قال الذي ينقى القوافي عن العيب =يوم استفز القاف هرجٍ صدفنــــا
يا صاحبي وان عوّدت للمواجيب =يتبع خلفنا بالمكارم سلفنـــــــــــا
عتبان والعتبان طيبٍ على طيب =بالطيب والمعروف كلٍ عرفنـــــــا
حنا هل الفزعات عز المطاليــب =ويا سِعد منهو في صفوفه وقفــنا
وحنا ترى للجود ربع ومعازيب =وفوق الشرف والعز يبقى شرفنـا
وحنا الوفا من دون شكٍ ولا ريب=ما هو كلام يقال جرّب.. وشفنـــا
ولا نتقي لا صيّحن الرعابيــــب =وكم راس قومٍ راح يومه هدفنـــا
حنا لنا بالطيب روس المراقيب=والشعر لو ياصف عجز ما وصفنا
عشنا وشفنا والليالي تجاريــــب=لو نختلف بالرأي لا ما اخـتلفنــــا
مير البلا ناسٍ تسوق الاكاذيــب =ضعوف قومٍ ما تعــيش بطرفنــــا