يا سلامي وأنا راعي محل لــو أهلـي=ما لحقنـــي ملامه من جميــع النواحي
طير ياللي ليا رفــــرف جناحك تعـلي=شيل روحك على كفك ورف الجناحي

مرحبا ياهلا من هاجسٍ مسفهلي=في محلٍ مبارك فالمساء والصباحي
ويش عندك من الاخبار ياطيري اللي=جيبها قبل لايطري عليك المراحي

البقا والمهـلي بالعـرب ما يـولي=ان قعد ما وقف واليا وقف ما استراحي
بارك الله في رجــلً يصــــوم ويصلي=دام زرق المعاني مثل زرق الرماحي

المشاركة الأصلية كتبت بواسطة الامير العتيبي (المشاركة 901048) صحت السنتكم وعساكم على القوه متاااااااااابع

سلم ابوه وجدي عامله في محلي=مار يجزاك ربي يالقلوب الصحاحي
دام تعرف حقوق الله حذرا تزلي=كان تبغى حياة العز ولا النجاحي

عامله ماعليــــك قصور لكن قلــي=كم غدى للموده مع فريق المتاحي
البطاقة قديمة والمشاوير ملـي=رحمة الله على مطلق وشخص الرياحي

وش تبا بالمعاند وش تبى بالتغلي=خل درب الوعر وسلك دروبٍ براحي
خازم شعيل لونك تشوفه مفلي=ماجهلت الهبيل ولاتجاهلت صاحي

شاسع الفرق مابين الحلى والتحلي=سبب اشكال والاشكال زاد الجراحي
كل شيً تطور غيـــر وارد مجلي=فوقه شعار من صكات الايام ماحي

لاعب الضومنة فاللعب شفته يجلي=الحجر يصرفه من غير حنكة وباحي
ماحدانا عليها غير حب التسلي=مار ياطير غادر مع طيور الفلاحي