| معلا إبراهيم الأسعدي |
22-Nov-2009 10:03 AM |
تكفى يا ابن سرحان ياواف الأشبار
السلام عليكم ورحمة الله وبركاته
احبتي تواصلا ً مع هذه الكوكبه الغاليه على قلوبنا جميع ٍ .وبعد إنقطاعي الفتره الماضيه لسبب بعض الضروف
أحب أقدم بين أيديكم هذه القصيده التي وجهتها للشاعر خلف بن سرحان الثبيتي.
اليا عترض فاكس ار ياكاف الأشرار=اللي حياتي بالتمني أسرها
ودي أخذبه قبل لاموت مشوار=عجل قبل نفسي ياتيها قدرها
تكفى يا ابن سرحان ياواف الأشبار=أطو المسافه برها مع بحرها
روح لقطر عطني منه جيب فاكس ار=يوم أنت من قوم ٍ يكفي نظرها
لك نظرة ً فالسوق لاجيت تختار =ولك وقفة ً غيرك ماكل ٍ قدرها
ولنكان بن سرحان قدم لي أعذار=ابا أعذره والناس ماحد ٍ جبرها
يبقى عزيز وله معزه ومقدار=وأنا باكابد فالحياه وعسرها
الرد من الشاعر:خلف بن سرحان الثبيتي
الأولـه عـداد مـدات الأنـظـار=وأعداد طرش ٍ عد حسكن وبرها
وأعداد صفر ٍ في سنى النار عبار=وأعداد مزنه مدلهم ٍ مطرها
يامرحبا عداد نشرات الأخبار=وعد الجزيرة يوم تنشر خبرها
أبشر بعزك ماعلى مثلك أختار=لو أن عيني طولت في سهـرها
يالآبه اللي ماتحسب للأخسار=الـلـه يـعـديـك الـلـيـال وخـطـرها
غالي طلبك رخيص مافيه مخسار=ياشاعر ٍ جزل المعاني صخرها
يا ابو بدرللعلم مارد ومصدار=دنياك جنب لاتجي في نحرها
وأسمع كلام ٍ من خفيات الأسرار=ماني ولد خبل ٍ يمينه قصرها
|
