ياقلم كل بيت فالقصيده نقوله=سجله وانتبه تخطي ويصبح خطايه
راعي الشعر تعرف ما يبا الا كموله=ونّجح ماحسب والله حساب الدعايه
وانت ياللي تقول ومقصدك ماتطوله=بالله انّك تعاين صورتك فالمرايه
شوف وجهك وشف تاخذ وسام الرجوله=بين وجهك ومن بينه حواجز حمايه
الوفا مايجي حولك ولانته بحوله=لو يناديك من ردوتك مانته بجايه
والله انّك ماتحلم به مع اهل البطوله=لوتصيح وتقول انا بعيد(ن)مدايه
العرب تعرف الطّيب وتعرف فعوله=ليش تبحث خفا العالم وتبحث خفايه
صاب عينك عن دروب المشاكيل حوله=وقمت تمشي على حيد وعن الدرب تايه
كلمة اونعم والله ماتجي بالسهوله=غير للي رفع للطيب والعز رايه
قلته او وصل قبلي في كلامه يقوله=واتّفق فيك يالمسكين رايي ورايه
مير حنانقول وقولنا اللي نقوله=نحتميه ولنا فالطيب مقصد وغايه
وربعك اللي لهم فالطيب صوله وجوله=من وفاهم معي واصلت معهم وفايه
وانت خلّ الرداء عليك يضفي سدوله=ماسعيت ال/ رضاك ولا تدوّر رضايه

المشاركة الأصلية كتبت بواسطة عبدالله الاصعر (المشاركة 939532) هايـــــــــــــــل خيال الصفراء صحت اللسنتكم

صح ألساااااانك ياعبدالله



كلاااااااام




تحياااتي