ياسلام الله على ربع البهيته والحويه = الديار اللي نجيها ياعرب في كل عامي
العتيبي يحسب انه مالك ٍ نجد العذيه = بالعصيمي وابن مورق وابن عاصي والزلامي ؟ !

مرحبا بك يابن وايل مرحبا بالوايليه = و من يجينا باحترامه يب يحصل الاحترامي
والله انا حاكمين الشعر و نحمي كل هيه = و من يبا يدخل بفنن يجهله جاه الملامي

يالنيابه عن رياجيـــــــــــــل الشهامه والحميه=مرحبا ترحيب مثــــــل النور جلاي الظلامي
ما تملكهــــــــــــــا بعد صلحة ولا جاته هديه=غير بسيوفً تشيل الروس وتقص العظامي

البقا بك مير ترحيبك ابد ماشفت زيه = وانت شاعر لك مقامك مار لاتجهل مقامي
حسب عرفي وانطباعي ياعلي بذيك المطيه = ابه ناس ٍ سابقينك بالشداد وبالمسامي

يابن وايل والله انا ما لحقناكم بسيه = مير جيب العلم و العب و اخذ علمي يالغلامي
ماني بمسبوق سابق .. وقتنا و الجاهليه = فعلنا يحسب ولا يجهل و نروي كل ضامي

واضع ٍ لك صورة ٍ تلحقك شرهات وخطيه = ليه ماحطيت لك صوره من كبار الاسامي
بعد هذي ذمتي منّك ومن ربعك بريه = ياعميل ِ ماتفرق بالحلال وبالحرامي

والله انه شاعر(ن) ما تاصله والله ياخيه = يحمي الميقاف دايم عن عتيبه كالمحامي
والله انك ما تهم و روح دح و روح هيا = و اترك القلطه لشعار(ن) يعرفون النظامي

هب ياوجه الزعل دخنّت في كتف الحميه = لين شفت الناس غارت فالذخيره والحزامي
عن لسان الحق معميك الزعل والعنصريه = لو بكيفك ماتبا فالارض لامطيري ويامي

ما نقول الا الحقيقه و هرجنا فالمنطقيه = و انت تهرب من كلام الحق شرق(ن) و انت شامي
كل رجل يعز ربعه و كل قوم و نعم ميه = و القبايل كلها الها فعول والله ما تسامي

المشاركة الأصلية كتبت بواسطة علي خيران العتيبي (المشاركة 890026) مرحبا بك يابن وايل مرحبا بالوايليه = و من يجينا باحترامه يب يحصل الاحترامي والله انا حاكمين الشعر و نحمي كل هيه = و من يبا يدخل بفنن يجهله جاه الملامي

المشاركة الأصلية كتبت بواسطة علي خيران العتيبي (المشاركة 890177) صديقي ذيب عروا الله يسلمك و الصف يزهابك و انا من امس احتري مرورك ههههههههه