ياسلامي سلام ٍ مايجيه انتقاد = يرضي اهل الوفا والطيب والمرجله
انت ياصاحبي معجب تقول الوكاد = كل راي ٍ تبي تبديه نستقبله

عد مايجني الزراع يوم الحصاد=ياهلا مرحبا والطيب مانجهله
كل فارس يحصل مقصده والمراد=عقب مايعرف الماجوب ويكمله

البقا فيك وسيوف المعاني حداد = انقض البيت لاقابلك من يفتله
الحكومة ليا خلت شئون البلاد = ينفجر شعبها والوضع مايقبله

المشاركة الأصلية كتبت بواسطة مرزوق حمدان العتيبي (المشاركة 901921) .. . انت ياصاحبي معجب تقول الوكاد كل راي ٍ تبـي تبديـه نستقبلـه ياسلام ياسلام ... صح لسانك يابحر ... وننتظر العملاق ابو سلطان ... ونشوف وش يقول :) ..

ياعميلي تحيزم والعتاد العتاد=فيه حملٍ على قدك تبا تنقله
الحكومه وفيّه بأمر رب العباد=مير ليت المصلي يلحق النافله

مانوينا صباح ومانوينا هجاد = صاحبي وش علامه يحمل القنبله
راعي المزرعة طيب لكن الجراد = مايطول نبات القاع لو ينزله

فالدروب الطويله مايجينا الرقاد=حدد الدرب يارجال ثم ازهله
عندنا له علاج ليا بغيته يباد=لكن احيان ينفعنا بسو عملهِ

رفيع المنزل

ياسلامي سلام ٍ مايجيه انتقاد = يرضي اهل الوفا والطيب والمرجله
انت ياصاحبي معجب تقول الوكاد = كل راي ٍ تبي تبديه نستقبله

معجب العتيبي

عد مايجني الزراع يوم الحصاد=ياهلا مرحبا والطيب مانجهله
كل فارس يحصل مقصده والمراد=عقب مايعرف الماجوب ويكمله

رفيع المنزل

البقا فيك وسيوف المعاني حداد = انقض البيت لاقابلك من يفتله
الحكومة ليا خلت شئون البلاد = ينفجر شعبها والوضع مايقبله

معجب العتيبي

ياعميلي تحيزم والعتاد العتاد=فيه حملٍ على قدك تبا تنقله
الحكومه وفيّه بأمر رب العباد=مير ليت المصلي يلحق النافله

رفيع المنزل

مانوينا صباح ومانوينا هجاد = صاحبي وش علامه يحمل القنبله
راعي المزرعة طيب لكن الجراد = مايطول نبات القاع لو ينزله

معجب العتيبي

فالدروب الطويله مايجينا الرقاد=حدد الدرب يارجال ثم ازهله
عندنا له علاج ليا بغيته يباد=لكن احيان ينفعنا بسو عملهِ

صفحة العلم بيضا واغتشاها السواد = وانته اثريك حرت بعالم الاسئله
انتظر لين تحدث نكبة الاقتصاد = ثم تكثر هروج الناس والبلبله

المشاركة الأصلية كتبت بواسطة رفيع المنزل (المشاركة 902501) المعذرة على التاخير البقا فيك وسيوف المعاني حداد = انقض البيت لاقابلك من يفتله الحكومة ليا خلت شئون البلاد = ينفجر شعبها والوضع مايقبله

الله .. الله


صحت السنتكم



متابع

صاحبك ياعميلي معك في كل واد=مير بعض المنازل مابغى ينزله
ماعلى ابن آدم الا الجد والاجتهاد=وان كتب شي من ربك نبا ناصله

انت مسلم واظنك صافي الاعتقاد = بس من جاك في دعواه لاتهمله
صار فالدايرة تالي قضايا فساد = البري وقره والا التهيم اعزله