|
حبيب العازمي وفلاح القرقاح مع تحليل المعنى
هذه احد محاوراة المغتره بين الشاعرين حبيب العازمي وفلاح القرقاح وكان المعنى يدور حول مشاركة القرقاح في شاعر المعنى حبيب يسأل القرقاح عن سبب مشاركته وفلاح يقول من اجل ابيض الوجه الامير فيصل بن خالد وانني تقربت منه ولكن انت يا حبيب رحت بعيد ولم تحضر وحبيب يقول ماجاني دعوه لو جات رحت لو في مدريد وانت يالقرقاح على الريحه سمعت بالبرنامج ورحت مثل المجنون واستمر النقاش بين الشاعرين على ذلك حبيب سلام الله عليكم يا هل العوجاء هل التوحيد = سلاطين الرجال الللي تشرفها مواقفها ابن ريفه فرد سجادته يبا يصلي العيد=وقبل ان الامام يكمل الخطبه تلحفها القرقاح هل العوجاء ولاهم معتقد ومشاهدتهم فيد= هلا يا مرحبا ترحيبة ما احد يوصفها تبا تعرف هدف صاحبك ابن قرقاح بالتحديد= رضا ال سعود ولا شوفة الشعار عايفها حبيب ترا ماكل قناص قنص يقدر يصيد الصيد= ياراعي الصيده اللي روحت وانته تلاقفها يارجال اذكر الله ثم هات العلم بالتاكيد= وروحك بعد هاذي بالمشاكل لاتكلفها القرقاح بعير عن لزومه مايجوده الرسن والقيد = وبعير لو يورا ديرته ماهوب شايفها مادام انك معافى لاتصك الحيد فوق الحيد = تقويها نقويها تضعفها نضعفها حبيب لو ان الامر مثل اللي تقوله ماتصير وحيد = ولكن المجنن ماتريح لو تكتفها ولا يازيد علم عمر ولاياعمر علم زيد =مطاوعت الزمن هذا خطرها في مصاحفها القرقاح انا قربت عند الوجه الابيض وانت رحت بعيد = ياليتك جيت في تاج الجنوب احلا مصايفها تبا تقرا كتاب الله لازم تدرس التجويد =ولا تنقد يكون اهل التطرف في تطرفها حبيب انا لو جتني الدعوى وصلته لو في مدريد =لكن انته يابن ريفه على الريحه تخطفها بغيت تشدد العتبان والمطران بالتهديد = واثرها كلمتن دايم على لسانك مطرفها القرقاح تقوله والعرب يدرون وش ملهيك ويش تريد = ثلاث شهور واللي يلحق الخلفه يعطفها انا احارب على وضح النقا ماني بعرف الكيد = ولي عزوه مواقفها الشريفه ما تسلفها حبيب تحسب المشترا بالكاش مثل البيع بالتقصيد = ولو عندك طماعه لو بالغصب انتناصفها صحيح العمر يفنى يالعبيدي والثياب تبيد = ورجلن مايجينا بالحقيقه لايولفها القرقاح طماعتنا رضى اللي يكسبون المجد والتمجيد = لك الله ماتصرف ياحبيب لو تصرفها عسى ربي يعز اللي على زود الظروف يزيد *** للاه اهل المواهب ماتحصل من يوضفها حبيب على الله يا نصيبن تجمع الفاسق مع العربيد ** مايبقى الا الرموش اللي على عيوني تنتفها ياكثر الخير مير النفس ماتقنع بشي زهيد ** وهذا من شقاها لاتحسب انه يسعفها القرقاح ياكبر الكلمه اللي حرها يلحق رضيع الديد** امين المكتبه لو شاب راسه مايصنفها ترا اللي ميده فعله ماهو محتاج للتاييد ***وعند الله كل الخلق منشوره صحايفها |
جميله جدا
ابدع حبيب وابدع القرقاح وما اجمل المحاورة عندما تكون متكافأة او على الأقل متقاربة المستوى من الشعراء .... هنا ابداع ليست بمستغرب وصاحب المشاركة دائما مبدع في اختياراته وتحليلاته تحياتي لك يالقرم..,, |
بيض الله وجهك ياابو فاايح ولاهنت على المحااورة الرائعه بالحيل
|
مشكور على المحاوره والتحليل الرائع يابو فايح
وبيض الله وجهك |
لاهنت يابوفايح ماقصرت .. |
لا هنت يابو فايح متميز .. دوم
تبا تعرف هدف صاحبك ابن قرقاح بالتحديد= رضا ال سعود ولا شوفة الشعار عايفها وهنا القرقاح كشف المعنى .. كان يمديه يرد برد .. افضل وغير مكشوف .. |
ابن ريفه فرد سجادته يبا يصلي العيد=وقبل ان الامام يكمل الخطبه تلحفها
ههههههه حبيب عليه طلعات اعجبني تركيبت البيت من حبيب الي يقصد فيه المسابقات الشعريه الي شارك فيها القرقاح واكل فيها هوا ,, او على قولتك حبيب تلحفهاا محاوره رائعه وتحليل اروع من استادنا ابو فايح |
بعير عن لزومه مايجوده الرسن والقيد = وبعير لو يورا ديرته ماهوب شايفها
|
وش معنى بيت حبيب
بغيت تشدد العتبان والمطران بالتهديد واثرها كلمتن دايم على لسانك ترددها |
محاورة جامدة وفيها احتكاك قوي
مشكوووووووور على النقل |
مبدع كعادتك يابو فائح
