شبيت نار القصيد وفاحت إدلاله= وإسترسلتلي بيوت الشعر مفتوله
جتني بيوت القصيد الجزل منهاله= واختار فكري هواه الصعب إميوله
أنقى من الجزل وإلا الهزل ما اعناله= أغوص غبة بحوره واقتنص لوله
من يسمعه قال صح ألسان من قاله=قدام ينشد يعرف البيت منهوله
وسم العتيبي عليه يعز منزاله= ويزين طرقه ومنظومه ومدلوله
حنا ملوك القصيد الجزل ورجاله= هذي حقيقه ومثلي يحتمي قوله
الشعر منا وفينا زانت أمثاله= شعرٍ سما للسماء بدعه ومنقوله
ماهي غريبة على أهل الطيب والطاله= حنا لنا قمة الأمجاد مكفوله
سموا العتيبي يعز المجد بأفعاله= دايم ومن فضل ربي يكسب الجوله
من ساسنا كل عالي مجد نرقاله= والصعب بأفعالنا نثنيه ونطوله
هيلاً مهيله ومنها الناس مهتاله= مصانع إرجال طنخة رأس وبطوله
وسلومنا غير طيب وعز ورساله= نفرق عن الناس بسلومٍ لها طوله
ناسم عصى الخايف اللي شانت أحوله= ويأمن بها سبعة أشهر غر مدبوله
سنه وشهرين يأمن ما على باله= جمايل في دخيل القوم مبذوله
من غيرنا للثلاث البيض والقاله= قبل العتيبي لها من ساق عربوله
إقلوبنا للخوي والجار مياله= وبيوتنا من ضيوف الجود مدهوله
وأيماننا في دروب الخير بذاله= وعن كل شيٍ يذل النفس مشلوله
إنخ العتيبي ببوه وعمه وخاله= هاثم شف وقفت الرجال وفعوله
اتروح مقضي لزومك ساليٍ داله= وعقود حبل الزمان الشين محلوله
وقبايل ألمملكه كلن ومنواله= ما قول فيهم قصور رجال وحموله
كلن على سلم جده والسعد فاله= وحنا وهم من رجال الدين والدوله
ومحمد مصوي الله يسعد إلياله= بالله هنوه جاب الفوز بوصوله
شبل ومن روس قوم إعصاة خياله= وإحلالهم بالوفا والجود مأهوله
وهذا دليلٍ على ما قول اللذي قاله= إن العتيبي قصيده يحتمي قوله
أكيد حنا ملوك الشعر ورجاله= دامن في كل جوله نكسب الجوله

الله الله الله


ياسلام

بيض الله وجهك

صح لسانك على هذه الدرر كل القصيدة متميزة ولا قدرنا ناخذ منها بيت ولا بيتين نعلق عليها

لله درك ياعبدالله القثامي

منهل الابداع


تثبيت تثبيت

هيلاً مهيله ومنهـا النـاس مهتالـه = مصانع إرجال طنخة رأس وبطولـه

هديتك طيبه ومقبوله ..

صح الله لسانك وفكرك يابو سلمان ..

امتعتنا بقرائتها
...

المشاركة الأصلية كتبت بواسطة عبدالله القثامي (المشاركة 868559) أكيد حنا ملوك الشعر ورجاله= دامن في كل جوله نكسب الجوله

صح لسانك ياعبد الله