موقف طيب بين قبيلتي شمر وعتيبه ورد ثنا من عنزه
 

رافق احد الشعراء من قبيله عنزه بعد العيد المبارك الشيخ مشل بن رمضان العواجي في زيارة لقرية المنصورية الواقعة بين حائل والقصيم


بدعوة من الشيخ مشوح بن رمال أبو فارس راعي قرية المنصورية


الذي دعى العديد من مشايخ وشعراء قبيلتي عنزة وشمر للقاء الاصدقاء الذي يعقد بصفة دورية


وقد احاط الشيخ مشوح بن رمال اهل الحفل الكرام ببالغ الحفاوة والتقدير التي لا تستغرب من ابناء شمر الكرام


وقد تشرف الشاعر بإلقاء قصيدة في هذا المحفل الجميل وجهتها الى قبيلة شمر الكريمة


بعد الحفل تناول الجميع القهوة عند عدد من وجهاء ومشائخ القبيلة منهم الشيخ وبران الكتفا والشيخ بجاد اللويش في حفاوة بالغة وكرم متناهٍ..

وقال الشاعر في هذ الحفل




القاف ساعة لازمـه مـا نعـذره مـا نعـذره = يجي يجي غصب على الهاجس ولا عنده عذر
خص ليـا سندتـه لـدرب غصونـه مثمـره = يقطف من اعلاها ومن جنبينها حلـو الثمـر
وانا بلازم ربعي الويلان جهـدي مـا اذخـره = والله يجملني مع الميقـاف وابقـا لـه ذخـر
يامرحبـا ترحيبـة باحلـى العطـور معطـرة = ترحيبة من طيبكـم تكبـر ولا تبغـى عطـر
تسليمـة ياشمـر الامجـاد واهـل المفخـرة = فخر ماهو مثله فـلا يستاهـل يسمـى فخـر
شمر هل الطيب وهل السيف المحنى لا شـره = شمر ذخر شمر فخر شمر سطر شمـر ظفـر
شمر سنام المجد عين الطيب عـود المبخـرة = شمر كرامة ترخـص الارواح وتبيـع العمـر
شمر وياقف كاتب التاريخ وتضيـق اسطـره = شمر كتاب يحوي الامجاد حتى اصغـر سطـر
اهل اللحيسة دافنين الجـوع وسـط المقبـرة = ياسعد ضيف الشمري .. ولاهي مهونة بالبشر
الذيب يحسب مثل قدر الضيف ماهي مسخـرة = لا والله الا ذاق مـن خيراتهـم طيـب وقـدر
مااحدٍ على مر الدهر ذيـب الغـداري قـدره = لكن على شمر عسير الطيب مايحسب عسـر
وان كانها بالرمح والا السيف ؟ ياسيف اشهره = فعل على وضح النقا لابـه نفـاق ولا غـدر
انتم حمول الخيل واهل الجيش فعـل ومقـدره = دام الطنا في روسكم من ينطح السيل ان حـدر
هذي فعول مثل عين الشمـس تبقـى مبهـرة = سيرة بأحسن عطر للتاريخ بل فـوق العطـر
واليـوم ياربـي لـك الحمـد ليلـه مسفـرة = لعيون شمر يقرب المشوار ويهـون السفـر





بعد الحفل طلب الشيخ مشل من المشايخ الكرام مرافقته لزيارة أحد أبناء قبيلة عتيبة الكريمة في وجاهة لحل قضية اطلاق نار


من احد افراد قبيلة عنزة وكانت نتيجتها اصابة الاخ عايد العتيبي بإصابة تجاوزها ــ ولله الحمد والمنة على سلامته ــ


وكان الغرض تقديم اعتذار للاخ عايد واسرته الكريمة وجماعته عن الاصابة والخطأ الذي حدث


فما كان من مشائخ شمر الكرام الا ان استجابوا وبدون تردد لهذا الامر
الشيخ مديسيس التمياط والشيخ وبران الكتفا والشيخ مشوح بن رمال والشيخ بجاد اللويش بيض الله وجوههم