بس فيه محاورة لحبيب وفلاح في عفيف بتاريخ 28/4/1430 على المروبع ومن اجمل المحاورات اللي سمعتها ياليت تجيبها لنا ,,, تحياتي |
ابن ريفه فرد سجادته يبا يصلي العيد=وقبل ان الامام يكمل الخطبه تلحفها
تبا تعرف هدف صاحبك ابن قرقاح بالتحديد= رضا ال سعود ولا شوفة الشعار عايفها حبيب و القرقاح شعر معنى من الدرجه الاولى ولا يحتاج اقولها لكن نلاحظ ان حبيب غطى المعنى والقرقاح كشف المعنى طوالي وهاذي تحسب على القرقاح حسب وجهة نظري تحياتي |
القرقاح كشف المعنى على شان يحرج حبيب
لأنه لو استمر المعنى مغطى ماراح يتخارج |
اقتباس:
مهما كان لا يجب على الشاعر كشف المعنى لاهنت على المرور |
اقتباس:
كشف المعنى مثل البيت الي ذكرته للقرقاح مو يعتبر مثل حل اللغز بمعنى ان القرقاح كأنه يقول انا عارف معناك ياحبيب وهاك الرد كاش وسؤال ثاني ياخ سلطان بالنسبه لرموز المعنى مثلا شاعر اعطاك معنى فيه رموزم ؟؟ مثلا في البيت سياره وخط ورخص واستماره من هذي الاشياء ,, طبعا هي مجرد رموز يستخدمها الشعر لمعنى في نفسه السؤال هنا الشاعر المقابل يقدر يرد برموز مختلفه بمعنى انه يجيب بيت مثلا فيه مطر وارض وزرع وسيل ,, وفيها رد لمعني الشاعر لكن بختلاف الرموز .. أو الافضل الرد بنفس رموز الشاعر وعدم الخروج عن سياره وخط واستماره ومن هذا القبيل وهل ينفع مثلا ان يرد الشاعر على ظاهر البيت ويتجاهل المعنى في حالاته انه حصل ثغره في ظاهر بيت الشاعر مثلا الي يقول يرمح الطير او ينهق الخيل ومن هذي الاشياء |
اولا انا ما عندي خبره على شان اجاوبك لكن من المتابعه اخذنا معلومات بسيطه اول شي المعنى لغز صحيح ويجب على الشاعر اذا عرف حله ما يوضح للناس يبقى بينه وبين زميله وانت تابعت شاعر المعنى اكيد اما الرموز اهم شي يكون الرد على المعنى سواء بنفس الرموز او غيرها اما تجاهل المعنى تحسب على الشاعر بكل الحالات
والمعذره كان فيه خطا |
اقتباس:
أحيان يكون كشف المعنى إحراج للشاعر المقابل |
اقتباس:
وجهة نظرك واحترمها ولا اوافقها لاهنت |
الأخ سلطان
الله يرحم واااالديك اررررجع الى المحاورة فديو وشف وشلون ضحك حبيب من ببيت القرقاح حينما كشف المعنى لأنه ذكـــــــاء من القرقاح (خل نظرك بعييييد) هل يعني لا يستطيع ابن ريفه ان يغمض المعنى إلا في ذمتي انه يقدر يمشي المحاورة كاااااملة مغطااااه ويا غافل لك الله لكن لكي يحرج حبيّب بهذا البيت ! فلا تحسب على ابو محمد بل يحسب له هذا الذكاء من وجهة نظري الخااصة وكل له وجهة نظر فامان الله |
اقتباس:
ما شاء الله عليك من ضحكة حبيب عرفت انه ذكاء القرقاح كشف المعنى واحرج حبيب وجهة نظرك واحترمها |
بيض الله وجيهكم ..
شآكر لك ياشاعرنا .. سلطآن .. وعشت .. وتحليل منطقي ومآعلآه كلآم .. وبالنسبة لكشف المعنى.. من وجهة نظري الخآصة.. في حآلآت يصبح ماله دآعي وفي حالات يصبح من الضرورة تغطيته ... بالتوفيق .. |
قـنـاص الـمـعـانـي ..
يا عسى ما نعدمك ونعدم مواضيعك .. محاااااااورة أكثر من رائعة .. وشعارها كباااااار .. صحت ألسنهم ... تقبلوا مروري .. |
محاورةةة قوية
|
محاوره رائعه وبيض الله وجهك يا ابو فايح على التحليل الرائع
|
لاهنتوا جميعا وبيض الله وجيهكم على المشاركه اما من ناحية كشف المعنى انا اعتقد انه لانبغي للشاعر كشف المعنى دائما ولكن احيانا يكون فيه احراج لخصمه ومحاولة تكتيفه بهذه الطريقه لانه ربما والمعنى مدفون يلتهمه وتفوق عليه ولكن اذا انكشف المعنى ربما يكون هناك قيود لايمكن ان يتجاوزها . |
اما من ناحية كشف المعنى انا اعتقد انه لانبغي للشاعر كشف المعنى دائما ولكن احيانا يكون فيه احراج لخصمه ومحاولة تكتيفه بهذه الطريقه لانه ربما والمعنى مدفون يلتهمه وتفوق عليه ولكن اذا انكشف المعنى ربما يكون هناك قيود لايمكن ان يتجاوزها .
ماأزيد على كلامك يابو فايح وأظن هالمحاورة من اللي ينبغي فيها كشف المعنى لإحراج الشاعر المقابل |
| الساعة الآن »11:16 PM. |
Arabization
iraq chooses life
Powered by
vBulletin®
Version 3.8.2
.Copyright ©2000 - 2025, Jelsoft Enterprises Ltd