ياهاجسي هات القوافي محناه = أنته رهين القاف وأنا رهينه
أنته وأنا بحر القوافي سبحناه = والبحر موجه مايرد السفينه
ياما خذينا منه وياما عطيناه = وياما وياما والروابع سمينه
صطرت قيفانه وغنيت ليلاه = وكملت ماجوبه وكحلت عينه
والشعر وقفات الرياجيل تزهاه = تزهاه وهل المعرفه عارفينه
بنه يزين القاف لا زان معناه = واللي يبا الزانه يبا الله يعينه
ومن لايدسم شاربه فعل يمناه = مفروظ تقطع يالنشاما يمينه
شغل يابو توفيق جيبك وعطناه = للمحفل اللي كلنا منتوينه
ألنا سبوع وكم يوم أنتحراه = وياكثرهم من غيرنا محترينه
أليادعاني طيب الوجه والجاه = ماينفع المعذار بيني وبينه
وروحي على كسب النوامس مظراه = وعظود جنبي فالمواقف متينه
لاصار ياصلنا سعد لادعيناه = حقٍ علينا ناصله ثم نعينه
هذي حقوق المعرفه والمخاواه = عند الرجال اللي تسوق الثمينه
واللاش لوجامل ونادى وجيناه = ماهوب حاسينا ولا محتسينه
مغير طمعانٍ ورانا بمقضاه = وليا خذى المقضاه ثم سد دينه
نسى يومنه الازهم مانسيناه = ياجعل ماله فالمخاليق عينه
واليوم تم الحفل والحمد لله = والله يبارك حفلكم ياجهينه
ياهل المقام اللي على العز مبناه = وهل السيوف المرهفات السنينه
وحنا عتيبه نوصل العلم منهاه = انشد وتلقى فعلانا في الدفينه
ادخيلنا في وجيهنا ماحدٍ جاه = فوق السنه في وجيهنا محتمينه
تمت وزبدة ماذكرنا وقلناه = الله يبارك حفلكم ياجهينه

صح السانك يا طلال على الابداع والجــــــــــــــــــزاله ..

ومن لايدسم شاربـه فعـل يمنـاه=
مفـروظ تقطـع يالنشامـا يمينـه=

هلا وغلا

يابن سرحان صح بدنك وماعليك زووود

وأنت اللي تقول


شــــكراً على مروركـــ الكريمـــ


تحيااااااااتي