هنا مْطاحنٍ بين الجبرتي والزلامي...؟؟؟
 

جرت هذه المطاحنه في رحاب جامعة الملك سعود عام 1404 هـ بين العمالقة :
محمد بن شرّيف الجبرتي _ غفر الله له _
ورشيد بن زيد الزلامي _حفظه الله _



الجبرتي /




سلام رديّه لهـا شيمـه وقيمـه واحتـرام
رديةٍ من هاجسٍ مثل القمر فـأول شهـر
والليله المعنى مع الشعار يمشـي بالنظـام
اللي يبا النور الخضر واللي يبا النور الحمر


الزلامي /




يامرحبا ترحيبةٍ تكفيك عـن شـرب وطعـام
احيان قطفٍ من ثمر واحيان ضربٍ من صخر
والليله المعنى جمل وانته على وسقـه سنـام
واللي حضر فالملعبـه يعلّـم اللـي ماحضـر


الجبرتي /




حنا بنسري بالجمل بالسَـوق والا بالخطـام
وانا شدادي لازم الضلعين من فوق الظهـر
حنا ليا غبنا لكم فرصه وضحكه وابتسـام
واذا حضرنا خشّ جوف الغار يالذيب الحمر


الزلامي /




يابن شريّف لا ذعرك الملح كفّيت اليدام
عيت يدين القوم لا تعْدلك يالعود العجـر
ماني بخاطب بنتك اللي خشمها ماله زمام
اصحابها زيد وعمر دور لها زيد وعمر


الجبرتي /




لا تحسب انّ العلم يالردّاد عامٍ مثل عـام
الليله النّجار بالمنشار فـي عـود العشـر
حنا ترانا ياعميل الخير ما ناكـل حـرام
نمشي على درب الأثر والعين يقديها النظر


الزلامي /




انته تجاهد فالصلاه ولا تجاهد فالصيام
ولو انّي اكفر فيك قلت أول عتيبيٍ كفر




الجبرتي /




اذا كفرت الله يامنّا لا كلام ولا سـلام
اظهر من الإسلام فالبابور واخرج للبحر



هذه المحاوره هيا من منتديات المرقاب

اعجبتني ونقلتها لكم

بدر نواف: ألف ألف شكر على نقلك الملعبة الرائعة , بين أصحاب الشعر الحقيقي وأهله .



تقبل مروري .





أخوكم/قادح شرار.

مشكور وماقصرت

محـــاورة رائعــه وجميــله الف شكــر لـــك ..












نايــف الدوســي الزهــراني

اشكركم على هذه الرااااائعة من روائع ابو جميل(رشيد الزلامي)

والعملائق ابو الشعراء محمد بن شريف الجبرتي

وهذا تصحيح للمحاوره مع العل ان به بيت غير واضح

الجبرتي/

سلام رديّه لهـا شيمـه وقيمـه واحتـــــــــــــرام

تضفي على منهو حضر مثل القمر فـأول شهـر

والليله المعنى مع الشعار يمشـي بالنظـــــام

اللي يبا النور الخضر واللي يبا النور الحمـــــر


الزلامي /




يامرحبا ترحيبةٍ تغنيك عـن شـرب وطعــــــــــام

احيان قطفٍ من ثمر واحيان قطف مـــــن حجر

الليله المعنى جمل وانته على راس السنـام

وان كان ماعندك خبر فانشد ونعطيك الخــــبر

الجبرتي /

حنا نباها في اللحم قدام لاتصل العظام

والا لايوصلت عظام؟؟؟

حنا ليا غبنا لكم فرصه وضحكه وابتسـام

واذا حضرنا خشّ بطن الغار يالذيب الحمر





الزلامي /



يابن شريّف لا ذعرك الملح لاتكفى اليـــدام

يعتب عليك اللي حضر ويعلم اللي ماحضر

ماني بخاطب بنتك اللي خشمها ماله زمام

دور لها زيد وعمر صدقانكم زيد وعمــــــــــر


الجبرتي /

حنا بنسري بالجمل بالسَـوق والا بالخطـام

وانا شدادي لازم الضلعين من فوق الظهـر

ليتك تداركت الامـــــــــر ماكل رام مثل رام

الليله النّجار بالمنشار فـي عــــود العشـر




الزلامي /




انته تجهد في الصلاه ولا تجهد بالصــــيام

ولو انّي اكفر فيك صرت أول عتيبيٍ كفر

ناجبك ذاك العود جعل العود الاول للرحام

عيت يدين القوم لاتعدلك يالعود العجــــــر


الجبرتي /




اذا كفرت الله يامنّا لا سـلام ولا كـــــــــــــلام

اظهر من الإسلام فالبابور واطفح في البحر

حنا ترانا ياعميل الخير ما ناكـل حـــــــــــــــرام

نمشي على درب الأثر ونشوف بالعين النظر


الزلامي

انا ليا مني كفرت ان كان في خشمك عرام

ذكيت لي عود يروح لياسمع طاري السفر

اثر السنين الغبر ماتخلف طواريق الحمـــام

كلش يزول الا الطبيعه مايغيرها الدهـــــــــر