ياسعود رحت وروح القلب وياك = تحت الثرى وياك ماهوب برا
موحيت منهو صاح بإسمك وناداك = ساعة لفاه العلم للجيب طرا
ياسعود مابه موعدن فيه نلقاك = مالي ولا لك حيلتن ونتدرا
ياسعود منت براحعن واتحراك = حتى أني احسب جيتك واتحرا
ياسعود رحت ولا بقا غير طرياك = ياكن ماشفناه حلمن يورا
ياسعوه عينن مابكت يوم فرقاك = بين المحاجر تستصيب وتضرا
وقلبن على فرقاك ماون ينعاك = تطبق عليه الحدب حتى يصرا
واليوم يامعبود بحماك بحماك = تجاوز الزلات يومه تعرا
نطلبك يارحمن وندعيك بسماك = عن لاهب النيران بضلك يذرا

يا عيد يومك تزعج الصوت بعواك = زوّدت حر القلب ياعيد حرا
جاني على فرقاه يا عيد ما جاك =والقلب من بين المحاديب فرا
ياقلب عقب سعود حذراك حذراك= تامن بغيب الوقت خيرٍ(ن) و شرا
الطيب وياالجود ياسعود ينعاك = حقيقة(ن) ياسعود ماني مورا
ماجور ياعود(ن) على الطيب رباك = يارب تبعد عنه كل المضرا
ياسعود جعل الله يعوضك بدنياك= جنات عدن(ن)يابن عمي مقرا
هذي سوات الوقت و دورات الافلاك = مرٍ هناء ومرار تسقيك مرا