لو ضاقت الدنيا دهر رجـواي فـي ربٍ كريـم=ولو سكرت بيبانها فـي وجـه عبـده يكرمـه
ياالله ياخالق عبـاده رحمتـك وانـت الرحيـم=من جود فضلك ياكريم بحـال عبـدك ترحمـه
لك التجي رب العباد منك الأجابـة يـا عظيـم=صرخات ذنبي موجعه وبكـاي دمـع وتمتمـه
أعوذبك يا خالقـي همـزات شيطـانٍ رجيـم=النفس فيني ضاعفـة واذنوبـي دومٍ مرزمـه
أشياء خطيرة ترتبك وضلوع صدري كالهشيـم=والعبرة اللي تحتـدم بالعيـن ياهـي مؤلمـه
في هالزمن ضاع الوفاكيف الرفيق اصبح خصيم=لوهزعت بغصانهـا جـرد الهقـاوي واهمـه
سريت بجموع الحزن والجرح فيني بالصميـم=الصاحب اللي احسبه ياسعـد منهـو محزمـه
أثر اليالـي كاذبـه واثـر العـوج مايستقيـم=واثر السوالف ذاهبه واثـر القلـوب مسممـه
ماكل برقٍ بالسمـا ينثـر قـراح الغيـم غيـم=هذي المبادي شاحبة ولون الطلاسـم مافهمـه
لا لاتوارى بخنجرك بالليـل والمسـرى عتيـم=تبقى القلوب المعتمه بصـدور اهلهـا معتمـه
دربك وخيلك والمدى بحالـك مفاهيمـك تهيـم=خلك وحيـدٍ تنتظـر ترقـب صباحـك بعتمـه
وجهٍ قراني واكتبـه هـذي الفعايـل ياغشيـم=وقصرٍ بنيته من زمن يوم اكتمل قلـت اهدمـه
مشيت هاالدنيا شموخ والطيب فالـي ياسقيـم=وكان المراجل كايدة لا تزعـم اللـي تزعمـه

محمد سعدون
صح ألسانك قصيده ممتازه
وطرق جميل جداً وموضوع جبااااار

وبدون مجامله


أعد النظر في الشطر الاول .
وهنا الواو في الشطر الاول من وجهت نظري زايده .

هذا لاينقص من شمووووخ القصيده شيء . ولاكن للفائده على الرغم

أني أتوقع أنها أخطاء في الكتابه فقط .

تقبل جل إحترامي وتقديري

تحياااتي