قولوا لها ياناس أمانه كان فيكم ياصفون = وصف الحكيم اللي يسولف واقعـه من تجربه
قولو لها من حرّ قلبي حين فارقها بهون = ويلاه ياجــرح الليالــي مـن فـراقـه مصعبه
أغليه ويش أغليه عقلي منه جاهز للجنون = من لاعتـه نــار الفـــراق أصبح بعيره يشعبه
من عقب ماكنا سوا والليل نقضيه بشجـون = نقضي ليالي عشقنا لو القمر هي تشبهه
كانت تقول أني اخاف بيوم في بعدي تخون = واقول من حاول يخون الحـب ربــك ينكـبـه
وكانت تقول اني احبك حب مهما مايكـون = وكانت حياتي قربها واهديتها عمري هبـه
واليوم راحت مقفيه وانا محاصر بالظنون = والحزن ثوبي لابسه والدمع اهله واسكبه
احيان اقول أحبيبي والله على روحي يمون = واحيان اقول أن الظليمه يـاحبيبــي متعـبــه
واحيان اضيع بذكرياتن مع حبيبي ماتهون = فيها الكرامــه والغـرام ووردتين ومكتبــه
أيــام عشنـاهـا ســوا وايـام كنـا هـايـمـون = وايام تبعدها الظروف وبعدها وش مكسبه
طال القصيد وطالت الغيبه وحنا صابرون = واشتد صيف البعد في وجهي وحــره يلهبه
آما تجي ولا عساها سفرت اللي مايجون = راحو وحطو فالمقابر وكل قبـــراً بنصبــه

المشاركة الأصلية كتبت بواسطة شاعر شعبي (المشاركة 941993) صح السااانك ولا هنت تقبل تحيات اخوك شاعر شعبي

المشاركة الأصلية كتبت بواسطة فيصل المسند (المشاركة 941995) صح لسانك لا هنت

المشاركة الأصلية كتبت بواسطة جزاء العتيبي (المشاركة 942142) صح السااانك ولا هنت تقبل تحيات اخوك جزاء العتيبي

المشاركة الأصلية كتبت بواسطة عمر الدغيلبي (المشاركة 942816) يجيب الله خير يا ابو نشمي صح لسانك يا مبدع وبيض الله وجهك بنتظار جديدك بشوق احترامي