| سعد بن مطلق المقاطي |
23-Dec-2013 06:54 AM |
في منقية الشيخ حمود بن هليل العصيمي
الاوله مانقصر السلام= سلام ياهل الحفل مثنيه
سلام ياهل الموقف العزام=في ليلة ماهيب منسيه
وخلاف هذا هاجسي مانام=يرهي على الحسنه عن السيه
الله ينجينا من الظلام=والنفس ماموره ومنهيه
ياهل المجاهيم الوعد قدام=في فئة الفردي وفى الميه
مروعات تحطم الارقام=مابين هذيه وهاذبه
مع الطليعه من ثمان اعوام=منقية ياوي منقيه
تحققت وان طالت الايام=النخبه المقصود والنيه
الزين راهي مكرمه اكرام=ياهل النظر ماهيب مخفيه
رثم الخشوم والكبر فى الاجسام=اسناد والغارب ماهو شويه
فج النحور ومشيها درهام=طوال الرقاب وسمها الحيه
اسبالها ظافي مافيه كلام=ماهيب بيدين الشريطيه
في ظف شيخا فى العرب مقدام=بن هليل حامي الهيه
حمودمادون المقام مقام=ماهو من اللي يرغب الفيه
صميدعآ ويحقق الاحلام=الفوز مادونه معذريه
يمثل الهيلا ولا يلام=ولاد عاصم نارهم حيه
يوم الفعول فعول ماتنظام =فى المجد مكتوبه ومقريه
قلته وانا متحيزمابحزام=بعزوتن تكو العدا كيه
لاد الكريزي والفعول عظام=اكيد مسموعه ومقريه
واليوم كل يحسن الهندام=تحت الحكم رحمه وماويه
ال السعود ونصرة الاسلام=اهل العدل وحكام شرعيه
في دولة التوحيد والاعلام= ان رفرفة مافوقه شيه
والحمد الله والصلاه اختام=على نبيآ سنته حيه
|
