لغز ( البنت المنداسه )
 

يا زين

انا عندي رمعه ولا ادري هل هي صحيحه او خطا

انا اتوقع انها





انها





انها







الشماغ او الغتره





ولك تحيات عتيبي عفيف

ما لك لوا يا عتيبي عفيف
الشماغ ما ينداس بالرجل
اقدر لك تفكيرك ومشاركتك وفي انتظار رمعة اخرى ( صائبة قاتلة )

وشرايك في ( الجزمة ) ونت بكرامة.....

مالك لوا يا ابن مشيب
والجزمه لعدوك وانت سالم

انا ابرمع وعلى الله

انا اقول سجادة الصلاه

ابو سليمان في هذي اسمح لي اقول لك ( مالك لوا )
اكني على يقين تام انك ما تخليها سالمه ،،، تبي تكسرها الحين او بعد حين
سلمك الله انت والقراء الأفاضل وتقبلوا تحياتي ،،،

سلام
يازين ابا ارمع برمعتين
والله مدري صح ولا غلط

وحده تقووووول
الشعر ( شعر الراس )




والثانيه تقوووووووول
مكينة الحلاقه

اختر فيهن وحده


اخوك شيباني نت

اخى الفاضل شيباني نت

الرمعتين اللي طلبت مني اختار واحده منهم ،،،
للأسف ولا واحده قدرت اختار منها
الأولى والثانيه تتعارضان مع (( اللمس يخرب لها الاحساس ))
لا مـانـع من الاستعــانــة بصــديق

خوي زين
السلام عليكم
عندي رمعه واضن والله وعلم
انها العدسات في العين

استاذي الفاضل (( المسلسل ))
اولاً اشكر لك المرور والتفكير في الحل وانا واثق ان اللغز سوف يبقى مسلسل في مخيلتك حتى تكسر قيده بالحل الصحيح واود ان اذكرك ان جميع ماقيل فيها صحيح فهي تنداس بالرجل وتوضع على الراس وهذا لا ينطبق مع عدسات العين
تحياتي لشخصك الكريم

عند ي رمعه وعلى الله التوفيق :
وشرايك في :














كرة القدم

لا فض فوك يا ثعلي وبيض الله وجهك
عز الله انك ما اخطيتها يا ابن الاكارم
صحيح هي كرة القدم وللتوضيح للأخوة القراء انها منداسه وتوضع على الراس
واللمس يخرب لها الاحساس ويسبب فاول او بلنتي

وجهك ابيض







ولغزك مليان

اختصاصي ياولد
هههههههههههه