حنا لأبو متعـب حصـونٍ منيعـات=وحنا حزامه لاعتزاء كـل مقبـاس
ياسيـدي ياذخـر زبـن الونيـات=ياذخر عـودٍ كاسـبٍ كـل نومـاس
عسـاه للرحمـه مـن الله وجنـات=في جاه ربٍ منزل الطـور والنـاس
آمـر وسـم وماطلبتـه سـهـالات=حنا رهن يمنـاك لا دِقْ الأجـراس
كل القبايل معك مـن غيـر شكـات=يردون حوض الموت ياذيب الأمراس
حدودنـا ماياصلـه راعـي القـات=يدّحر ويرجع ماكسب غير الأفـلاس
الحوثـي الخايـن قليـل المـروات=حنا عمى عينـه وللضـد مدبـاس
مني تحيـه عـد ماغـار غـارات=لجيش السعود اللي للأمجاد نبـراس
دروع الوطن مثل الجبال المنيفـات=حمايـة التالـي والأريـاق يبّـاس
وختامهـا يـارب جـزل العطيـات=تحفظ وطنا من هل الغدر الأنجـاس

منا تحيـه عـد ماغـار غـارات=لجيش السعود اللي للأمجاد نبـراس

المشاركة الأصلية كتبت بواسطة هايل العتيبـــي (المشاركة 944339) ياسلاااااام عليك ياجهز .. كفووو يالقرم .. وعتيبه والقبايل الاصيله لن تتخاذل في يوم المنادى .. صح لسانك ..واسجل اعجابي بما قدمت .. ..

المشاركة الأصلية كتبت بواسطة ابومشعل العازمي (المشاركة 944344) لا هنت يا جهز وصح لسانكـ والله يعطيك العاااافية ودوم التوفيق