| مرزوق الصواط |
23-Jul-2011 06:21 AM |
علامك ياجملنا ماتداني لمسـت اللمـاس ,,
السلام عليكم
محاوره مطلوبه ,,, الله يعافي الحيّ ويرحم الميت
جارالله السواط
سلام الله على الاشراف واللي حاضر من الناس=نبـا صفيـن والا عذرونـا يـاهـل الحـلـه
عزمتونا وجيناكم علـى سبـل الوفـا لابـاس=ولا ياهل البجيدي لايجي فـي جدركـم خلـه
عبدالله المسعودي
هلا يامرحبا ترحيب وافي من صليب الراس=يسير اللعب والا مايسير الهيل فـي الدلـه
زمانك يالسواط يجي بلك مكسب بغير اقياس=ليا كان الدوى ماجـود مايبقـى ولا علـه
جارالله السواط
يدوم الك البقا ماينعمر بيت بليـا اسـاس=نبا العمله ذهب ماهي سوات القرش والهله
علامك ياجملنا ماتداني لمسـت اللمـاس=ليامني لمستك تصـدم الجـدران والفلـه
عبدالله المسعودي
يقولون ان هارون الرشيد وصاحبه نواس=يجيبون العذر للمستحين اقبح من الزلـه
عسا يغسلك همال المطر يامسجد العباس=مية مجنون يطلع منّه واميتيـن تدخلـه
جارالله السواط
سلوك الكهربا لا تنجرح ويثور فيك المـاس=عذر هارون وافي ياعسا الاصحاب تفطنلـه
جوابي في القبيله واجبي يالشاعر الحسـاس=ولن جات الخصم في ماقفي والحق ابا افصله
عبدالله المسعودي
انا بينت علمي وانت واعي مادخلك انعاس=اذاني راسك اوسع من محاقين السمن كله
لاكن بنت المطوع بعد لبسها عقود الماس=يجوزها علـى الكفـار لاديـنٍ ولا ملـه
جارالله السواط
انا اعرف نيت الصادق وانا اعرف نيت الهلاس=تقدى بالامام وصل فرضك يـا اجنبـي صلـه
و بنت مطوع البلـده ملبسهـا ب اعـز لبـاس=على وضح النقى بسـم الله الرحمـن بسـم الله
عبدالله المسعودي
دروب العابرين تروح مثل البن في المحمـاس=ولابوزيد الهلالي عين ماترمـش مـن الذلـه
يامنجم من ذهب مغبون لو يصبح ذهبك انحاس=كما راعي الجفير اللي خلي بطنه مـن السلـه
جارالله السواط
كشفنا سركم ياكاتبين الحبر فـي القرطـاس=وبن شداد عنتر في المعـارك سيفـه يسلـه
يقولون العرب ما اخبلك يا حيي طبخت الفاس=يبا يشرب مرق مير المرق ماهـو بحاصلـه
عبدالله المسعودي
يقولون العرب يا مكسي الذياب ثوب اللاس=تحمل للمصايب من جميع الارض تنسلـه
يقولون السواط مصلي مايعرف الوسـواس=وانا اقـول الله انـه يكرمـه والا يسهلـه
جارالله السواط
بعد طاحت سنونك يالهذيلي طاحت الاضراس=وعينك ماتشوف الدرب مدري كيـف نعملـه
انا اصلي صلاة الله والا ابشك بشكات الانجاس=ومن ينزل في خطوطي في خطوطه لازم انزله
عبدالله المسعودي
ولاياسوق ياللي فيك من كل الديار اجنـاس=تعـب دلالهـا وبضاعتـه خـرده ومبتلـه
ترى في البحر افاعي تاكل الغرقان والغطاس=ومن يسحب على بطنه ومن يمشـي تعنقلـه
جارالله السواط
ذلولك تشبع الحجاج حالت دونك الامـراس=وبعض الناس يمشي في الطريق ويفجعه ضله
احبال مشلله واحبال حايـل دونهـن اليـاس=دفنا لك دفينه في البحـر زل الخطـر زلـه
عبدالله المسعودي
بغيت اتدسها لاكن بانت مالها مدسـاس=وابوطير الغراب ان مات يحفرله ويدفنله
|
