهم قالوا سوار الذهب كاان سكت
بس تركي؟؟؟؟؟؟؟؟؟؟ |
اقتباس:
انت ماتدري وش قلت يابن روق ماقلت عن احد سفية منكم مرة انا اقول السفبة اللي كان يقصدة ابوفايح لاتصير عجل وانا خوك افهم وش قلت |
المعذره اخطيت المعنى وجهني
|
اقتباس:
الموضوع وما فيه ان موال تركي منتشر أكثر الحفل كان في 2006 ولا دريت عن موال الرياحي الا منك الحين يمكني متابعتي ليست دقيقة للحفلات والمهم الان وقت كل حفلة |
توارد الافكار
يصير ولكن ليس بنفس الوقفات ههههههههه هذه سرقات وستستمر الشباب على خطى الكبار لو بالسرقه منهم |
لحووول
الردود اربع صفحات علشان هالموضوع؟؟ أنا رأيي ان هالموال (كلام فاضي) ولا اردى من اللي قاله الا اللي سرقه عاد تركي والا الجلاوي وعفاكم |
اقتباس:
عفوا ياسيدي الكريم هنا ليست سرقه بل تبادل خواطر كل الشعار اللي ذكرتهم. مستحيل شاعر يقلد الشاعر الاخر. بستثناء الشيلات والالحان فقط. لماذا هذا الضجر والتأزم والضيق الصدر. في النهايه مجرد ميدان وتنتهي في وقتها وجهه نظر |
سبحان الله كم موضوع جديد بالنقاش ما تجد من هذا شي ...وهذا موضوع عادي واربع صفحات...
انصحكم بالبعد عن هذه المواضيع وسلاااااااااااامتكم والموال لايمكن ان تقيم به شاعر ...مهما كان... |
لا هنت على الموضوع والله يبيض وجهك على هالطرح المميز
وانا اقول ان القافيه مو مهمه ان تكررت لكن المهم الموضوع بالموال او البيت والفتل والنقض اهم من القوافي وان تكررت |
| الساعة الآن »03:53 AM. |
Arabization
iraq chooses life
Powered by
vBulletin®
Version 3.8.2
.Copyright ©2000 - 2025, Jelsoft Enterprises Ltd