يقول من يفهم علامات الأعراب =الشاعر اللي ما يقول الهزيله
شوارد" سطرتها بصفحة كتاب =و أنا أحتزم بالطيبه و أرتكيله
ما همني في ساحة الشعر من خاب=ما دمت من حايل و أمثل قبيله
صخرت من جمن تدفق بالآداب =بالليث زيزوم الجموع الثقيله
مثايلي بالشيخ ميراث الأشناب =نايف ولد سلطان راع الجميله
جزل التهاني للملافخ بلا حساب=مبروك يا نايف كسبت النفيله
ولايحصل الأمجاد يا كود الأشناب=شرواك يا راع الفعول الجزيله
من قلب صادق قلتها يا آبن الباب =تعبير شاعر و أنت رجلن دليله
يالنادر اللي منزلك روس الأهضاب=يا عزوة عتيبه و ذخر القبيله
و معرب" مجناك يا زاك الأنساب =بين الذي يوفون فوق الكحيله
من راس شيخن للتماجيد كساب=شيخن ولد شيخن نفل كل جيله
سلطان راس الطيب و الساس جذاب=شيخن رقا بالطيب راس الطويله
وجدك كعام الضد فكاك الانشاب =عقب الشيوخ أهل السيوف الصقيله
من لابتن يوم الوغى تكسر الناب =عتبان لامست سروج الأصيله
جدانك عتيبه رقوا راس مرقاب=عدوهم بالكون و اعزتيله
و آيضا خوالك لا حصل ضرب الأرقاب =كم فرقوا ما بين خل و خليله
شمر هل الردات يا عز الأقراب=عوق الحرايب مقحمين الدبيله
و يا نايف كحيلان شيال الأتعاب=المدح في شرواك مجد و فضيله
يفداك من بأعراض الأجواد يغتاب=خبث الجناب اللي يدور الفشيله
ما قلتها لي مصلحه من ورا الباب=و لالي وراها يالبناخي حصيله
خالك و تعرفني و لاني بكذاب=ماني من اللي يتخذ به وسيله
حبيت أهنيكم قبل كل الأحباب=و أسلم وسلم عد وبل المخيله

المشاركة الأصلية كتبت بواسطة عبدالرحمن الهيلوم (المشاركة 886662) صح السانك ياشبل الطنايا ويستاهل الطيب من دور عليه دمت بود

المشاركة الأصلية كتبت بواسطة أبونواف (المشاركة 886674) صح لسانك وسلمت يمينك ..

المشاركة الأصلية كتبت بواسطة عبدالله الجـــذع (المشاركة 886895) صح لسانك يالغالي واهداء رآئع من كريم لـ كريم والله يوفق الاخ نايف محبك .,

المشاركة الأصلية كتبت بواسطة عبدالله الاصعر (المشاركة 886906) صح السانك ياشبل الطنايا ويستاهل الطيب من دور عليه دمت بود تحياتي

المشاركة الأصلية كتبت بواسطة بندر المرشدي (المشاركة 887661) ممدوح سماح الزميلي الشمري الله يحييك في منتدى الهيلا واهلا وسهلا بك بيض الله وجهك على القصيدة الجزلة والممدوح يستاهل وانت كذلك فمن لا يشكر الناس لا يشكر الله صح لسااااانك صح لساااااانك

المشاركة الأصلية كتبت بواسطة ابن سرحان الثبيتي (المشاركة 890237) ممدوح سماح الزميلي الشمري شاعر جزل صح لسانك مليار والوفا ماهو بغريب على شمر وبناخيك يستاهل لا عدمناك ولا عدمناه .... نسعد بانضمامك لشعراء وكتاب عتيبة الهيلا .. لا تحرمنا تواصلك دمت بتألق وسمو