سلاما ً ورحمة ً من الله وبركاتة على الجميع ,
هذه أجدّ ما إستجدّ قصيدة أتمناها أن تجد قبولكم يرتبط بها حدثها ومناسبتها الخاصة

ياهاجسي مافيك ذله و لا أوجاع=أمهل على الصدر الضلوع المحاني
ماضاق بالي والمعاني به وساع=و إن ضاق ماضاقت وساع المعاني
تقرب من أقصى القلب وتهز الأضلاع=و يروح معها ينبض القلب ثاني
الصدر ضلعه ضلع والسد مناع=والفضل فضل اللي عطاه وعطاني
ماراح راح و فات مافيه مرجاع=النفس ترسي فوق بر الأماني
سمعت راعي كلمة ٍ ضاعت وضاع=ضيعته و ضيعتها في ثواني
فيها و فيه أفكار و أشكال و أنواع=و عجايب ٍ سبع و عجايب ثماني
و قد قلت ماله داعي و لا لها داع=يبا يهين العالم اللي يهاني
ياهاجسي تحكمك عادات وأطباع=و معاني و شعر ٍ القسى واللياني
مالاعت اللوعه ضميري ولاإلتاع=مير الشعر درب ٍ حداه وحداني
له معه باع , و له معي باع ٍ , و باع ٍ=يكتّف ذراعي ويطلق لساني
,,,,في راحة ذراع ,,إخذ راحتك ياذراع=خذ راحتك وأنا لساني حصاني
ياهاجسي فالسوق شاري و بياع=وفي الليلة السوداء سهيل اليماني
مير الله الله حولك أنظار وأسماع=وإحساس ناس,, وغمّ همّ ,,و زماني
وحط بخيالي للسفر موعد إقلاع=رود الفضاء وماكنّ , ماكان ..كاني
لي موقع وقمة ولا آقع على القاع=ياللي مكانك تعرفه من مكاني
شاعر طبع له فالشعر بصمة إبداع: ـ =يالشاعر,, المستشعر.. (اللي تعاني).!
المد فيه المد و الصاع بالصاع=وأمر الله إنّ جاء المبتلي.!! و إبتلاني
لا أسقى ظوامي ,,مثله ,, و لا أشبع جياع= مامن بصرّ و لا بصيره وأذاني
ما أنته بحول الروس تنقز على كراع=وأهل الرفاعه فوق يا أهل الطماني
ماتأصلون سباع ٍ و دونها سباع=واللي يدروني ليا جاء لقاني
والله لو تقدر على حب الأكواع=والله ماتخلف لا أهل الأمجاد شأني
وعلومك الملتمه أنصاف وأرباع=نفس تهان لسانها مايصاني
ولا أنته بلاعاصي ولا أنته بمطواع=طاريك يذكر مثل بيض السماني
تحلم وحلمك سينما خداع فخداع=ولاتهم فلان ولا فلاني
مقلوب قلب ٍ عاش والقلب مرتاع=بجنوبه يداحم جنوب ٍ متاني

وسلامتكم

المشاركة الأصلية كتبت بواسطة عبد الكريم العازمي (المشاركة 1174233) صح اللسآنك يا عبد المجيد وعز الله أبدعت وصح الله لسآنك مليــون

المشاركة الأصلية كتبت بواسطة صارم عتيبه (المشاركة 1174242) صح لسانك يالذيب ولا هنت الجزاله منكم وفيكم تقبل فائق احترامي

صح بدنك

وأكبر فخر لنا نفتخر في إشادتك هذي ومن مثلك و شرواك

وألف شكر على مرورك ياصارم عتيبه

المشاركة الأصلية كتبت بواسطة علي فلاح العضياني (المشاركة 1174263) شـاعـر طـبـع لــه فالشـعـر بصـمـة إبـــداع كفو يابو فاروق شاعر مبدع و لا هو غريب عليك الابداع من بيت شعر ومعرفه تقبل مروري زايد إعجابي الشديد

المشاركة الأصلية كتبت بواسطة محمد الذيابي (المشاركة 1174377) القصيدة رائعه يابن ثعلي شاعر ومن بيت شعر اتمنى التوفيق لك