محاورة العمالقه الشبح حبيب العازمي وشاعر خنذف محمد السناني
 

حــبيب العازمـــي



يا محمد ترا في خاطري كلمتين
جاتك الاوله والثانيـه واصلـه
علم الحاضرين وعلم الغايبيـن
فيه علمن جديد ومشكله حاصله


محــمد السنانـــي



يا حبيب ياليت تعيدهـا مرتيـن
فيه نقطه مابين الحرف والفاصله
لا تحدث عن المقفين والمقبليـن
العرب عبر الإنترنت متواصلـه


حــبيب العازمـــي



ليه اكرر كلامي وانت قلبك فطيـن
مال لبعض النوايا في كلامي صلـه
كاشفينك على جوال ابـو شاشتيـن
والردي لو يضيق ارضاه قرن ابصله


محــمد السنانـــي


يا ذكي ما تمشيها على السامعيـن
قرصك الي تماريبـه تبـي تاكلـه
زاد قلبك على ماضيك شوق وحنين
مير وين انت لا زادن ولا راحلـه


حــبيب العازمـــي



حيلة الذيب ما تمشي على ابا الحصين
صاحبي خابره فالعيص والعيص لـه
رحمة الله علـى الحييـن والميتيـن
وانت رجلن طليق ورجل بالسلسلـه


محــمد السنانـــي



عاذل الله من الاجرام والمجرمين
صاحبي حط له قنصل ورا قنصله
فرقتن فالشمال وفرقتـن فاليميـن
كل واحد لبس بشته بعـد فصلـه

صح السااااااااااااااااااااااااااااااااااااااااااااااا اااااااااااااااااااان شاعر خنذف

والله يطول ابعمره

تسلم يا اسير الروح

ولاهان ابوفيصل مبدع

محاوره متعددت القوافي

وحبيب غلط غلط شنيع

ابّصله وفاصله

الكلمه الاولي الشده علي حرف الباء ------------- والكلمه الثانيه الشده علي الصاد

مايصييييييييييييييييييييييييييييييييييييييييير واتحدا فيها

وعن التشجنج اللي يعرف رد وللي مايعرف لايرد

أخووي خلف ..طيب وش الغلط فيها إذا كانت الكلمه الأولى الشده على حرف الباء وبعدين الكلمه الثانيه الشده على حرف الصاد ...........

ممكن توضح سبب الخطأ فيها..عشان نستفيد أكثر .......................


وبعدين الظاهر من المحاورة إن حبيب العازمي قال كلمة(ابّصله)..لكن ماقال كلمة (فاصله) اللي قالها السناني


ياليت تفيدنا أخوووي خلف

فاصله نفس حاصله واصله حبيب هو البادي وقال حاصله وواصله نفس حاصله

وابصله وافصله وواصله غير عن القافيه اللي بدا فيها حبيب

وبعدين راح في قافيه ثالثه تاكله وتجهله

المحاوره مشت علي كذا قاف

وهذا مايقلل من حبيب العازمي نار علي علم

لكن هاذي ماتصير

والشده تفرق واجد مثل عمر ماهي نفس عمّر

أخووي خلف بارك الله فيك..ونشكرك على سعة صدرك

لكن حسب معرفتي المتواضعه جدا وبالشيء اللي أشوفه..وأنت سيد العارفين طبعا .......
ألاحظ إن حبيب كان ملتزم بالقافيه: واصله..حاصله..صله..ابصله

وبعدين جاء تغيير القافية من السناني..هذا حسب ما أشوفه طبعا ........

أفيدونا أفادكم الله ولكم منا جزيل الشكر وجعلها في موازين حسناتكم>>قلبت رساله لسلمان العوده ما عاد هي لخلف<<ههههههههه

هههههههههههه

ماهي نفس الشي فيه مده وشده تختلف

والساني كان راد علي حبيب علي نفس القافيه

لكن يوم غير حبيب ابصله غير السناني لان حبيب ما التزم فالقافيه

اوكل سعود العصيمي وابوفايح فالامر هذا ان قالو تصير اسحب كلامي

انا ادري انك من اشد المعجبين فحبيب وانا مثلك لكن هذا اللي صار ههههههههه

ياخلف لاتوكل أحد الله يهديك هههههههه..أنا مقتنع بكلامك مايحتاج

بس أحب أناقشك عشان أخرج بأكثر الفايدة من شخصك الكريم..وأتمنى ماتفهمني إكس


وبعدين وش دراك إني معجب بشاعرية حبيب هههههه..

لكن ممكن قلتها لأنك تدري إن حبيب أسطورة وطبيعي بأن كل واحد يعجب بشيء إسمه شعر محاورة..لازم يعجب بحبيب العازمي..ممكن عشان كذا ههههههه

هههههههههههههههههه

العام قريت لك مشاركه فالمنتدي تقول حبيب لو يكح اقوله صح السانك هههههههه