حقك وماجاك ياسعد الفقيه = من رسومٍ ساخرة بأيدي فتات
بلوحةٍ مايفهمه كود النبيه = لبّستك المبدعة لبس البنات
مسخرتك وضحّكت كل الوجيه = في جنابك والوعد بالمقبلات
إيه تستاهل مدام إنك سفيه = ضايعٍ منجوم وأحوالك شتات
مثل خفاّشٍ من القمرى يتيه = في دهاليزه وغيرانه يبات
ياحليف ابليس راياتك بيديه = ضيّعك يابوجهل وسط الفلات
صرت محراثه وساعد معصميه = ياضريرٍ ماجداه إلاّ عصات !
تشب واقطع وانثبر مانته نزيه = إنت بوقٍ للخوارج والعصات
وأبو متعب ياسعد حنّا نبيه = كلّنا لجله فدى حتى الممات
هذا عبدالله زبون اللي يجيه = حقق لشعبه جميع الأمنيات
مثل غيثٍ كل أبونا نرتجيه = يحفظه ربي لنا طول الحيات
وأبوخالد فزعة اللي ينتخيه = من فضل ربي حمى كل الجهات
ونايف الصارم بلدنا محتميه = يعمل بحزمٍ وعزمٍ في ثبات
ذولا آل سعود يالوجه الكريه = شعبهم معهم وللدولة حمات
وانت خلّك في قناتك ياسفيه = بس لاتحلم نسوي مظاهرات

بناخي الايداء



تسلم يابعدي

والله لايهينك



/



دُمت بود

سيف الوغى



تسلم يابعدي

والله لايهينك



/



دُمت بود