الهيـــــــــــــلا *** منتدى قبيلة عتيبة

- - تكفون يالهيلا (http://www.otaibah.net/m/showthread.php?t=143157)

تكفون يالهيلا

هذه قصيده للشبل دواس بن حويد العضياني مناداه لقبيلة الهيلا بالوقوف الى جانب شاعرها الذي مثلها خير تمثيل ليلة البارحه في مسابقة المعنى الا وهو الشاعر النجم ممدوح العطياني متمنين ان تبلغ القصيده هدفها المنشود ومتمنين لشاعرنا الفوز الذي هو اهل له ولا ننسى ان نشكر الشاعر دواس العضياني على مثل هذه اللفته المباشره والوقفه الغير مستغربه

بعض الرجال اغلى من الما ل والروح=اللـي يمثـل عـزوتـه فالمـواجـه
مجده سحابـة خيـر وبروقـه تلـوح=وودقه عطرمرموق وارضه زجاجـه
توزع اطيابه علـى الكـون وتفـوح=وتعطـر افكـار الكريـم ومـزاجـه
ومواقف الطيـب مياديـن وصـروح=ترفع بنـي عمـه وتطلـق حجاجـه
ون كانت الدعوى سواليـف ومـزوح=كـلً يبيـع ويشتـري مـن خراجـه
ون صارت الدعوى حمايـا يابونـوح=الله مـن يــومً يخـيـم عجـاجـه
تلقى به الصامل مشـوش ومشفـوح=عينه على طوق الفخـر قبـل تاجـه
ويقعد به الخامـل موخـر ومجـروح=يصلح له الوصفيـن ديـك ودجاجـه
تكفـون يالعتبـان والـدرب مبـروح=والفوزفـي عاداتنـا اهــم حـاجـه
مـادام مثلكـم ولـد مبعـد الشـوح=في شاعـر المعنـى ولجـة حراجـه
وجهه طويل وموقفه طايـل اشبـوح=يجنح عن الهزلـه وطـرق السماجـه
ويطرق بيوتً تودع الصدر مشـروح=حشمـة عروبيـه وفطنـة خـواجـه
تكفون يالهيـلا علـى شـان ممـدوح=شعـره ووقفاتـه وطيـب احتجـاجـه
شبو على التصويت والبـاب مفتـوح=اسبـوع واحـد ثـم يقفـل سيـاجـه
و39انقشـوهـا عـلـى الـلــوح=نقش الذهب ماهـوب تلميـع صاجـه
وانتم هـا الـردات والـدم مسفـوح=كـم دايـخً مسطـور يلقـى علاجـه
ومادام مافي صكـة البـاب مصلـوح=كم شـاويً يجمـع مكاسـب نعاجـه
من فضلكم يصبح يغني علـى الـدوح=صـج الحمـام بفرحتـه وابتهـاجـه
واليـوم مافيهـا مقصـر ومسمـوح=حتى عريس الشعـر يعلـن زواجـه
المال ياتي بعـض الاحيـان ويـروح=والضيـق بعـده فرحـةً وابتهـاجـه

يستاهل ممدوح جمل القبيله وباقي دور القبيله

تحياتي

تكـفـون يالهـيـلا عـلـى شــان مـمـدوح
شـعــره ووقـفـاتـه وطـيــب احـتـجـاجـه

أيبلاه يستاهل ممدوح والهيلا ماهم مقصرين بيدعمونه لنه يستاهل
وبيض الله وجه الشاعر دواس العضياني ووجهك ياحمدان على نقل هذه القصيده إلى المنتدى.

ندفع لمخبى ناصر القحطاني؟؟؟؟؟؟؟؟؟؟؟؟؟؟؟؟؟

ممدوح ابن عمنا وله منا نعزمه وندسم شواربه في حفلاتنا

ولكن ندفع لمخبى ناصر القحطاني علشان يفوز ولد عمنا الله لايشكر فضله

يهبا ناصر وتهبا الساحه وكفاكم استخفافا بعقول البشر

مايصوت في مثل هذه البرامج الا قليل العرف والدين

تكـفـون يالهـيـلا عـلـى شــان مـمـدوح *****شـعــره ووقـفـاتـه وطـيــب احـتـجـاجـه

التصحيح :

تكـفـون يالهـيـلا عـلـى شــان مـمـدوح****شـعــره ووقـفـاتـه وطـيــبة احـجـاجـة

اشكر جميع الاخوان اللي اثرو الموضوع وبالتاكيد ممدوح يستاهل وحنا مانعرف ناصر ولاغيره اهم شي يتقدم شاعرنا مع الرياجيل واللي عنده طريقه اخرى غير التصويت يعلمنا بها

اما اخي فهدالعازمي اقول الله يمسيك بالخير والبيت مايحتاج تعديل بس انك مافهمته كلمة طيب احتجاجه اي قوة ادأه للحجه ياطويل العمر

والله يبيض وجهك ياعبدالله والله الله ماتبي وصاه

اقتباس:

المشاركة الأصلية كتبت بواسطة حمدان العضياني (المشاركة 1333278)

اما اخي فهدالعازمي اقول الله يمسيك بالخير والبيت مايحتاج تعديل بس انك مافهمته كلمة طيب احتجاجه اي قوة ادأه للحجه ياطويل العمر

أنا أتحدى ان تكون الأبيات سليمة إذا كانت ليست لك

أما إذا كانت القصيدة لك فا إنتهى النقاش

صح لسان الشبل دواس بن حويد العضياني
والشكر لك أخوي حمدان على نقل القصيدة الوافية وذات الموضوع الذي يهم أبناء القبيلة..
وحبيت أضيف هذه البيتين التي كتبتها مؤخراً في هذا الموضوع الذي يهمنا جميعاً

بيتين أهديتها إلى الشاعر ممدوح العطياني

ياعتيبة الهيلا مايحتاج تنويه
لكن من زود الحميا ننوه

تأهل ابن العم بانت مواريه
ومايمنع القوة اتزود بقوه