وقالوا جميعا : ( نمشي مع عنزة وقدامنا عتيبة ..كرام ويطلبون كرام )


ورغم المسافة ومشقة السفر الا ان الجميع تواجدوا في الموعد المحدد واتجهوا سوية من بريدة الى الرس ثم دخنة ثم مركز ابو جلال
حيث كان في استقبالهم الرجل الفاضل رئيس المركز الشيخ بدر بن محماس الشغار


الذي كان له فضل كبير في تقريب وجهات النظر والشفاعة لدى الاخ عايد العتيبي وشقيقه الكبير مسفر وفقهم الله


بل واحاط الضيوف هو وجماعته بكرم منقطع النظير وترحيب جعلنا نتيقن ان الدنيا بخير ما دام فيها مثل هؤلاء القوم الذين قدروا وجاهة الحضور وقدموا تنازلهم عن حقهم الخاص لوجه الله
في تكرم لا يستغرب ابدا من قبيلة عتيبة الكريمة التي يضرب فيها المثل في جميع مكارم الاخلاق


وهذا هو دأب الطيبين والكرماء


ابتغاء وجه الله وتقديرا لطلب الشيخ مشل العواجي وفقه الله هذا الرجل الذي يهمه شأن قبيلته بلا استثناء فهو يحمل هم القبيلة ككل ..


بعد انتهاء الموضوع استأذن الشاعر الجميع في إلقاء قصيدة متواضعة امام سمو قامة قبيلة عتيبة الكريمة





سلام الله عليكم يا وجيه الخيـر يـا حضـار =تحية من عبيـر الـورد والنـوار وزهـوره
تحيـة ود واجـلال وتحيـة طيبـه ومقـدار = عليكم يا كريمين الشـوارب تاخـذ الـدورة
تحية من خجل تنصى عتيبة والعـذار صغـار = نقدمها من قلوب علـى الترحـاب مفطـورة
تحية تنحني لاصغر عتيبي والصغـار كبـار = تقبل راسه وتستاذنـه ثـم تستمـع شـوره
انا اشهد يـا عتيبـة والشهـادة لله القهـار = غديتوا بين سكان الجزيـرة شبـه أسطـوره
شغاميم لكم بالطيـب ميـراد ولكـم مصـدار = حرار من حرار من مواكـر نـادر صقـوره
عتيبة وان نطقته ياقف التاريخ لهـم اكبـار = جبال من مراجل والكرم هـم غبـة بحـوره
عتيبه سيف بنحـور المعـادي قاطـع بتـار = عتيبه طنخة تاطا الصعاب بنفـس مسـرورة
اهل طيب وكرم لاشح ظرف ولو زمنهم جـار = صيانيهم يعيش بها الضعيف بحال ميسـوره
واهل نخوة واهل فزعة ليا ركبوا بنات مهـار = عوايدهم يفكـون التوالـي ساعـة الثـورة
يزبنون الدخيل ويردعون خصومهـم بالنـار = بيوم ينتحـر خيـره ولا تستـادب شـروره
لفيناكـم وحنـا ياكـرام نقـلـط الاعــذار = باسم شيخ القبيلة ودنـا الغلطـات معـذورة
حضرنـا والطنايـا فـي معيتنـا لفـوا زوار = نخيناهـم وقالـوا لاجلـكـم زورة ورا زورة
لفوا من حايل ورفحـا ولا يثنيهـم المشـوار = مادام عتيبه الهيـلا يشعشـع بالوفـا نـوره
على مسفر نسوق الجاه والطلبات والاعـذار = وعوايد زلـة الاجـواد بالاجـواد مستـورة
لو ان العقل وافي كان بعض اللي حدث ماصار = لكن لاغاب تفكيـر البنـادم يفقـد شعـوره
وانا احمد ربي الله يوم عـم بلطفـه الستـار = سلم شبل النشامى جعل ربي يشفي ضـروره
وحنا يـا عتيبـه كلبونـا محمليـن اعـذار = عن الويلان والزلة عساهـا اليـوم مغفـورة





وسلامة الجميع

منقول

* اعاد صياغته المشرف

تسلم اخوي ولاهانوا القبايل