من قصيدة .--* ابوسلطان*--. ... (كديميس)
 

اخترت لكم هذا الجزء من قصيدة طويله
للشاعرالكبيركديميسالعصيمي

اترككم مع القصيدة:

[poet font="Arial,3,white,normal,normal" bkcolor="transparent" bkimage="" border="outset,4,burlywood" type=0 line=200% align=center use=ex length=0 char="" num="0,black" filter=""]
للفعل ميدان وللقول ميزان = وكلن بمجهود القبيلة يماري
عتبان اليا رد النقا والجفا بان = وبانت من الصاحب علوم وشواري
يرسون للخط الجلل حيث ماكان = سباع تحاتيهم سباع الصحاري
واليا نزل هملول من غر الأمزان = قطعانهم تارد وساع الخباري
بين قحطان وحرب وجموع سبعان =وابن رشيد (الشمري) والمطاري
مر(ن) جمع شمر عطيبين الأكوان = اللي يخلون القبايل وقاري
ومر(ن) جمع علوى على راي دوشان =والجمع الآخر فيه شري ومشاري
ومر(ن) سبيع اللي على الخيل فرسان= خيالهم دون الجنب مايداري
ومر(ن) حروب حجاب والا صنيتان = على الرمك ومقولمات السماري
واللي لهم في ماسطة نجد سلطان =أهل القيادة والقرار الاداري
بني مضيم أخوان واحيان عدوان = وحنا نعاملهم بماكان جاري
وحنا بذاك الوقت ركن من الأركان =ونبرز اليا صار النجوم النهاري
يوم القبايل تدحم عند فيحان = وحنا من اللي ياصلون المحاري
ندحم جنب لاتزعزع ولا لان = اليا ركبنا غاليات المشاري
ومركاضنا يشبع به الذيب سرحان =ونفرق مواليف ونيتم فراري
بوقت عنيف وله مخالب ونيبان = ولو ينطمع فينا كلتنا الضراري
ونفرح اليا جونا عواني وضيفان= وملجا لمن قلت عليه المصاري
[/poet]



اخوكم فرهودي |1|

صح السانك والسان الشاعر الكبير كديميس العصيمي , لاهنت يافرهودي , قصيدة رائعة واختيار رائع...........


تحياتي.....

سلمك الله يافرهودي زين ماخترت شاعر كبير وله مكانته

تسلم أخوي فرهودي على هذة القصيدة التي هي من مفاخر عتيبة

وصح لسان الشاعر الكبير كديميس

أختيار رائع ..


تحياتي ..

ابن مشيب:
لاعدمنا هالطله الغالية.. وصح بدنك

البرقاوي نت:
الله يسلمك، وكديميس شاعر الهيلا

داهية عتيبه:
الله يسلمك ، وعز الله ان كديميس ماقصر.



اخوكم فرهودي،،

الله يعطيك الف عافيه قصيدة رائعه

تحياتي

انعم واكرم بابي صالح , وحفظه الله لعتيبة الهيلا|44|

مشكووووور اخوي فرهودي على هذه القصيده


وتسلم وصح لسانك ولسان الشاعر الكبير كديميس


اختيار رائع


تقبل تحياتي



طويل الذراع

شكرا لك ياشيخ فرهودي ولو كانت عندك قصيدة ابو سلطان للتي مطلعها
سلط على النصاري اللي لقى نبع الزيت *** ليت نبع الزيت عمى عيونه
شرفنا بعرضها

صح السانك والسان الشاعر الكبير كديميس العصيمي , لاهنت يافرهودي , قصيدة رائعة واختيار رائع

ماقصرت

صح لسان


ابـــو ســــلـــــطـــان


ومشكور فرهودي