ياذيب عروى حان توجيه السوال = وانته مطيري مار مانته باجنبي
خالك من عتيبه طحاطيح وقروم = واللي عقد روس الحبال يحلها
سميت بأسم الخال ياذيب الليال = واللي قراها قال وش هذا الصبي
كأنه يقول مطير هم قومٍ رخوم = واللي عقد روس الحبال يحلها

لاتترك الواقع وتمشي فالخيال=وانته معرب جد منته بصلبي
خالي وبس ولاتعممها عموم=واللي عقد رس الحبال ايحلها
هذا الاسم لبوي يامال الهبال=سماه تركي عند عروا يالغبي
لا تلحق المطران وتروح امهزوم=واللي عقد رؤؤس الحبال ايحلها

حنا هل الطاله ولا نبغى الجدال = واللي يحاول يحرف العلم يهبي
وقسم العتيبي دايما خير القسوم = واللي عقد روس الحبال يحلها
محدن ذكر لابوك في عروى مجال = دارن نزلت ابها بسيفي وعربي
وانا ماحسب مطير من ظمن الهموم = واللي عقد روس الحبال يحلها

محدن تعرض عزوتك يابن الحلال=انت الذي هاجمتني فبوظبي
اثرك قاصر شوف والعقل امعدوم=واللي عقد رووس الحبال ايحلها
روح انشد ابن حميد حمّال الثقال=ويعلمك فبوي ياخال النبي
ومطير يالمقدام ماهي بأي قوم=واللي عقد رووس الحبال ايحلها

من بعد ماجاكم من الشام اغتيال = جونا ربوعك وانت بالذات تحبي
قلنا تريٌح من طغا يلقا السهوم = واللي عقد روس الحبال يحلها
انشد شيوخ القوم من شأن العيال = هذي فضيحه يالمطيري لو تبي
لكن مهما قلت ابى اسقيك السموم = واللي عقد روس الحبال يحلها

الظاهر انك منّفعل والانفعال=خلاك تدحم ضلع ياقرين الظبي
ماواللة ايهديك غير ابورغال=واللي عقد رووس الحبال ايحلها
لو انشد الشيخان جوني بالعقال=محدن يصدق هرجتك يالاكلبي
تبطي عظم لومعك عتبان وبقوم=واللي عقدرووس الحبال ايحلها

المشاركة الأصلية كتبت بواسطة ماجدالعبدلي (المشاركة 902428) ياسلام ياسلام ياذيب عروا انااشهد نك كفو وازهل الصف ولايهون المقدام

المشاركة الأصلية كتبت بواسطة مشعل الديحاني (المشاركة 902696) صح لسانك ياذيبان والصف صفك يابن العم ولا يهون المقدام واصلوووو

المشاركة الأصلية كتبت بواسطة ناصر العصيمي (المشاركة 902712) الله يعطيكم العافيه وماقصرتوا متابع

بانت بك الخله ولو قالوا تعال = خلك بعد هذي ورى سود العبي
غيٌرت وقفتها بعد رحت مخزوم = واللي عقد روس الحبال يحلها
تضرب لأنك تنقل الهرج المقال = وتارد على العد الهجماج وتشربي
عتيبه أهل العز والذيب محكوم = واللي عقد روس الحبال يحلها

باغير اسمك واباناديك ابنضال=مادام لا هالحين يسبونك سبي
ناضل عسا ماتقضي العمر امحروم=واللي عقد رووس الحبال ايحلها
هذا انت قلته ياقمر مدري هلال=مادام تأكدّها بنفسك ويش أبي
الذيب ياكل من بهمكم كل يوم=واللي عقد رووس الحبال ايحلها

أنشدك ليش اسمك بداء بالحرف دال = من بعدها ياذيب منته يعربي
مدري ربوك الفرس ولا عند روم = واللي عقد روس الحبال يحلها
يابانين بيتك على الجرف الهيال = ياللي مع الجهمه لفيت تكذبي
وانته ترى مانته بذيب انته كـ بوم = واللي عقد روس الحبال يحلها