البارحة ماذاقت النوم عيني فكرت باللي بين ربعي وبيني
 

البارحة ماذاقت النوم عيني
فكرت باللي بين ربـــــــعي وبيني


واحترت واحتار القلم في يديني
الى متى اصبر وارتجي راحة البال


عجزت اميز صاحبي من عدوي
يارب ضاقت حيلتي وش اسوي


وانا على درب الغرابيل توي
اخاف زود الهم يقضي على الحال


على الوفا والصدق هلت دموعي
مجبور اطيع الوقت واعلن خضوعي


ملزوم اطيعه غصب ماهو بطوعي
احلامي السودا رمتني على الجال


ياناس وين اهل الوفا والصداقة
الظلم. لو تدرون .مر مــــــــذاقة


قلبي غدا يا ناس منكم حراقة
مليت فكوني من الــــقيل والقال


يا ناس ما فيني من الهم كافين
قلبي واعرفه ما يبي من يواسيه


اشوف حظي عاثر شوفة العين
والحل بين يديك ياطيب الــــــــفال


يا ناس انا بالحيل صعبه ظروفي
ابي الامــــــــان اللي ينسين خوفي


ودي تبين ما بقلبي حروفي
والمــــــشكلة قالوا لها الف حلال


ابكي على ربع نسوني ورحلوا
والحق معهم من شقاي استراحوا


ما قصروا يا ما اذا اخطيت صاحوا
وانا عــــــــــنيد وكلمة الحق تنقال

منقووووووووووووووووووووووووووووووووووووووووووووووو ووله القصيده
ومدري من الي قايلها بس اعجبتني وقلت خلني انقلها

طيب بخلي احد المراقبين ينقلها ومشكور على المعلومه

ههههههههههههه مشكور على الرد الجميل والمضحك يابن عمي

المرشدي مشكور
تحيتي
محمد الوافـــــــــي