الهيـــــــــــــلا *** منتدى قبيلة عتيبة

* مرثية ظلم للشاعر سعيد بن عايض بن قميشه ؛

يا ظلم وين اهل البيوت المداويـــــــح * صلبين الاريآ طيبـــــين الضغينــــــــــه

آهل البيوت اللي بها هبت الــريــــــح * و عن الوزا مثل الحــــصون الحصينه

واهل الجهام اللي بشفه مصاليــــــــح * وبنفوسهم عن دجـــــته حافظينـــه

و ان جاهم المعسر يبا منه تمنيـــــــح * و لا عطى تصبـــــح ملي(ن) يدينـه

ما منهم اللي بالعطاء كفه شحيــــــــح * ايمانهم تعطي العـــــطايا الثمـينـه

و هذي صفات اهل الوجيه المفالـيـــح * اهل المبادي و العـــــقول الــرزينه

روس الرجال الغانمين الزحازيــــــــح * يوم الزمن ينشاف شينه و زيـــــــنـه

اقفت بهم ســود الليالي المدابيـــــــــح * وراحت بهم روح الظنين بظـــنـينه

وخلت منازلهم خلي(ن) صحاصيـــــح * بلاقع(ن) فيها الحزن و الغــــبيـــــنه

و من عقبهم من مابي اقوم و اطيــــح * و اقول من مثلي عسى الله يـعينه

و قلبي و معه قلوب دمي(ن) مجاريح * الله يعوضك يالنفوس الحـــزيـــــنه

و يالله يا منشي المزون المراويــــــح * آنزل عليهم رحمتك و السكيـــنـــه

يطلبك عبد(ن) مؤمن(ن) قلبه صحيح * و من عظمتك بالارض يسجد جبينه

_ _
_