الليل يا شليويح لا تسري الليل = ما فالمساري غير زود الندامه
ماهو خطر من ناقلين المصاقيل = ولا يابن عمي مقابل ضلامه
لاشك وانته من رجالٍ حلاحيل = اللي خذو فالمجد ذروة سنامه
لاكن دوك العلم دقه وتفصيل = اسمع كلام اللي يثبت كلامه
البارحه فالسوق عجلان بالحيل = قضاي لازم رغم كرهي عسامه
شافت عيوني واكتفت بالبهاذيل = ولاني بملحق شوف عيني ملامه
ريجيل لا والله ولاهم رياجيل = جنسٍ جديد النوع وانت بكرامه
عليه وصف من العذارى دواليل = راح الشنب مع درب طش العمامه
لو يستتر في لبس سود المراييل = اخير من بنطال مرخي حزامه
سماعته فالاذن فاليد منديل =وللي يسلم ما يثني سلامه
هذا شباب الجيل !! يا فزعة الجيل = ماعاد نبغى منه غير السلامه
ولا العذارى لابساتٍ بناطيل = والوجه نصه مكتسي باللثامه
يا كثر ما فالسوق منهن مداهيل = ولكل طرقي مر يلقى مرامه
ذلي مدابيرٍ وذلي مقابيل = والرجل ما يلقى ببيته طعامه
جوال مع سواق والهرج بأيميل = ولا ترانا للتخلف علامه
حرية المرأه وعنها ياكم قيل = فأعلامنا اللي صار مدري علامه
افكار خبثٍ تنزرع والمحاصيل = حصد الحيا والدين يعلن هدامه
ما قل دل وبينته التماثيل = والشرع ميّز فالحلال وحرامه

لي هاجسٍ لامن لفته المراسيل = ما دس راسه مثل راس النعامه
لا والله الا مثل برق المخاييل = لاهل هماله غمامه غمامه
يامرحبا ترحيبة الحط والشيل = مضمونها التقدير والابتسامه
بالشاعر اللي كنه الجدي وسهيل = من روس قومٍ ما تجيب الهلامه
الوضع يابن العم يحتاج تحليل = وانته فهيم ولا انت ناقص فهامه
الاوله مالي علاكم مداخيل = انا الرفيق اللي نظامك نظامه
كد شفت لي رجلٍ رموشه مضاليل = ما تفرقه لامن ضحك عن مدامه
واضع على وجهه جميع المحاليل = ومن الدلع يمشي سوات الحمامه
يسهر مع دلامه كمنجا وتطبيل = وابو دلامه مادرى عن دلامه
ياليت ربي يرسل طيور ابابيل = وكلٍ مع الثاني تخالط عضامه
والثانيه يا زياد تحتاج تفصيل = تفصيل خامه عند خياط خامه
رجلٍ يبا ينصح رجالٍ مهابيل = مثل الذي يحرم بليا حرامه
مالله موكلنا على الناس توكيل = في وقتنا اللي ما بقابه شهامه
ما دامنا نمشي عل وحي جبريل = والروس ما جاها الجهل و الرخامه
روح وتسوّق والدعاوي تساهيل = وتشوف زرقا غير زرقاء اليمامه
تجرف بها الموضه كما جرفت السيل = هذا هي اخر مانتجه الدرامه
ويا راس قسمك غير عن قسمة الذيل = يعيش رجلٍ ما ينقص مقامه

ريجيـل لا والله ولاهـم رياجيـل
جنسٍ جديد النوع وانت بكرامـه
عليه وصف من العذارى دواليـل
راح الشنب مع درب طش العمامه

-----------------------



شفت لي رجلٍ رموشه مضاليـل
ما تفرقه لامن ضحك عـن مدامـه
واضع على وجهه جميع المحاليـل
ومن الدلع يمشي سـوات الحمامـه




صح لسانك يازياد وصح لسان شلويح

قصائد رائعه لم امل من قراءتها .

تقبل مروري

فهد النفيعي


صح بدنك يالغالي وحياك الله


بالنسبه للبيت اللي تقول عنه


ينحني راسي وانا عالي الصيت
لو ينحني راسي برجلي وطيتـه

انا احمد الله كل ماصبحت وامسيت
انه خلقني واحدن من عتيبه

اعتقد ان القاف يختلف

البيت الاول له قاف والثاني له قاف

واضن ان هذا ما يخفاك


وانا بحثت عن البيت هذا بعد ملاحظتك وجدت انها

قصيده لشاعر عبد الله بن حمير


ما ينحني راسي الى صار مرفوع
والى انحنى راسي برجلي وطيته
********
قصر الكلام..انهيت انا كل موضوع
ومن لا بغاني صاحب ما بغيته
********
اخطيت انا مير الخطا قيل مرجوع
وللي على الجفوى صمول نسيته
********
ابعادي احسن من اعيش موجوع
وحب(ن) يبي ينهي حياتي نهيته
********
ماعندي امهال ولا وقت لدموووع
قلب(ن) يساوم ع الكرامه عصيته
********
لاوالف لا..عاصي ولا اطيع له طوع
انا كتبت الحب ..وانا محيته
********
قولولي انسان غدى شاذ با النوع
قلبي لونه كرهني رميته
********
والحر ما يحتاج له يحني اضلوع
والجمر لين احرق ايديني كليته


ربما اكون قد اصبت ربما اخطئت في بحثي البسيط


وان شاء الله مافي لا سرقه ولا شي :)


خالص تحياتي

همسه

ريجيـل لا والله ولاهـم رياجيـل

اعتقد ام هنا عسر للبيت فلو قلت (رجال لا والله ولاهم ريجيل ) لكان اسهل

سماعتـه فـالاذن فاليـد منديـل وللي يسلـم مـا يثنـي سلامـه هذا شباب الجيل !! يا فزعة الجيل ماعاد نبغى منه غيـر السلامـه

المشاركة الأصلية كتبت بواسطة ابو فايح (المشاركة 910474) انت شاعر واخبر مني لكن مع النطق تصير (إرجال ) (تزيد حرف (إ) ارجال لا والله ولاهم ريجيل

[/