قصيده نسبة للشاعر/ سعد بن جدلان وهي ليست من قصائده
 

فقر قلي ويش تبي من ورانا

زود على فقر الدراهم فقر دم

ما حاشت ايدانا غدابه عطانا

تبذل ولا نحسب ايدينا عطت كم

ولا به رصيد عندنا من بدانا

الا الفعول الطيبه وخشية الذم

ولو ان تسلف للغداء مع عشانا

نصبر ولو أحوالنا كلها هم

والضيف ليا منه لفانا وجانا

نفرح ويبشر بالكرامه ويكرم

بالدين والا بالسلف من حدانا

ويروح مبسوطن وبالذكر نغنم

في عيالنا نزرع عوايد ابانا

نبقا ونحيا ما بقينا ونسلم

يا فقر لو يظلم علينا سمانا

رجالنا بالجود والطيب يهتم

البخل ينبذ ما يجي في نحانا

والجود نسعى له وبالخير يقدم

يا فقر لو با الجور همك وطانا

وهاماتنا ما تنثني لك نكرم

نشوم عن فعل الردا والهوانا

ونروم لفعول تنومس بني عم

وليا منحنا الوقت منه خذانا

الطيب والشيمه ومع الحزم نحلم

يا فقر بالله لا تزود عنانا

أرحل لعل من الغنا الحال ينعم

مدامنا بالعمرو نمشي أخطانا

وليا رحلنا عندك الأرض به عم

ومن هو قائل القصيده لو سمحة

الاكلبي شفتله محاورة قبل اسبوع مع رشيد والهاجري عند القحاطين

وماقول الا ياربي لاتبلانا

اذا كان الشاعر لا يهمه صورته العامه على الاقل امام الجمهور لانه للاسف اصبح في زمننا هذا قدوة

فما نقول الا ليت الشعر استراح منه

القصيده للشاعر طلال المسيمير


المصدر جريدة الرياض

سعد بن جدلان مدرسه في الشعر لكن نقول الله يرده للصواب

بعض الشعراء يكتب قصيدته ويذيلها باسم بن جدلان او باسم شاعر مشهور ويرسلها في الواتسب اب والقروبات واذا انتشرت بين الناس قال هذي قصيدتي؟؟؟


وللأسف كثير من الناس ما يتأكد يرسل على طول ويصدق على طول وكون بعض القصائد تكون ممتازة فهذا شي ربما لا يلام عليه البعض ولكن في كثير من الاحيان تجد قصيدة متهالكة وتنسب لشاعر معروف وكذلك مقالات متهالكة وتنسب لكتاب كبار

تحياتي