من طاح ماحوله من الناس عتبان = او يسمعه رجـلٍ خوالـه عتيبـه
فهو طايحٍ رجواه في كان ما كـان = يلقى الفزع والا حدر في مصيبـه
شهادةٍ يشهد عليها ابـن غسـلان = ومن كان وسط الناس يدرى نصيبه
من عقب ماخاويت عالم وعربـان = شباب واللي لاح بالوجـه شيبـه
ولقيـت بالعربـان زودٍ ونقصـان = مثل الخيـول ملافحـات السبيبـه
لكن سنام اهل الفزايـع والاكـوان = واهل المواقف بالوقوت العصيبـه
في روق مع برقا صواريم عدنـان = اللي بوقت الكون تجـدع حريبـه
لاصاح صيـاح الاجاويـد بلشـان = وبيبان حل القـوم ماهـي قريبـه
يشكي دروبٍ به ثمانيـن شيطـان = وجرحٍ عجز ياصل حراوي طبيبـه
ونخواه ضاعت بالهواء تقل دخان = مع عاصفن بالصيف يدفـن قليبـه
ياكثر من يبقى من الناس نعسـان = او قال بلشات العرب وش نبي بـه
الا العتيبي ينفجـر فيـه بركـان = وكبده على الفزعات يقدح لهيبـه
اصغرهم اللي بالفزع طير حـوران = والا تشوفه مثـل سرحـان ذيبـه
حاديه طيبٍ عايشٍ طول الازمـان = مع والـدٍ يشفـق لطيبـة نسيبـه
وقلبٍ بموج الطيب يسقيه شريـان = وجيلٍ قديمٍ شـاع بالنـاس طيبـه
شبابهم تغني عن النـاس شيبـان = وجنودهـم فاقـت مراتـب نقيبـه
ولا طاع بدروب الردى نصح كوبان = والطيب لا مطمع ولا هو غصيبـه
لاشـك مالـه بالمهاريـب بيبـان = ونفسٍ تشوف الهون عار ومعيبـه
والناس كله بالفراغـات شجعـان = وتسمع هروجٍ بالخلايـق عجيبـه
والكود لطبوع المخاليـق ميـزان = لا قام وقت الكود يقـرى خطيبـه
يظهر لك اللي يحتمي تال الاظعان = ويمناه تغني عن جيوش وكتيبـه
يذري على الشده ضعافى ويتمـان = ورجلٍ وقع بالناس ساقه حطيبـه
ونسل الردى يبني مخابي وجدران = ويشرب من دلال الفزايـع سريبـه
من لاذ به في ساعة الكود خسران = ويابعد مشرق شمسها عن مغيبـه
ولا لي مع العتبان مطمع وخـلان = لاشك جحد الطيب يانـاس خيبـه
وانا اشهد انه بالفزع شانهم شـان = ومن يجحد اهل الطيب ربي حسيبه
وليت العرب عند المفازيع عتبـان = وياقرب طيب اللي خوالـه عتيبـه

مما جـرا و إنقـال سخّـرت قيفـان = و ارسلت مرسولـي لقافـي يجيبـه
عوّد لي المرسول بالحـال عجـلان = قال الطلب جبناه لـك وش تبـي بـه
قلت أرسله للي لهـم قـدرٍ و شـان = فـواز ذاك اللـى دروبـه صعيـبـه
دربه وعر مـا يعبـره كايـنٍ كـان = يتعب على دربـه ركايـب صليبـه
فواز ابن غسلان يـا نسـل فرسـان = مدحـت و الممـدوح ربعـي عتيبـه
اللى لهـم بالمجـد رآيـه و عنـوان = كل العرب تقـراه و كلـن دري بـه
شهادتك تبقى علـى الصـدر نيشـان = يفخر بها المعنـي شبـابٍ و شيبـه
يجبرني الموقـف علـى رد عرفـان = معه التحايـا و الثنـاء فـاح طيبـه
من يفعل الاحسـان نجزيـه إحسـان = و من قال قول الحق يا طيـب طيبـه
لو كـان يالزيـزوم بالـرد نقصـان = منك العذر والعفـو رسـم الضريبـه
موقفـك يافـواز ظاهـر للاعـيـان = موقف شرف بلعون ماهـى غريبـه
حيث ان لكم تاريخ فى وسط ديـوان = إمسطر و مشهـود مـا ندعـي بـه
طيب وكرم و أمجاد يا الحر شقـران = محـدٍ مـن العربـان والله يعيـبـه
لو كان بعض الناس راضى و زعلان = وأحدٍ على الضلعـان يحفـر قليبـه
كلن على مبـداه ضـاوي و شقيـان = و كلـن بمجهـوده يحصـل نصيبـه
و لو كان كبر الروس غايه وبرهـان = إن كـان للثيـران حـق و طليـبـه
شتـان مابيـن المعالـي و عــلان = مـا يقهـر المقهـور كـود الغليبـه
بيّنتهـا بيتيـن والقـصـد لـفـلان = اللـى علـى رده لطمـنـا نحيـبـه
و آعود للغسلان مع غصن ريحـان = اللى يعـرف سلـوم نـاس عريبـه
راع الوفا و الطيب والعز بـه بـان = اللي على العليا مكانـه رضـي بـه
شهمٍ شجاعٍ فذ مـن سـاس شجعـان = يا سِعد منهو من العرب يعتـزي بـه
دايم على العسرات ترجح لـه أوزان = أهـون فعولـه كايـداتٍ عصيـبـه
ساس الكرم و المجد من عهد و ازمان = ساسـه مجيـد و زاد فوقـه نجيبـه
مـا قلتهـا يالربـع زورٍ و بهتـان = ولا مقصدي أنشـر دعايـه مريبـه
الأمـر محسـوم ولا فيـه إعــلان = مـا يذكـر الياقـوت مثـل الزبيبـه
و صلاة ربي عد مـا هلـت أمـزان = دنّـت رعايدهـا و سيّـل شعيـبـه
على النبي الهاشمـي نسـل عدنـان = اللـي الخلايـق كلهـا تقتـدي بـه

