يامل قلبن من ديار الحساء مل= وكنه يابو بادي على جال ملا
أليا ضواه الليل قام يتململ= يسهر يلين الصبح عنه يتجلا
لا مشحنه علمن ولا هو مزعل= ولا هو عن أديار الجماعة مجلا
وأسباب مابه يوم قام يتمثل = غرون بنى له فالضماير محلا
راع العيون السود والقرن الأشعل= ومبيسمن في الثمان المجلا
لاوالله ألا تلني بالهوى تل = حبه سطى بالقلب لا والله ألا
أحتل في قلبي مكانه ولا حل = ولا له بهذا الكون ياكود حلا
بس أتذكر صورته وأتخيل = اللي ليامن جيت رحب وهلا
ياحي هاك الصوت والشكل والدل =شكله جميل وكن هرجه محلا
مدري صباح الفل ولا مساء الفل =ولا وش أقول ألك والحال ولا

ابن نخيلان


صح لسانك


على هذه الابيات الرائعه ..