عزيلكم ياالي تقولون باسكال=زينه وأنا باأقول ماهيب زينه
الزين بااللي تلبس خمار وشيال=باالبر ولا راعيات المدينة
وبعقلها والدين يضربها أمثال=ولو مابها التيار دايم رزينه
في بيتها ماتطلع أتقض الاشغال=الا لمصدر علمها بالسكينه
تقصر نظرها ماتبرق باالازوال=متحصنه باالدين دره ثمينه
وزود(ن) على هاذا بعد بنت رجال=امطلعن ذكره فعايل يمينه
فيه الكرم والطيب مع وسعت البال=وفيه التقى ماضيع أركان دينه
وذخر الرجال اللي قديمين الافعال=كسابت الناموس متوارثينه
قلته وأنا مالي وراء الناس مثقال=لاشك أبين لي خواطر دفينه
خواطرن للي يحبون الاشكال=وكلن على كيفه يقود السفينه
ومهما يكون الخير باقي ولا زال=دام السلوم ودينا حافظينه
والله يعز ملوكنا ذخر الابطال=ويحفظ بلدنا من خباث الضغينه
وصلو على المختار ماهل همال=رسولنا اللي جعلنا تابعينه