عسى الله يمد بعمر من كرم المحتاج=وحما دولة الدين الحقيقي وعمرها
ندي الكفوف الحاكم اللي كما هداج=طليق الحجاج ابو اليتاما وناصرها
ملكنا ملكنا فوق روس العرب كالتاج=في شخصه نوادر غال الابيات اسطرها
سلامي على اللي كنه البحر لامن ماج=كريم اليمين اللي عدا الدار قاهرها
بعد مارجع من رحلتن كان فيها علاج=قال الناس هاذي لازم اشرح خواطرها
وفك السجين اللي ما امل بيوم افراج=وقال ابتهج في عيشتك حر وشعرها
طلع من مكانن دونه القفل والاسياج=عقب سدد ديونه والاقراب بشرها
ودعم هيئة الاسكان والبنك مد افواج=وعفا عن بشر متوفيه في مقابرها
وتكفل بضم الدارسين وبنا الابراج=ودعم انديتنا الادبيه وطورها
ورفع حد شون الاسره وزود الانتاج=وعطا راتيبن وقيمة القرض كثرها
وصرف بالملايين لكتاب الله البلاج=لحفظه ومن يقرا الايات وتدبرها
وخيره شمل كل الوطن واكثر الافجاج=ومافات نبذه من قرارات صدرها
امر بنها تنفذ وبسرع من الميراج=وزكن عليها قال لحدن يوخرها
وفضايل ملكنا شافها المعتمر والحاج=تسر الذي مكها وصلها وزاورها
ماخلا علينا قاصر وخيره الثجاج=لونه مطر كان ارض ربي ابيغمرها
عليه القلوب من الغلا صار فيها اخلاج=ومن كثر ماحنا نحبه بيبترها
هذا العاهل اللي ماعلا الارض مثله داج=تحير الشوارد فيه يوم اتخيرها
وحنا جنوده لاوقف فالسما عجاج=لياثارت الهيجا وشبت سعايرها
مانذخر عنه مثقال ذره ولاننعاج=نسد الثغور وسود الايام نسهرها
حكم بالشريعه والشريعه له المنهاج=وهاذي نعمتن جعل الولي مايغيرها

صح لساااااااااااااانك مليووون يا مقبول

ولاهنت يالشاعر

قصيدة جزلة

المشاركة الأصلية كتبت بواسطة ابو غزاي الحارثي (المشاركة 1180267) °ˆ~*¤®§(*§*)§®¤*~ˆ°بارك الله بك , شكراً أخي الكريم°ˆ~*¤®§(*§*)§®¤*~ˆ°

المشاركة الأصلية كتبت بواسطة سعود بن سعد الحافي (المشاركة 1180371) صح لساااااااااااااانك مليووون يا مقبول ولاهنت يالشاعر قصيدة جزلة

المشاركة الأصلية كتبت بواسطة محمد الذيابي (المشاركة 1180776) صح لسانك يامقبول الشيباني ابداع غير محدود