هات الدواة وقرب الكيف يازيد
طاب السهر مع زين رمش العيوني
جاني طرب مع شوفته كيف ماريد
خل ٍ جميل ٍ وصاقره من مكيني
قامت تبسم وتظهر الي بها اريد
ذيك الثنايا سالبات الذهيني
تبينت بي ثم قالت عسى عيد
يوم اللقاء بك يالخليل الأميني
جيتك يغرد لك الطير والصيد
ياعزوتي يامنوتي ياعيوني
من عام الاول خبرنا ذاك ما زيد
انته اخذت القلب وابطا يجيني
ان كان بك صبرٍ فنا عنك ما حيد
راعي الطويل النايف المستكيني
واويل نفسي علها عاد ما تعيد
الي تذكرني حديث الشجوني
ان كان بك شوقٍ فنا جيت ياعيد
ابي تطفي بي عذاب السنيني
من عام الاول جرحي اليوم بيعيد
ذكرى قديمة ما طوتها السنيني
ماضنتي تناسى لقاء سيد الغيد!
اقولها واشكي شجونٍ تجيني
من عقب شوفتك اشتكي البعد وازيد!
ابي الحقيقة ياترى انته تبيني؟
قلت العفو ست البنات العناقيد
أنتي مكانك عاليٍ ما يهوني
هات الدواة وقرب الكيف يازيد
طاب السهر مع نور قلبي وعيني
د.المسعودي
أدنبرة 2004