البارحه يوم اظلم الليل سجّيـت =مع هاجسٍ كـدّر عليّـه زمانـي
وسحبت لي زلٍ بعيدٍ عن البيـت = وشعمت لي نارٍ سناها صلانـي
لو توذي اللي حولها ما توذّيـت = يومٍ قلبـي فيـه علـمٍ وذانـي
وقربت من صفر الدلال وتقهويت = بكيّف الخاطر لو أنـه عصانـي
وقعدت أجر البيت وآلحّقه بيـت = على اللذي من عام غاب ونساني
بموت منسى زوله ولا تناسيـت = أدري لو اتناساه موتي خذانـي
أمن اوّل يفزّ ويرحّب ليا جيـت = طويتـه بحبّـي وحبّـه طوانـي
و اليا تغيّب جيته ومـا توانيـت = وأن غبت عنّه ما توانا وجانـي
واليا نصاني فالمواقف تعزويـت = لو انحر العربان قاصي ودانـي
واليوم أنا ياكم وياكـم عانيـت = من دمعة افراق المواليف اعاني
آجاذب الونّات لأصبحت وأمسيت = على اللذي بسهوم عينه رمانـي
مغير آردد فالخلا ليـت ياليـت = ويالله أنا داخل عليك ..وعساني

المشاركة الأصلية كتبت بواسطة ابن غزاي الخظري (المشاركة 888097) آجاذب الونّات لأصبحت وأمسيت على اللذي بسهوم عينه رمانـي مغير آردد فالخلا ليـت ياليـت ويالله أنا داخل عليك ..وعساني ابونجر صح السانك

المشاركة الأصلية كتبت بواسطة عبدالرحمن الهيلوم (المشاركة 888098) أبونجر صح السانك وصح بنانك يالغالي

..
صح بدنك ياعبدالرحمن ,

ولاهنت على المرور ..

:)

وقعدت أجر البيت وآلحّقه بيـت = على اللذي من عام غاب ونساني
بموت منسى زوله ولا تناسيـت = أدري لو اتناساه موتي خذانـي
آجاذب الونّات لأصبحت وأمسيت = على اللذي بسهوم عينه رمانـي
مغير آردد فالخلا ليـت ياليـت = ويالله أنا داخل عليك ..وعساني