ياراكب اللي ركبها يقضي النوب = لكزس يسر البال شوفت نحرها
الفين وتسعه لونها يشبه الروب = والزرع توه مانمحى من كفرها
انص الرياض ولا معك غير مكتوب = سلمه لا صحابي وعطني خبرها
دار الرفيق ابصوب وديارنا صوب = وذكراه يذكر ربي اللي ذكرها
ياصاحبي ماكل ممنوع مرغوب = كم عيون عنه لدت نظرها
ماينمدح رجال من قبل تجروب = وماهمنا ناسِ تزين صورها
وماغرنا اللي يمدح النفس بسلوب = نفسه على ذم الاوادم نذرها
جليد فوق الضلع له وقت ويذوب = اعمال تنسى بس يبقى اثرها
ومن هاب ربه صار بالناس مهيوب = حتى ولو رجليه عنهم قصرها
ويالله عونك كلما جيت اباتوب = النفس اتلتلها لشيِ عسرها

ومن هاب ربه صار بالناس مهيوب=حتى ولو رجليـه عنهـم قصرهـا

المشاركة الأصلية كتبت بواسطة سعد السميري (المشاركة 938891) ومن هاب ربه صار بالناس مهيوب=حتى ولو رجليـه عنهـم قصرهـا الله .. الله صح لسأًنـك .. وعلآ شـانك .. وأشهد إن الممدوح سيـأرة .. :) تحيتي

المشاركة الأصلية كتبت بواسطة ابن سرحان الثبيتي (المشاركة 938977) انص الرياض ولا معك غير مكتوب سلمه لا صحابي وعطني خبرهـا دار الرفيق ابصوب وديارنا صوب وذكراه يذكر ربـي اللـي ذكرهـا صح لسانك وفكرك ....

المشاركة الأصلية كتبت بواسطة ابومسلط الحليفي (المشاركة 939004) يعطيك العافية على القصيدة الرائعه