من منطلق مبدى التعارف والمعارف والجهود = أنا هنا في موعدي أحضر إذا جاء موعدي
على صروح المعرفه والعلم وقفاتي شهود = ماغيب ومشارك هل الابداع غاية مقصدي
العلم فاسٍ حطم أفروع التخلف عود عود = زرع ورود الياسمين أبكل شبرٍ فبلدي
من فضل ربي مابقى للجهل في داري وجود = روح مراويح السحاب اللي رعوده ترعدي
أكبر دليل إنَ على من حولنا دايم نزود = بين النجوم اللامعه نلمع كما نجم الجدي
أنا سعودي الفخر والعود في عين الحسود = داري ملاذ المطهد مربى الرسول محمدي
الله يعز المملكة في ظل حكم ابن سعود = قايد مسيرة عزنا رمز الكرامه سيدي
درع التسامح خادم البيتين حلال العقود = ذخر العروبة كلها من كفه الكف الندي
حامي حمى المجد العظيم أمن الحدود إلا الحدود = سيفٌ إذا حُمي الوغى يُشهر بوجه المعتدي
وإذا حضر في المُؤتمر بنده على كل البنود = يعيش أبو متعب وأبو شعب العروبة والدي
ويامرحبابك ياسمو المجد يانسل الفهود = أقولها يامرحبا وبسط على صدري يدي
الله يحي طلتك عد الصوادر والورود = اللي على عد الروى من عهد جدك تاردي
بسمي واسم أهالي الخفجي أرحبك وعود = أعود أرحبك وجي لا جيت للدار أعدي
شوفك غناة النفس ياكنق الغناة وفيك ذود = يذودبك من جتبه الأقدار والوقت إحدي
وأبوه تذرف دمعته والحبل فيداه معقود = تنجيه بعد الله من حد الحسام المجردي
الله على ماقلت شاهد والأوادم لك شهود = وأخر رهينٍ فكته فزعت سموك شاهدي

المشاركة الأصلية كتبت بواسطة حميد السجايا (المشاركة 949836) صح لسااانك يابو رغد وبيض الله وجهك على ماكتبت كتبت فأبدعت لك مني جزيل الشكر والعرفان اخوك متعب

المشاركة الأصلية كتبت بواسطة ابن صنهوت (المشاركة 950206) صح لسااانك يابو رغد مبدع كعادتك

المشاركة الأصلية كتبت بواسطة فيصل المسند (المشاركة 950212) صح لسانك يا بو ناشي على هالابدااااااااااع تحياااتي

المشاركة الأصلية كتبت بواسطة عبدالله الجـــذع (المشاركة 952248) صح لسانك يابو ناشيء جزل وماتجيب الا الجزل يامبدع لاهنت محبك