حنا عتيبة فالجزيرة قبل حكم ابن سعود / حبيب وصياف
 

حبيب العازمي
سلام رده يابني هاجر عريبين الجدود
أهل الشرف وأهل الكرم وأهل الفعول العالية
ان قاموا العتبان للحربي يروح ولايعود
إما لجى لسويسرا وألا لجى ل ايطالية

صياف الحربي
يامرحبا بلي ليا غنا يقود العلم قود
.................................................
امسك لسانك ياعتيبي لاتعديه الحدود
الظاهر إن الدار هاذي من عتيبة خالية

حبيب العازمي
تبارك الرحمن نوً لابروق ولارعود
يمطر على الصحراء وأنا ماشفت واد ن سالية
حنا عتيبة فالجزيرة قبل حكم ابن سعود
المشكلة في حرب كثروا فالليال التالية

صياف الحربي
أنته هذا طبعك ياعبدالله ماتنقص ماتزود
ليا لقيت البير تاردها بغير حبالية
ليا شردتوا ياعتيبة حرب مافيهم شرود
ماشفت منكم فالقبور ألا العظام البالية

حبيب العازمي
ماعندنا حبة خشم ماعندنا مسحة خدود
اللي وقف في دربنا نركي عليه الصالية
حنا مانشرد يالسحيمي كان عودن طق عود
وليا دخلنا فالمجالس نشرب الفنجالية

صياف الحربي
أنا سمعت صياحكم رأس الجبل مثل القرود
وإن رضي مستور العصيمي ضاق ابن هذالية
البند الأول منتهي يبقى عليك أربع بنود
اخذ النصيحة واذكر الله ياخبيث الفالية

حبيب العازمي
وأنا سمعت لرطنكم وسط البحر مثل الهنود
فوق السفينة وارطنتكم كنها الزلزالية
من كبر قرصك فوق حيد النار عيا لايجود
غشيت عمك فالعمل ياريس العمالية

صياف السحيمي
أنته ماتنظر للشرار ألا بعد قدح الزنود
وليا قدحنا رحت تهرج هرجة البنقالية
حنا ليا منا سرينا الليل صحينا الرقود
لكن حط القنصلية وأنت أمير الجالية

حبيب العازمي
الله هو اللي فضل المسلم على كل اليهود
لاتعكس الصورة علية جعل مالك والية
الناس ترمي بالمدافع وأنت ترمي بالفرود
وأنا أحسب إنك تفرق الطيب من البطالية

صياف الحربي
ماشفت لأوراق العتيبي لاصدور ولا ورود
تحت الشراء والبيع والشرهة على الدلالية
أنتم رميتوا بالمدافع دون مركوز النهود
لكنها جابت بنات ولاتجيب عيالية

حبيب العازمي
مانيب راع الحجة اللي لاثبوت ولاشهود
وراك ياصياف تعقلها بغير عقالية
هاذيك تغزي والليالي نصف بيض ونصف سود
وليا تكرر ذكرها جاء فالحروب جفالية

صياف الحربي
ياكثر هبدك يالبعير شعيل بالرجل الهبود
والرجل الأخرى تطلب النجدة من الرجالية
يفداك مضمون الوثايق والمعاهد والعهود
إن كان تبغى ظل تلقى في عفيف ظلالية

حبيب العازمي
ياكثر حسدك للعرب والعود في عين الحسود
المشترى بريال والبيعة بنصف ريالية

الله الله الله

يازينه من قاف

اذا عندك صوتيه او فديو تكفى تنزلها

ومحاورة حبيب وفلاح القرقاح في نفس الحفلة

حقت الهاتف المجاني

كانت عندي شريط وراح مراح مقيط ورشاه

بيض الله وجهك ياقاسي ولا هنت

تحياتي للجميع

ههههههه حبيب ما يحسب وش تالي علومه

حنا عتيبه فالجزيره قبل حكم ابن سعود ....

يعني هذا ما هو مصدر اعتزاز وتاريخ قوي عشان يتفاخر به

لأنه تاريخ قريب جدا ً

........
صح لساااان صياف الحربي والله يرحمه ويرحم اقرانه مطلق و الباقين ولا هنت يا راع الموضوع

حبيب ماقال ألا الصحيح اللي مايحسب علومه أنت وألا أبو فيصل صادق عتيبة فالجزيرة قبل حكم ابن سعود
كيف ماهوب تاريخ قوي وعتيبة حدرت من الحجاز وأخذت نجد من القبايل التي كانت متسلطنة في نجد

الله الله يالمحاورة عملاقة كشعراءها