المشاركة الأصلية كتبت بواسطة منشي نويشي (المشاركة 875997) بيض الله وجهك وصح السانك والغسلان الظاهر انه من عتبان بقعاء الي يقال له البقعاوي والله العالم اخوك

المشاركة الأصلية كتبت بواسطة أخو جوزا (المشاركة 876075) صح لسانك ياسعود ولسان الغسلان

صح بدنك يا بن سرحان

و يا هلابك يالغالي

التواصل واصل ان شاء الله

و أنتم على البال دائما

لاهنت

،،،،،،،،،،،،،

المشاركة الأصلية كتبت بواسطة ابو فارس 511 (المشاركة 876143) صح لسانك ياسعود ولسان الغسلان

المشاركة الأصلية كتبت بواسطة نايف خلف العضياني (المشاركة 876147) شتـان مابيـن المعالـي و عــلان .مـا يقهـر المقهـور كـود الغليبـه .. صح السانك ياسعود

ولا لي مع العتبان مطمع وخـلان =لاشك جحد الطيب يانـاس خيبـه

يجبرني الموقـف علـى رد عرفـان= معه التحايـا و الثنـاء فـاح طيبـه

المشاركة الأصلية كتبت بواسطة سعود الجعفري العنزي (المشاركة 876155) صح لسانك ياسعود ولسان الغسلان

المشاركة الأصلية كتبت بواسطة عبدالله الاصعر (المشاركة 876219) صح لسان الغسلان وبيض الله وجهه على هذه القصيده الجزله وصح لسانك على هذا الرد الجزل وبيض الله وجهك للجميع تحياتي

المشاركة الأصلية كتبت بواسطة سيف عنزه (المشاركة 876566) صح لسانك ياسعود ولسان الغسلان ماقصرت اخوووي

المشاركة الأصلية كتبت بواسطة فايز العصيمي (المشاركة 877272) صح لسانك ياسعود ولسان الغسلان فوااز راوي وشاعر معررووف وفي مايبدولي انه تميمي تحياتي

المشاركة الأصلية كتبت بواسطة عبدالمجيد النفيعي (المشاركة 877281) ولا لي مع العتبان مطمع وخـلان =لاشك جحد الطيب يانـاس خيبـه بيت يدل على إن كتابة القصيده مجرد إنصاف لـ من يفعلون الطيب وهذا من طيب معدن الشاعر الغسلان بيّض الله وجهه وصح الله لسانه ،،،،،،،،، وأيضاً لا نستغرب إن الي يجملنا في مثل هذا الموقف شاعر حافي بدون قصور في باقي القبيله يجبرني الموقـف علـى رد عرفـان= معه التحايـا و الثنـاء فـاح طيبـه بيّض الله وجهك سعد جملت عتيبه بـ الرد الجزل صح الله لسانك طال عمرك

المشاركة الأصلية كتبت بواسطة الرتوعي (المشاركة 878189) صح لسانه ولسانكـــ ةالغسلان يا سعود وش يعود

المشاركة الأصلية كتبت بواسطة أبو مرحبا (المشاركة 882794) صح لسان الغسلان وبيض الله وجهه على هذه القصيده الجزله وصح لسانك على هذا الرد الجزل وبيض الله وجهك احترامي

المشاركة الأصلية كتبت بواسطة ابو فارس 511 (المشاركة 876143) صح لسانك ياسعود ولسان الغسلان

المشاركة الأصلية كتبت بواسطة فايز العصيمي (المشاركة 877272) صح لسانك ياسعود ولسان الغسلان فوااز راوي وشاعر معررووف وفي مايبدولي انه تميمي تحياتي