|
رشيد الزلامي وسفر الدغيلبي في أول مواجهة
السلام عليكم ورحمة الله وبركاته
طابت أوقاتكم بكل خير يسعدني أن أدون لكم هذه المحاورة التي جرت في مدينة الرياض عام 1420 بين الشاعرين رشيد الزلامي وسفر الدغيلبي وهي أول مواجهة بينهم ؛؛ إليكم المحاورة سفر الدغيلبي البداية مرحبا في حفلة ذياب النفاعي يفخر الرجال بالترحيب في حفل ابن عمه الزلامي شاعر_ن_ عاقل وفالماقف شجاعي مير صاحب ناس مجنونة وضوى له مطمة رشيد الزلامي البقاء ياشاعر–ن– للموقف الحساس واعي إن لقاها جابها وإن كان راحت ماتهمه ياسفر في دولة الأسلام مال العنف داعي وأنت تعرف ريحة البارود حين إنك تشمه سفر الدغيلبي والله إني مجتهد فالطيب قدر المستطاعي نبذل المجهود والباقي نقول الله يتمه أنت صادق مير ماش رعية–ن– من دون راعي الولي يدفع زكاة المال والراعي يضمه رشيد الزلامي أنت ماحولك ردى والبيت بيبانه وساعي من عرف معنى الوصاة يصرها في رأس كمه ياسفر حنا بلشنا بالصحاح وبالوجاعي كيف أبا أعرف علة الرجال ماحللت دمه سفر الدغيلبي وأنت رجل افهيم لكن جاء فالإرسال الإذاعي علم مستعجل ولاندري نمدحه وألا نذمه لاتسوي لي سوات فلان يوم فلان ضاعي غرته كثر الورود ويحسب إن البير جمة رشيد الزلامي حللوها يامحللت الأصيل من الصناعي كلمة-ن- يمكن نقلها واحد-ن- مافيه ذمة مادخلنا فالقضية لاهجوم ولادفاعي حيث مبدأها ونشوفها ماهي مهمة سفر الدغيلبي الصحيح إنا بلشنا بالثنية والرباعي مير راع العلم ماصلى الصلاة بغير يمة قبل يابن روق يبكنك وينعن النواعي اترك المضماه والعد الموالي روح يمه رشيد الزلامي البنوك مسكرة حول على البنك الزراعي والخبر تلقاه عند الشيخ أبو لحية وعمة اصطبحتوا من كراتين المشيقح والمراعي ثم فكرتوا بعنتر من ابوه ومن هي أمه سفر الدغيلبي فالبنوك وفالتجارة مانقص مكيال صاعي ما أقدر أقول الزلامي يخطي العلم ويخمه السباع اللي بعال الضلع وتسمى سباعي ماتفكر في طعام أهل اليمن قيرو وشمة رشيد الزلامي البحر يبقى بحر لو تشتغل فيه السواعي مير يوم تشيل رأس غليس من خاله وعمه المشاكل ودعوها الناس في حج الوداعي واحمد الله يوم مات الدأب عنك ومات سمه سفر الدغيلبي خابرين اسمك رشيد الاسم فحروفه رباعي ليش حطيتوا على حروف الاسم شدة وضمة الزلامي متهم بسرق السفينة والشراعي لخبط المري ولاقص الأثر والناس لمة رشيد الزلامي إن وردت العد مضمون-ن- شرابي من ذراعي مير وش رأيك هذاك القبر بترابه ندمه |
آسف فيه خطأ مطبعي في بيت سفر
أنت رجل افهيم لكن جاء فالإرسال الإذاعي علم مستعجل ولا أدري نمدحه وألا نذمه |
الأخطاء المطبعية كثرت ههههههه
فيه خطأ مطبعي في بيت الزلامي فالقضية مادخلنا لاهجوم ولادفاعي حيث مبداها خطأ ونشوفها ماهي مهمة |
يا سلام يالزلامي :
اصطبحتوا من كراتين المشيقح والمراعي ثم فكرتوا بعنتر من ابوه ومن هي أمه |
[font=MS Sans Serif][align=center]
اقتباس:
الصراحه محاوره من بدايتها بداع وفتل ونقض على اصوله والزلامي والله كارثه لكن سفر ماشالله عليه مايضيع له شي ابد هههههههههههه فهد لله درك ع النقل الجزل والمفيد ولاهي غريبه عليك تحياتي وتقديري لك |
| الساعة الآن »02:06 AM. |
Arabization
iraq chooses life
Powered by
vBulletin®
Version 3.8.2
.Copyright ©2000 - 2024, Jelsoft Enterprises Ltd